20-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 04-06-2025

ਮੋਰਿੰਡਾ ਦਾ ਬੱਸ ਅੱਡਾ ਬਣਿਆ ਨਰਕ ਦਾ ਅੱਡਾ <br/>

Ad Position 21
No active advertisement
ਅਜੀਤ ਡੈਸਕ 04-06-2025
ਮੋਰਿੰਡਾ, 3 ਜੂਨ (ਪਿ੍ਤਪਾਲ ਸਿੰਘ)-ਬੱਸ ਅੱਡਾ ਮੋਰਿੰਡਾ ਜਿਥੇ ਰੋਜ਼ਾਨਾ ਹੀ ਹਜ਼ਾਰਾਂ ਦੀ ਗਿਣਤੀ 'ਚ ਮੁਸਾਫ਼ਰ ਬੱਸਾਂ ਰਾਹੀਂ ਇੱਧਰ ਤੋਂ ਉੱਧਰ ਜਾਂਦੇ ਹਨ, ਉੱਥੇ ਨਗਰ ਕੌਂਸਲ ਵਲੋਂ ਮੁਸਾਫ਼ਰਾਂ ਦੇ ਸਵਾਗਤ ਲਈ ਵੱਡੇ-ਵੱਡੇ ਗੰਦਗੀ ਦੇ ਢੇਰ ਲਗਾਏ ਜਾਂਦੇ ਹਨ ਅਤੇ ਨਗਰ ਕੌਂਸਲ ਦਾ ਕੂੜਾ ਕਰਕਟ ਚੁੱਕਣ ਵਾਲੇ ਵਾਹਨ ਵੀ ਬੱਸ ਸਟੈਂਡ ਮੋਰਿੰਡਾ ਵਿਚ ਹੀ ਖੜੇ੍ਹ ਕੀਤੇ ਜਾਂਦੇ ਹਨ, ਜਿਸ ਨਾਲ ਹਰ ਸਮੇਂ ਬੱਸ ਅੱਡੇ ਵਿਚ ਅਤੇ ਇਸ ਦੇ ਨਾਲ ਲੱਗਦੇ ਮੁਹੱਲੇ ਵਿਚ ਬਦਬੂ ਮਾਰਦੀ ਰਹਿੰਦੀ ਹੈ | ਇਸ ਮੌਕੇ ਕਾਂਗਰਸ ਦੇ ਸੀਨੀਅਰ ਆਗੂ ਹਰਮਿੰਦਰ ਸਿੰਘ ਲੱਕੀ, ਅਕਾਲੀ ਆਗੂ ਅਮਰਿੰਦਰ ਸਿੰਘ ਹੈਲੀ, ਭਾਜਪਾ ਆਗੂ ਰਜੇਸ਼ ਭਾਟੀਆ ਟੈਕਸੀ ਯੂਨੀਅਨ ਦੇ ਪ੍ਰਧਾਨ ਲਖਬੀਰ ਸਿੰਘ ਲੱਖੀ ਦੁਕਾਨਦਾਰ ਗਿਆਨ ਸਿੰਘ, ਜੋਗਿੰਦਰ ਪਾਲ, ਅੱਡਾ ਇੰਚਾਰਜ ਰੂਪ ਸਿੰਘ, ਧਰਮਿੰਦਰ ਸਿੰਘ, ਬੰਟੀ ਆਦਿ ਨੇ ਦੱਸਿਆ ਕਿ ਨਗਰ ਕੌਂਸਲ ਦੇ ਸਫਾਈ ਸੇਵਕਾਂ ਵਲੋਂ ਸ਼ਹਿਰ 'ਚੋਂ ਕੂੜਾ ਕਰਕਟ ਇਕੱਠਾ ਕਰਕੇ ਬੱਸ ਅੱਡੇ 'ਚ ਢੇਰ ਲਗਾਏ ਜਾਂਦੇ ਹਨ, ਜਿਸ ਨਾਲ ਹਰ ਸਮੇਂ ਬੱਸ ਅੱਡੇ ਵਿਚ ਅਤੇ ਨਾਲ ਲਗਦੇ ਮੁਹੱਲੇ 'ਚ ਬਦਬੂ ਮਾਰਦੀ ਰਹਿੰਦੀ ਹੈ | ਗੰਦਗੀ ਦੇ ਢੇਰ ਤੇ ਹਰ ਸਮੇਂ ਅਵਾਰਾ ਪਸ਼ੂ ਤੇ ਕੁੱਤੇ ਆਪਣੇ ਭੋਜਨ ਦੀ ਭਾਲ ਵਿਚ ਖੜੇ੍ਹ ਰਹਿੰਦੇ ਹਨ ਕਈ ਵਾਰ ਇਹ ਅਵਾਰਾ ਪਸ਼ੂ ਆਮ ਮੁਸਾਫਰਾਂ ਨੂੰ ਟੱਕਰ ਮਾਰਕੇ ਜ਼ਖ਼ਮੀ ਵੀ ਕਰ ਚੁੱਕੇ ਹਨ | ਮਹੱਲਾ ਨਿਵਾਸੀਆਂ ਨੇ ਦੱਸਿਆ ਕਿ ਇਸ ਕੂੜੇ ਦੀ ਬਦਬੂ ਪੂਰੇ ਮਹੱਲੇ 'ਚ ਫੈਲਣ ਕਾਰਨ ਸਾਹ ਲੈਣਾ ਵੀ ਬਹੁਤ ਔਖਾ ਹੋਇਆ ਪਿਆ | ਉਕਤ ਲੋਕਾਂ ਨੇ ਦੱਸਿਆ ਕਿ ਬੱਸ ਅੱਡੇ ਅੰਦਰਲੀ ਮੋਟਰ ਪਿਛਲੇ ਚਾਰ ਦਿਨ ਤੋਂ ਖਰਾਬ ਪਈ ਹੈ | ਪਤਾ ਲੱਗਿਆ ਹੈ ਕਿ ਇਸ ਮੋਟਰ ਦਾ ਸਟਾਰਟ ਖਰਾਬ ਹੈ ਪਰ ਕਿਸੇ ਵੀ ਅਧਿਕਾਰੀ ਵਲੋਂ ਇਸ ਨੂੰ ਹਾਲੇ ਤੱਕ ਠੀਕ ਨਹੀਂ ਕਰਵਾਇਆ ਗਿਆ | ਮੁਸਾਫਰਾਂ ਨੂੰ ਪੀਣ ਵਾਲੇ ਪਾਣੀ ਦੀ ਬਹੁਤ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ | ਦੁਕਾਨਦਾਰਾਂ ਨੂੰ ਵੀ ਆਪਣੀਆਂ ਦੁਕਾਨਾਂ ਵਿਚ ਪਾਣੀ ਵਰਤਣ ਲਈ ਦੂਰ ਦੁਰਾਡੇ ਤੋਂ ਲੈਣਾ ਪੈਂਦਾ ਹੈ ਭਾਵੇਂ ਕਿ ਨਗਰ ਕੌਂਸਲ ਵਲੋਂ ਇਥੇ ਇਕ ਪਾਣੀ ਦਾ ਕੈਂਟਰ ਖੜ੍ਹਾ ਕੀਤਾ ਗਿਆ ਹੈ | ਇਸ ਸੰਬੰਧੀ ਨਗਰ ਕੌਂਸਲ ਮੋਰਿੰਡਾ ਦੇ ਕਾਰਜ ਸਾਧਕ ਅਫ਼ਸਰ ਪਰਵਿੰਦਰ ਸਿੰਘ ਭੱਟੀ ਨੇ ਕਿਹਾ ਕਿ ਮੈਨੂੰ ਤਾਂ ਕਿਸੇ ਨੇ ਦੱਸਿਆ ਨਹੀਂ ਤੇ ਉਨ੍ਹਾਂ ਕਿਹਾ ਕਿ ਉਹ ਜਲਦ ਹੀ ਸਫ਼ਾਈ ਕਰਾ ਦੇਣਗੇ | ਮੋਟਰ ਖਰਾਬ ਹੁਣ ਸੰਬੰਧੀ ਉਨ੍ਹਾਂ ਕਿਹਾ ਕਿ ਮੋਟਰ ਵੀ ਜਲਦੀ ਹੀ ਠੀਕ ਕਰਵਾ ਦਿੱਤੀ ਜਾਵੇਗੀ |

Ad Position 22
No active advertisement
ਪਿਛਲੀ ਖ਼ਬਰ ਭਾਕਿਯੂ ਰਾਜੇਵਾਲ ਵਲੋਂ ਕਿਸਾਨ ਯੂਨੀਅਨਾਂ ਦੀ ਕਾਰਗੁਜ਼ਾਰੀ 'ਤੇ ਮੁੱਖ ਮੰਤਰੀ ਦੁਆਰਾ ਉਠਾਏ ਸਵਾਲਾਂ ਦਾ ਵਿਰੋਧ <br/> ਅਗਲੀ ਖ਼ਬਰ ਡੀ. ਸੀ. ਤੇ ਐਸ. ਐਸ. ਪੀ. ਰੂਪਨਗਰ ਵਲੋਂ ਸਿਵਲ ਹਸਪਤਾਲ ਰੂਪਨਗਰ ਤੇ ਨਸ਼ਾ ਛੁਡਾਊ ਕੇਂਦਰ ਦਾ ਦੌਰਾ
Ad Position 24