ਚੰਡੀਗੜ੍ਹ, 24 ਸਤੰਬਰ (ਅ. ਬ.)-ਉੱਤਰੀ ਭਾਰਤ ਦੇ ਪ੍ਰਮੁੱਖ ਰੀਅਲ ਐਸਟੇਟ ਡਿਵੈਲਪਰ ਟੀ.ਡੀ.ਆਈ. ਗਰੁੱਪ ਨੇ ਪੰਜਾਬ ਮੁੱਖ ਮੰਤਰੀ ਰਾਹਤ ਕੋਸ਼ ਵਿਚ 51 ਲੱਖ ਰੁਪਏ ਦਾ ਯੋਗਦਾਨ ਦੇਣ ਦਾ ਐਲਾਨ ਕੀਤਾ¢ ਇਹ ਯੋਗਦਾਨ ਹਾਲੀਆ ਹੜ੍ਹ ਪ੍ਰਭਾਵਿਤ ਪਰਿਵਾਰਾਂ ਦੀ ਸਹਾਇਤਾ ਅਤੇ ਰਾਹਤ ਕਾਰਜਾਂ ਨੂੰ ਮਜ਼ਬੂਤ ਕਰਨ ਲਈ ਕੀਤਾ ਗਿਆ ਹੈ¢ ਇਸ ਮੁਹਿੰਮ ਦੇ ਤਹਿਤ, ਟੀ.ਡੀ.ਆਈ. ਗਰੁੱਪ ਵਲੋਂ 51 ਲੱਖ ਰੁਪਏ ਦੇ ਚੈੱਕ ਪੰਜਾਬ ਦੇ ਰਾਜਸਵ, ਆਫ਼ਤ ਪ੍ਰਬੰਧਨ, ਪਾਣੀ ਸਪਲਾਈ ਅਤੇ ਹਾਊਸਿੰਗ ਮੰਤਰੀ ਸਹਰਦੀਪ ਸਿੰਘ ਮੁੰਡੀਆ ਨੂੰ ਸÏਾਪੇ ਗਏ, ਤਾਂ ਜੋ ਸੂਬੇ ਵਿਚ ਚੱਲ ਰਹੇ ਹੜ੍ਹ ਰਾਹਤ ਤੇ ਪੁਨਰਵਾਸ ਕਾਰਜ ਤੇਜ਼ੀ ਨਾਲ ਅੱਗੇ ਵਧ ਸਕਣ¢ ਪੰਜਾਬ ਵਿਚ ਆਏ ਹੜ੍ਹ ਕਾਰਨ ਵੱਡੇ ਪੱਧਰ 'ਤੇ ਨੁਕਸਾਨ ਤੇ ਲੋਕਾਂ ਦੀ ਬੇਘਰੀ ਹੋਈ ਹੈ, ਜਿਸ ਕਰਕੇ ਤੁਰੰਤ ਸਹਿਯੋਗ ਲੋੜੀਂਦਾ ਹੈ¢ ਇਸੇ ਕਰਕੇ ਟੀ.ਡੀ.ਆਈ. ਗਰੁੱਪ ਦਾ ਇਹ ਕਦਮ ਰਾਹਤ ਕਾਰਜਾਂ ਨੂੰ ਸਮੇਂ 'ਤੇ ਮੱਦਦ ਪਹੁੰਚਾਉਣ ਵੱਲ ਮਹੱਤਵਪੂਰਣ ਹੈ¢ ਇਸ ਮÏਕੇ ਟੀ.ਡੀ.ਆਈ. ਗਰੁੱਪ ਦੇ ਪਿ੍ੰਸ ਛਾਬੜਾ ਨੇ ਕਿਹਾ, ਇੱਕ ਜ਼ਿੰਮੇਵਾਰ ਕਾਰਪੋਰੇਟ ਨਾਗਰਿਕ ਹੋਣ ਦੇ ਨਾਤੇ ਅਸੀਂ ਮੰਨਦੇ ਹਾਂ ਕਿ ਪੰਜਾਬ ਦੇ ਲੋਕਾਂ ਦੇ ਨਾਲ ਖੜ੍ਹਾ ਹੋਣਾ ਸਾਡਾ ਫ਼ਰਜ ਹੈ¢ ਮੁੱਖ ਮੰਤਰੀ ਰਾਹਤ ਕੋਸ਼ ਵਿਚ 51 ਲੱਖ ਰੁਪਏ ਦਾ ਯੋਗਦਾਨ ਸਰਕਾਰ ਦੇ ਰਾਹਤ ਤੇ ਪੁਨਰਵਾਸ ਯਤਨਾਂ ਨੂੰ ਮਜ਼ਬੂਤ ਕਰੇਗਾ¢
