ਚੰਡੀਗੜ੍ਹ, 26 ਦਸੰਬਰ (ਮਾਰਕੰਡਾ)-ਭਾਰਤ ਦੀਆਂ ਪ੍ਰਮੁੱਖ ਪ੍ਰਤੀਯੋਗੀ ਪ੍ਰਵੇਸ਼ ਪ੍ਰੀਖਿਆਵਾਂ ਸੀ. ਐਲ. ਏ. ਟੀ. 2026, ਏ. ਆਈ. ਐਲ. ਈ. ਟੀ. 2026 ਤੇ ਸੀ. ਏ. ਟੀ. 2025 ਦੇ ਆਏ ਨਤੀਜੇ 'ਚੋਂ ਹਿਮਾਂਸ਼ੀ ਜਿੰਦਲ ਡੀ. ਏ. ਵੀ. ਕਾਲਜ ਤੋਂ ਪਾਸ ਆਊਟ ਨੇ 99.99 ਪ੍ਰਤੀਸ਼ਤਤਾ ਤੇ ਭਵਨ ਵਿਦਿਆਲਿਆ ਦੀ ਇਕ ਵਿਦਿਆਰਥਣ ਹਰਸ਼ਿਕਾ ਏ. ਆਈ. ਐਲ. ਈ. ਟੀ. 2026 'ਚੋਂ ਏ. ਆਈ. ਆਰ. 2 ਪ੍ਰਾਪਤ ਕਰਕੇ ਟਰਾਈਸਿਟੀ 'ਚੋਂ ਟਾਪਰ ਰਹੇ | ਉਸ ਤੋਂ ਇਲਾਵਾ ਭਵਨ ਵਿਦਿਆਲਿਆ, ਕਾਰਮਲ ਕਾਨਵੈਂਟ, ਵਿਵੇਕ ਹਾਈ ਸਕੂਲ, ਡੀ. ਪੀ. ਐਸ. ਤੇ ਹੋਰ ਸਕੂਲਾਂ ਦੇ ਕਈ ਹੋਰ ਵਿਦਿਆਰਥੀਆਂ ਨੇ ਸੀ. ਐਲ. ਏ. ਟੀ. ਤੇ ਏ. ਆਈ. ਐਲ. ਈ. ਟੀ. 'ਚੋਂ ਚੰਗੇ ਰੈਂਕ ਪ੍ਰਾਪਤ ਕੀਤੇ | ਆਰੀਅਨ, ਅਹਾਨਾ, ਆਇਨਾ, ਕਰੂਬ, ਸੀਰਤ, ਲਵੀਸ਼ਾ, ਸਨਿਗਧਾ, ਪੁਲਕਿਤ ਤੇ ਅਨਵੀ ਸਮੇਤ ਵਿਦਿਆਰਥੀਆਂ ਨੇ ਸ਼ਲਾਘਾਯੋਗ ਰੈਂਕ ਪ੍ਰਾਪਤ ਕੀਤੇ ਹਨ ਅਤੇ ਕਾਊਾਸਲਿੰਗ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਮੁੱਖ ਰਾਸ਼ਟਰੀ ਕਾਨੂੰਨ ਯੂਨੀਵਰਸਿਟੀਆਂ ਦੀਆਂ ਅਲਾਟਮੈਂਟ ਸੂਚੀਆਂ 'ਚ ਸ਼ਾਮਿਲ ਹੋਣ ਦੀ ਉਮੀਦ ਹੈ | ਸੀ. ਏ. ਟੀ. ਇੰਡੀਅਨ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ (ਆਈ. ਆਈ. ਐਮ. ਐਸ.) ਤੇ ਹੋਰ ਪ੍ਰਮੁੱਖ ਵਪਾਰਕ ਸਕੂਲਾਂ, ਜਿਨ੍ਹਾਂ 'ਚ ਆਈ. ਆਈ. ਐਮ. ਅੰਮਿ੍ਤਸਰ, ਆਈ. ਆਈ. ਐਮ. ਸਿਰਮੌਰ ਤੇ ਯੂਨੀਵਰਸਿਟੀ ਬਿਜ਼ਨਸ ਸਕੂਲ (ਯੂ. ਬੀ. ਐਸ.), ਪੰਜਾਬ ਯੂਨੀਵਰਸਿਟੀ ਸ਼ਾਮਿਲ ਹਨ, ਦਾ ਮੁੱਖ ਪ੍ਰਵੇਸ਼ ਦੁਆਰ ਬਣਿਆ ਹੋਇਆ ਹੈ, ਜੋ ਕਿ ਖੇਤਰ ਦੇ ਉਮੀਦਵਾਰਾਂ ਲਈ ਮੁੱਖ ਸੰਸਥਾਵਾਂ ਹਨ |
