ਚੰਡੀਗੜ੍ਹ ਵਿਚ ਦੋ ਵੱਖ-ਵੱਖ ਸਾਈਬਰ ਠੱਗੀ ਮਾਮਲੇ ਦਰਜ, ਕੁੱਲ 1 ਕਰੋੜ 6.79 ਲੱਖ ਰੁਪਏ ਦੀ ਹੋਈ ਠੱਗੀ
ਅਜੀਤ ਡੈਸਕ
27-12-2025
ਚਾਲਾਨ ਪੈਂਡਿੰਗ ਮੈਸੇਜ ਨੇ ਖਾਲੀ ਕਰਵਾਇਆ ਬੈਂਕ ਖਾਤਾ, 3.26 ਲੱਖ ਰੁਪਏ ਗੁਵਾਏ : ਦੂਜਾ ਮਾਮਲਾ ਮਲੋਆ ਵਿਖੇ ਰਹਿੰਦੇ ਰਮੇਸ਼ ਸਿੰਘ ਰਾਵਤ, ਜੋ ਕਿ ਜਿਓ ਟੈਲੀਕਾਮ ਕੰਪਨੀ ਵਿਚ ਕੰਮ ਕਰਦੇ ਹਨ, ਦੀ ਸ਼ਿਕਾਇਤ 'ਤੇ ਦਰਜ ਹੋਇਆ | 19 ਅਕਤੂਬਰ 2025 ਨੂੰ ਉਨ੍ਹਾਂ ਦੇ ਮੋਬਾਈਲ 'ਤੇ ਵਾਟਸਐਪ ਰਾਹੀਂ ਇਕ ਸੁਨੇਹਾ ਆਇਆ ਜਿਸ ਵਿਚ ਇਕ ਟਰਾਂਸਪੋਰਟ ਐਪ ਦਾ ਲਿੰਕ ਸੀ ਤੇ ਗੱਡੀ ਦਾ ਚਾਲਾਨ ਪੈਂਡਿੰਗ ਦੱਸਿਆ ਗਿਆ ਸੀ ਕਿਉਂਕਿ ਰਮੇਸ਼ ਦਾ ਚਾਲਾਨ ਵਾਸਤਵ ਵਿਚ ਪੈਂਡਿੰਗ ਸੀ, ਇਸ ਲਈ ਉਨ੍ਹਾਂ ਨੇ ਲਿੰਕ ਖੋਲ੍ਹ ਲਿਆ | ਲਿੰਕ ਖੁੱਲ੍ਹਦਿਆਂ ਹੀ ਫੋਨ ਹੈਕ ਹੋ ਗਿਆ ਤੇ ਕਿਸੇ ਵੀ ਫੰਕਸ਼ਨ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ | ਸ਼ੱਕ ਹੋਣ 'ਤੇ ਰਮੇਸ਼ ਨੇ ਫੋਨ ਬੰਦ ਕਰ ਦਿੱਤਾ | ਅਗਲੇ ਦਿਨ ਜਦੋਂ ਮੋਬਾਈਲ ਓਨ ਕੀਤਾ ਤਾਂ ਕਈ ਓ. ਟੀ. ਪੀ. ਪ੍ਰਾਪਤ ਹੋ ਰਹੇ ਸਨ | ਬੈਂਕ ਖਾਤਾ ਚੈੱਕ ਕਰਨ 'ਤੇ ਪਤਾ ਲੱਗਾ ਕਿ 3 ਲੱਖ 26 ਹਜ਼ਾਰ 294 ਰੁਪਏ ਉਡਾਏ ਜਾ ਚੁੱਕੇ ਹਨ | ਇਸ ਮਾਮਲੇ 'ਚ ਵੀ ਉਹੀ ਧਾਰਾਵਾਂ ਹੇਠ ਮਾਮਲਾ ਦਰਜ ਕੀਤਾ ਗਿਆ ਹੈ, ਜਿਸ ਨੂੰ ਪੁਲਿਸ ਕ੍ਰੈਡਿਟ ਕਾਰਡ ਫਰਾਡ ਤੋਂ ਜੁੜਿਆ ਮਾਨ ਰਹੀ ਹੈ | ਚੰਡੀਗੜ੍ਹ ਪੁਲਿਸ ਵਲੋਂ ਲੋਕਾਂ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਅਣਜਾਣ ਕਾਲ, ਸੁਨੇਹੇ ਤੇ ਲਿੰਕਾਂ ਤੋਂ ਸਾਵਧਾਨ ਰਹੋ, ਕਿਉਂਕਿ ਠੱਗ ਨਵੇਂ-ਨਵੇਂ ਤਰੀਕਿਆਂ ਨਾਲ ਲੋਕਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ |
