ਚੰਡੀਗੜ੍ਹ, 1 ਜੂਨ (ਰਾਮ ਸਿੰਘ ਬਰਾੜ)-ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਨੇ 31 ਅਕਤੂਬਰ 2015 ਨੂੰ ਸਰਦਾਰ ਵਲੱਭ ਭਾਈ ਪਟੇਲ ਦੀ 140ਵੀਂ ਜੈਅੰਤੀ ਮੌਕੇ ਜਿਸ ਏਕ 'ਭਾਰਤ ਸੇ੍ਰਸ਼ਠ ਭਾਰਤ' ਪਹਿਲ ਦੀ ਸ਼ੁਰੂਆਤ ਕੀਤੀ ਸੀ, ਉਸ ਨਾਲ ਭਾਰਤ ਦੀ ਏਕਤਾ ਤੇ ਅਖੰਡਤਾ ਹੋਰ ਵੱਧ ਮਜ਼ਬੂਤ ਹੋਵੇਗੀ | ਮੁੱਖ ਮੰਤਰੀ ਅੱਜ ਆਪਣੇ ਆਵਾਸ ਸੰਤ ਕਰੀਬ ਕੁਟੀਰ ਵਿਚ ਹਰਿਆਣਾ 'ਚ ਰਹਿ ਰਹੇ ਵੱਖ-ਵੱਖ ਸੂਬਿਆਂ ਨਾਲ ਜੁੜੇ ਉਨ੍ਹਾਂ ਨਾਲ ਮਿਲਣ ਆਏ ਪ੍ਰਬੰਧ ਲੋਕਾਂ ਨੂੰ ਸੰਬੋਧਿਤ ਕਰ ਰਹੇ ਸਨ | ਮੁੱਖ ਮੰਤਰੀ ਨੇ ਇਸ ਮੌਕੇ 'ਤੇ ਕਿਹਾ ਕਿ ਸੂਬੇ 'ਚ ਰਹਿਣ ਵਾਲੇ ਵੱਖ-ਵੱਖ ਸੂਬਿਆਂ ਦੇ ਮਿਹਨਤੀ ਲੋਕਾਂ ਦਾ ਹਰਿਆਣਾ ਦੇ ਵਿਕਾਸ ਵਿਚ ਅਹਿਮ ਯੋਗਦਾਨ ਹੈ | ਸਾਰਿਆਂ ਦੇ ਭਾਈਚਾਰੇ ਤੇ ਸਹਿਯੋਗਾਤਮਕ ਭਾਵ ਨਾਲ ਹਰਿਆਣਾ ਲਗਾਤਾਰ ਪ੍ਰਗਤੀ ਦੇ ਪੱਥ 'ਤੇ ਅੱਗੇ ਵੱਧ ਰਿਹਾ ਹੈ | ਉਨ੍ਹਾਂ ਨੇ ਲੋਕਾਂ ਨੂੰ ਅਪੀਲ ਕੀਤਾ ਕਿ ਉਹ ਸਾਰੇ ਪ੍ਰਧਾਨ ਮੰਤਰੀ ਦੇ ਸਾਲ 2047 ਤੱਕ ਵਿਕਸਿਤ ਭਾਰਤ ਦੇ ਸੁਪਨੇ ਨੂੰ ਪੂਰਾ ਕਰਨ ਵਿਚ ਸਹਿਯੋਗ ਕਰਨ | ਇਸ ਮੌਕੇ ਹਰਿਆਣਾ ਦੇ ਲੋਕ ਨਿਰਮਾਣ ਮੰਤਰੀ ਰਣਬੀਰ ਗੰਗਵਾ, ਮੁੱਖ ਮੰਤਰੀ ਦੇ ਓ. ਐਸ. ਡੀ. ਭਾਰਤ ਭੂਸ਼ਨ ਭਾਰਤੀ, ਭਾਜਪਾ ਦੇ ਕੌਮੀ ਮਹਾ ਸਕੱਤਰ ਤਰੁਣ ਚੁੱਘ, ਮਹਾ ਮੰਤਰੀ ਡਾ. ਅਰਚਨਾ ਗੁਪਤਾ, ਸਾਬਕਾ ਮੇਅਰ ਮਦਨ ਚੌਹਾਨ, ਸੰਜੇ ਠੇਕੇਦਾਰ ਵੀ ਮੌਜੂਦ ਸਨ |
