ਨੂਰਪੁਰ ਬੇਦੀ, 1 ਜੂਨ (ਹਰਦੀਪ ਸਿੰਘ ਢੀਂਡਸਾ)-ਸ਼ਿਵ ਮੰਦਰ ਡੇਰਾ ਮਹਾਦੇਵ ਬਿੱਲ ਪੁਰ ਵਿਖੇ ਸੰਤ ਬਾਬਾ ਉਮੇਦ ਗਿਰ ਦੀ ਅਗਵਾਈ 'ਚ ਵਿਸ਼ਾਲ ਭੰਡਾਰਾ ਲਗਾਇਆ | ਸੰਤ ਬਾਬਾ ਉਮੇਦ ਗਿਰ ਵਲੋਂ ਸੰਗਤਾਂ ਨੂੰ ਪ੍ਰਵਚਨ ਕਰਦਿਆਂ ਨਾਮ ਜਪਣ, ਚੰਗੇ ਕਰਮ ਕਰਨ ਤੇ ਮਾਨਵਤਾ ਦੀ ਸੇਵਾ ਕਰਨ ਦਾ ਸੰਦੇਸ਼ ਦਿੱਤਾ | ਦੱਸਣਯੋਗ ਹੈ ਕਿ ਸਰਬੱਤ ਦੇ ਭਲੇ ਤੇ ਸੰਗਤਾਂ ਦੇ ਕਲਿਆਣ ਦੇ ਲਈ ਨਿਰੰਤਰ ਲੰਬੇ ਸਮੇਂ ਤੋਂ ਬਾਬਾ ਉਮੇਦ ਗਿਰ ਜੀ ਡੇਰਾ ਮਹਾਂਦੇਵ ਸਸਕੋਰ, ਸ਼ਿਵ ਮੰਦਰ ਡੇਰਾ ਬਿੱਲਪੁਰ ਸਮੇਤ ਇਲਾਕੇ ਦੇ ਵੱਖ-ਵੱਖ ਧਾਰਮਿਕ ਸਥਾਨਾਂ ਤੇ ਲੰਗਰਾਂ ਦੀ ਸੇਵਾ ਤੇ ਦੀਨ ਦੁਖੀਆਂ ਦੇ ਕਲਿਆਣ ਲਈ ਨਿਰੰਤਰ ਆਸ਼ੀਰਵਾਦ ਦੇ ਰਹੇ ਹਨ | ਅੱਜ ਇਸ ਧਾਰਮਿਕ ਸਮਾਗਮ ਮੌਕੇ ਇਥੇ ਸੈਂਕੜੇ ਸੰਗਤਾਂ ਵਲੋਂ ਨਤਮਸਤਕ ਹੋ ਕੇ ਧਾਰਮਿਕ ਕਾਰਜ 'ਚ ਹਾਜ਼ਰੀ ਲਗਵਾਈ ਗਈ |
