ਰੂਪਨਗਰ

ਮਿ੍ਤਕ ਵਿਦਿਆਰਥਣ ਦੇ ਪੋਸਟਮਾਰਟਮ 'ਤੇ ਪਿਤਾ ਨੇ ਜਤਾਇਆ ਇਤਰਾਜ਼

ਪੋਸਟਮਾਰਟਮ ਯੂਨਿਟ ਤੋਂ ਬਾਹਰ ਡਾਕਟਰਾਂ ਨੂੰ ਲਾਹਨਤਾਂ ਪਾ ਰਿਹਾ ਮਿ੍ਤਕਾ ਦਾ ਪਿਤਾ ਅਤੇ ਡਾਕਟਰ ਤੇ ਪੁਲਿਸ ਨਾਲ ਗੱਲਬਾਤ ਕਰ ਰਹੇ ਬਸਪਾ ਆਗੂ | (ਸੱਜੇ) ਮਿ੍ਤਕ ਵਿਦਿਆਰਥਣ ਦੇ ਪੋਸਟਮਾਰਟਮ 'ਤੇ ਪਿਤਾ ਨੇ ਜਤਾਇਆ ਇਤਰਾਜ਼ | ਤਸਵੀਰਾਂ : ਵਰੁਣ ਲਾਂਬਾ <br/> 03-06-2025

ਰੂਪਨਗਰ, 2 ਜੂਨ (ਸਤਨਾਮ ਸਿੰਘ ਸੱਤੀ)-ਬੀਤੇ ਦਿਨ ਪਿੰਡ ਮਨਸੂਹਾ ਦੀ ਰਹਿਣ ਵਾਲੀ ਜਸ਼ਨਪ੍ਰੀਤ ਕੌਰ ਜੋ ਸਰਕਾਰੀ ਕਾਲਜ ਰੂਪਨਗਰ 'ਚ ਬੀ. ਏ. ਦੀ ਵਿਦਿਆਰਥਣ ਸੀ, ਦੀ ਮਿ੍ਤਕ ਦੇਹ ਸ੍ਰੀ ਚਮਕੌਰ ਸਾਹਿਬ ਮਾਰਗ 'ਤੇ ਪਿੰਡ ਭੋਜੇ ਮਾਜਰਾ ਕੋਲ ਸਰਹਿੰਦ ਨਹਿਰ 'ਚੋਂ ਕੱਢੀ ਇਕ ਕਾਰ 'ਚੋਂ ਬਰਾਮਦ ਹੋਈ ਸੀ | ਜਿਸ ਲਈ ਕਾਰ 'ਚ ਸਵਾਰ ਨੌਜਵਾਨ ਜਸਪ੍ਰੀਤ ਸਿੰਘ 'ਤੇ ਸਿਟੀ ਪੁਲਿਸ ਰੂਪਨਗਰ ਨੇ ਪਰਚਾ ਦਰਜ ਕੀਤਾ ਸੀ | ਪੁਲਿਸ ਨੇ ਮੁਲਜ਼ਮ ਨੂੰ ਤਾਂ ਬੀਤੀ ਸ਼ਾਮ ਗਿ੍ਫ਼ਤਾਰ ਕਰ ਲਿਆ ਸੀ, ਜਿਸ ਤੋਂ ਬਾਅਦ ਮਿ੍ਤਕਾਂ ਦਾ ਪਰਿਵਾਰ ਪੋਸਟਮਾਰਟਮ ਕਰਾਉਣ ਲਈ ਰਾਜ਼ੀ ਹੋ ਗਿਆ ਪਰ ਅੱਜ ਜਦੋਂ ਪੀੜਤ ਪਰਿਵਾਰ ਪੋਸਟਮਾਰਟਮ ਕਰਵਾਉਣ ਸਿਵਲ ਹਸਪਤਾਲ ਪੁੱਜਾ ਤਾਂ ਮਿ੍ਤਕਾਂ ਦੇ ਪਿਤਾ ਤਰਲੋਚਨ ਸਿੰਘ ਤੇ ਬਸਪਾ ਆਗੂਆਂ ਰਜਿੰਦਰ ਸਿੰਘ ਨਨਹੇੜੀਆਂ ਆਦਿ ਨੇ ਵੀਡੀਓਗ੍ਰਾਫੀ ਕਰਵਾਉਣ ਦੀ ਸ਼ਰਤ ਰੱਖੀ, ਜਦੋਂ ਪਰਿਵਾਰ ਪੋਸਟਮਾਰਟਮ ਮੌਕੇ ਵੀਡੀਓ ਬਣਾਉਣ ਲੱਗਾ ਤਾਂ ਡਾਕਟਰਾਂ ਨੇ ਅਜਿਹਾ ਕਰਨ ਤੋਂ ਰੋਕ ਦਿੱਤਾ ਅਤੇ ਕਿਹਾ ਕਿ ਅਜਿਹਾ ਕਰਨ ਦੀ ਆਗਿਆ ਲੈਣੀ ਪਵੇਗੀ ਜਦੋਂ ਪਰਿਵਾਰ ਪੋਸਟਮਾਰਟਮ ਰੁਕਵਾ ਕੇ ਆਗਿਆ ਲੈਣ ਚਲਾ ਗਿਆ ਤਾਂ ਪਿੱਛੋਂ ਡਾਕਟਰਾਂ ਨੇ ਪੋਸਟਮਾਰਟਮ ਕਰ ਦਿੱਤਾ, ਜਿਸ 'ਤੇ ਪਰਿਵਾਰ ਤੇ ਬਸਪਾ ਆਗੂਆਂ ਨੇ ਬਹੁਤ ਇਤਰਾਜ਼ ਕੀਤਾ ਅਤੇ ਕਿਹਾ ਕਿ ਇਸ ਪਿੱਛੇ ਜ਼ਰੂਰ ਕੋਈ ਰਾਜ ਛੁਪਿਆ ਹੋਇਆ ਹੈ, ਜਿਸ ਲਈ ਪੁਲਿਸ ਤੇ ਡਾਕਟਰਾਂ ਨੇ ਇੰਨੀ ਕਾਹਲੀ ਕੀਤੀ ਹੈ ਅਤੇ ਪਰਿਵਾਰ ਨੂੰ ਅੱਖੋਂ ਪਰੋਖੇ ਕੀਤਾ ਗਿਆ ਹੈ | ਪੀੜਤ ਪਿਤਾ ਨੇ ਡਾਕਟਰਾਂ ਨੂੰ ਲਾਹਨਤਾਂ ਪਾਈਆਂ ਅਤੇ ਉਲਾਹਮੇ ਦਿੱਤੇ | ਉਨ੍ਹਾਂ ਕਿਹਾ ਕਿ ਜੇ ਕੁੱਝ ਸਮਾਂ ਰੁਕ ਜਾਂਦੇ ਤਾਂ ਉਹ ਆਗਿਆ ਲੈ ਕੇ ਆ ਹੀ ਤਾਂ ਗਏ ਸਨ | ਉਨ੍ਹਾਂ ਦੋਸ਼ ਲਾਏ ਕੇ ਉਸ ਦੀ ਪੁੱਤਰੀ ਭੋਲੀ ਸੀ, ਜਿਸ ਦਾ ਕਤਲ ਕਰਕੇ ਕਾਰ ਸਮੇਤ ਉਸ ਨੂੰ ਨਹਿਰ ਵਿਚ ਸੁੱਟ ਦਿੱਤਾ ਗਿਆ ਸੀ | ਤਰਲੇ ਪਾਉਂਦਾ ਹੋਇਆ ਪਰਿਵਾਰ ਲਾਸ਼ ਲੈ ਕੇ ਪਿੰਡ ਮਨਸੂਹਾ ਚਲਾ ਗਿਆ, ਜਿਥੇ ਮਿ੍ਤਕਾਂ ਦਾ ਸਸਕਾਰ ਕਰ ਦਿੱਤਾ ਗਿਆ | ਪਿੱਛੇ ਇਹ ਸਵਾਲ ਖੜ੍ਹਾ ਹੋ ਗਿਆ ਕਿ ਡਾਕਟਰਾਂ ਨੇ ਪੋਸਟਮਾਰਟਮ ਕਰਨ ਲਈ ਇੰਨੀ ਕਾਹਲੀ ਕਿਉਂ ਕੀਤੀ ਹੈ, ਕੀ ਕੋਈ ਰਾਜ ਛੁਪਿਆ ਹੋਇਆ ਹੈ ਜਾਂ ਇਹ ਇਕ ਦਿਹਾੜੀਦਾਰ ਗ਼ਰੀਬ ਦੀ ਧੀ ਸੀ, ਜਿਸ ਕਰਕੇ ਕਿਸੇ ਨੇ ਉਸ ਦੀ ਰਤਾ ਵੀ ਪ੍ਰਵਾਹ ਨਹੀਂ ਕੀਤੀ |

ਪਿਛਲੀ ਖ਼ਬਰ ਪੰਜਾਬ ਪੈਨਸ਼ਨਰਜ਼ ਮਹਾਂ ਸੰਘ ਦੀ ਮੀਟਿੰਗ ਹੋਈ ਅਗਲੀ ਖ਼ਬਰ ਟੀ. ਬੀ. ਦੇ ਐਕਟਿਵ ਕੇਸ ਲੱਭਣ ਲਈ ਚੱਲੇਗੀ 100 ਰੋਜ਼ਾ ਮੁਹਿੰਮ <br/>

ਮਿ੍ਤਕ ਵਿਦਿਆਰਥਣ ਦੇ ਪੋਸਟਮਾਰਟਮ 'ਤੇ ਪਿਤਾ ਨੇ ਜਤਾਇਆ ਇਤਰਾਜ਼

ਸੰਬੰਧਿਤ ਖ਼ਬਰਾਂ