ਸ੍ਰੀ ਅਨੰਦਪੁਰ ਸਾਹਿਬ 31 ਅਗਸਤ (ਜੇ ਐਸ ਨਿੱਕੂਵਾਲ)-ਸ੍ਰੀ ਅਨੰਦਪੁਰ ਸਾਹਿਬ ਤੋਂ ਬੁਰਜ ਅਤੇ ਅਮਰਪੁਰ ਬੇਲਾ ਰਾਹੀਂ ਨੂਰਪੁਰ ਬੇਦੀ ਨੂੰ ਜਾਣ ਵਾਲਾ ਰਾਹ ਪੈ ਰਹੀ ਭਾਰੀ ਬਰਸਾਤ ਕਾਰਨ ਆਰਜੀ ਤੌਰ ਤੇ ਬੰਦ ਹੋ ਗਿਆ ਹੈ | ਦੱਸਣਯੋਗ ਹੈ ਕਿ ਬੁਰਜ ਵਿਖੇ ਕਾਰਸੇਵਾ ਕਿਲ੍ਹਾ ਅਨੰਦਗੜ੍ਹ ਸਾਹਿਬ ਵਲੋਂ ਸਤਲੁਜ ਦਰਿਆ ਤੇ ਪਾਏ ਗਏ ਪੁਲ ਅਤੇ ਸੂਬਾ ਸਰਕਾਰ ਵਲੋਂ ਮਟੌਰ ਤੋਂ ਕੱਢੇ ਗਏ ਨਵੇਂ ਰਸਤੇ ਤੋਂ ਬਾਅਦ ਇਸ ਰਾਹ ਦੀ ਬਹੁਤ ਜ਼ਿਆਦਾ ਵਰਤੋਂ ਹੁੰਦੀ ਹੈ | ਕਿਉਂਕਿ ਇਹ ਰਸਤਾ ਸ੍ਰੀ ਅਨੰਦਪੁਰ ਸਾਹਿਬ ਨੂੰ ਨੂਰਪੁਰ ਬੇਦੀ ਨਾਲ ਸਿੱਧਾ ਜੋੜਦਾ ਹੈ ਅਤੇ ਦਸ ਕਿੱਲੋਮੀਟਰ ਦਾ ਰਸਤਾ ਵੀ ਘੱਟ ਜਾਂਦਾ ਹੈ | ਭਾਏ ਕਿ ਇਹ ਰਸਤਾ ਸਾਰਾ ਸਾਲ ਚੱਲਦਾ ਰਹਿੰਦਾ ਹੈ, ਪਰੰਤੂ ਬਰਸਾਤਾਂ ਦੇ ਦਿਨਾਂ ਵਿਚ ਸਤਲੁਜ ਵਿਚ ਸਵਾ ਦਾ ਪਾਣੀ ਰਲ ਜਾਣ ਕਾਰਨ ਇਹ ਪਾਣੀ ਦਰਿਆਂ ਤੋਂ ਬਾਹਰ ਖੇਤਾਂ ਵਿਚ ਘੁੰਮਣ ਲੱਗਦਾ ਹੈ | ਅਤੇ ਫਿਰ ਇਹ ਸਮੱਸਿਆ ਪੈਦਾ ਹੋ ਜਾਂਦੀ ਹੈ | ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਅਮਰਪੁਰ ਬੇਲਾ ਕੋਲ ਬੀਤੇ ਸਾਲ ਪਾਣੀ ਦੇ ਤੇਜ਼ ਬਹਾਓ ਵਿਚ ਰੁੜ੍ਹ ਗਿਆ ਸੀ | ਜਿਸ ਦਾ ਸਖ਼ਤ ਮਿਹਨਤ ਤੋਂ ਬਾਅਦ ਬਚਾਅ ਕਰ ਲਿਆ ਗਿਆ ਸੀ | ਆਮ ਲੋਕਾਂ ਨੂੰ ਅਪੀਲ ਹੈ ਕਿ ਬਰਸਾਤਾਂ ਦੇ ਦਿਨਾਂ ਵਿਚ ਇਸ ਰਸਤੇ ਦੀ ਘੱਟ ਤੋਂ ਘੱਟ ਵਰਤੋਂ ਕੀਤੀ ਜਾਵੇ |
