13-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 05-09-2025

ਖ਼ਾਲਸਾ ਜਨਮ ਭੂਮੀ ਸ੍ਰੀ ਅਨੰਦਪੁਰ ਸਾਹਿਬ ਨਾਲ ਮਾਝੇ ਤੇ ਦੁਆਬੇ ਨੂੰ ਜੋੜਨ ਵਾਲਾ ਸੂਬੇ ਦਾ ਸਭ ਤੋਂ ਲੰਮਾ ਪੁਲ ਵੀ ਲੜ ਰਿਹਾ ਹੈ ਵਜੂਦ ਦੀ ਲੜਾਈ <br/>

Ad Position 21
No active advertisement
ਸ੍ਰੀ ਅਨੰਦਪੁਰ ਸਾਹਿਬ ਨੇੜੇ ਦਰਿਆ ਸਤਲੁਜ 'ਤੇ ਸਥਿਤ ਪੁਲ ਦੇ ਨੰਗੇ ਹੋਏ ਪਿੱਲਰਾਂ ਦੀ ਅਤੇ ਨੁਕਸਾਨੀ ਕਰੇਟ ਵਾਲ ਨਾਲ ਮਿੱਟੀ ਦੇ ਬੋਰੇ ਲਗਾਉਣੇ ਇਲਾਕੇ ਦੇ ਨੌਜਵਾਨ ਅਤੇ ਕੈਬਨਿਟ ਮੰਤਰੀ ਹਰਜੋਤ ਸਿੰਘ ਬੈਂਸ ਦੀਆਂ ਤਸਵੀਰਾਂ | <br/> 05-09-2025
ਸ੍ਰੀ ਅਨੰਦਪੁਰ ਸਾਹਿਬ, 4 ਸਤੰਬਰ (ਕਰਨੈਲ ਸਿੰਘ)-ਖ਼ਾਲਸਾ ਜਨਮ ਭੂਮੀ ਸ੍ਰੀ ਅਨੰਦਪੁਰ ਸਾਹਿਬ ਦਾ ਮਾਝੇ, ਦੁਆਬੇ ਅਤੇ ਮਾਲਵੇ ਨਾਲ ਮੇਲ ਕਰਵਾਉਣ ਵਾਲੇ ਦਰਿਆ ਸਤਲੁੱਜ 'ਤੇ ਥਾਣਾ ਪੱਤਣ ਵਿਖੇ ਬਣਿਆ ਹਾਈ ਲੈਵਲ ਪੁਲ ਸਮੇਂ-ਸਮੇਂ ਦੀਆਂ ਸਰਕਾਰਾਂ ਦੀ ਲਾਪ੍ਰਵਾਹੀ ਕਰਕੇ ਪਿਛਲੇ ਦੋ ਦਹਾਕੇ ਤੋਂ ਲਗਾਤਾਰ ਹੁੰਦੀ ਆ ਰਹੀ ਨਜਾਇਜ ਮਾਈਨਿੰਗ ਕਰਕੇ ਅਤੇ ਦਰਿਆ 'ਚ ਭਾਰੀ ਮਾਤਰਾ 'ਚ ਆ ਰਹੇ ਪਾਣੀ ਕਰਕੇ ਆਪਣੇ ਬਜੂਦ ਦੀ ਲੜਾਈ ਲੜਦਾ ਨਜ਼ਰ ਆ ਰਿਹਾ ਹੈ | ਜਿਕਰਯੋਗ ਹੈ ਕਿ ਕਰੀਬ ਸਾਢੇ 4 ਦਹਾਕੇ ਪਹਿਲਾ ਬਹੁ ਰਾਸਟਰੀ ਕੰਪਨੀ ਗੈਮਨ ਇੰਡੀਆ ਵਲੋਂ ਉਸਾਰੇ ਕਰੀਬ 1 ਕਿ: ਮੀਟਰ ਲੰਮੇ ਦਰਿਆ ਸਤਲੁੱਜ ਦੇ ਉਕਤ ਪੁੱਲ ਦੇ ਆਲੇ ਦੁਆਲੇ ਪਿਛਲੇ ਦੋ ਦਹਾਕਿਆਂ ਤੋਂ ਲਗਾਤਾਰ ਹੁੰਦੀ ਆ ਰਹੀ ਨਜਾਇਜ ਮਾਈਨਿੰਗ ਕਰਕੇ ਪੁਲ ਦੇ ਪਿੱਲਰ ਇਸ ਵੇਲੇ 25-30 ਫੁੱਟ ਤੱਕ ਨੰਗੇ ਹੋ ਚੁੱਕੇ ਹਨ | ਜੋ ਪਹਿਲਾਂ ਵੀ ਲੋਕਾਂ 'ਚ ਚਰਚਾ ਦਾ ਵਿਸ਼ੇ ਬਣੇ ਹੋਏ ਹਨ | ਹੁਣ ਹਿਮਾਚਲ ਪ੍ਰਦੇਸ਼ ਦੇ ਨਾਲ-ਨਾਲ ਸ੍ਰੀ ਅਨੰਦਪੁਰ ਸਾਹਿਬ ਇਲਾਕੇ ਅੰਦਰ ਲਗਾਤਾਰ ਹੋ ਰਹੀ ਭਾਰੀ ਬਰਸਾਤ ਕਰਕੇ ਜਿੱਥੇ ਦਰਿਆ ਸਤਲੁਜ 'ਚ ਭਾਖੜਾ ਡੈਮ ਤੋਂ ਭਾਰੀ ਮਾਤਰਾ 'ਚ ਲਗਾਤਾਰ ਆ ਰਹੇ ਪਾਣੀ ਦੇ ਨਾਲ ਨਾਲ ਗੁਆਂਢੀ ਸੂਬੇ ਹਿਮਾਚਲ ਪ੍ਰਦੇਸ਼ ਦੀ ਬਰਸਾਤੀ ਸਵਾਂ ਨਦੀ 'ਚ ਵੀ ਹਜਾਰਾਂ ਕਿਉੂਸਿਕ ਪਾਣੀ ਆ ਰਿਹਾ ਹੈ | ਇਹ ਪੁਲ ਕੋਲ ਉਕਤ ਦੋਵੇਂ ਨਦੀਆਂ ਦਾ ਸੁਮੇਲ ਹੁੰਦਾ ਹੈ | ਜਿਸ ਕਰਕੇ ਪਾਣੀ ਦੀ ਮਾਤਰਾ 1 ਲੱਖ ਕਿਊਸਿਕ ਤੋਂ ਵੀ ਵਧ ਜਾਂਦੀ ਹੈ | ਪਹਿਲਾ ਹੀ ਖਸਤਾ ਹਲਾਤ ਹੰਢਾਅ ਰਹੇ ਇਸ ਪੁਲ ਦੇ ਰੱਖ ਰਖਾਅ ਲਈ ਲਗਾਈ ਕਰੇਟ ਵਾਲ ਵੀ ਹੁਣ ਤੇਜ਼ ਪਾਣੀ ਦੇ ਵਹਾਅ 'ਚ ਰੁੜਣੀ ਸ਼ੁਰੂ ਹੋ ਗਈ ਹੈ | ਜਿਸ ਕਰਕੇ ਪੁੱਲ ਦੀ ਹੋਂਦ ਹੀ ਖਤਰੇ 'ਚ ਪਈ ਨਜ਼ਰ ਆ ਰਹੀ ਹੈ | ਇਲਾਕਾ ਨਿਵਾਸੀਆਂ ਦਾ ਦੋਸ ਹੈ ਕਿ ਜਦੋਂ ਹਲਾਤ ਵਿਗੜ ਜਾਂਦੇ ਹਨ ਤਦ ਪ੍ਰਸ਼ਾਸਨ ਹਰਕਤ 'ਚ ਆ ਜਾਂਦਾ ਹੈ ਪਰ ਅੱਗੋ ਪਿਛੋਂ ਪ੍ਰਸ਼ਾਸ਼ਨ ਤੇ ਸਬੰਧਿਤ ਵਿਭਾਗ ਸੁੱਤੇ ਰਹਿੰਦੇ ਹਨ | ਉਨ੍ਹ ਾਂ ਕਿਹਾ ਕਿ ਜੇਕਰ ਪੁਲ ਦਾ ਕੋਈ ਨੁਕਸਾਨ ਹੁੰਦਾ ਹੈ ਤਦ ਸੂਬਾ ਸਰਕਾਰ, ਰਾਜਨੀਤੀਕ ਤੰਤਰ, ਅਫਸਰਸ਼ਾਹੀ ਅਤੇ ਸਬੰਧਿਤ ਵਿਭਾਗ ਹੀ ਇਸ ਲਈ ਜ਼ਿੰਮੇਵਾਰ ਹੋਣਗੇ | ਜਿਨ੍ਹਾਂ ਦੀ ਲਾਪ੍ਰਵਾਹੀ, ਕਥਿਤ ਮਿਲੀਭੁਗਤ ਅਤੇ ਸਰਪ੍ਰਸਤੀ 'ਚ ਪਿਛਲੇ ਦੋ ਦਹਾਕਿਆਂ ਤੋਂ ਲਗਾਤਾਰ ਦਰਿਆ 'ਚ ਨਜਾਇਜ ਮਾਈਨਿੰਗ ਹੁੰਦੀ ਰਹੀ ਹੈ | ਜ਼ਿਕਰਯੋਗ ਇਹ ਵੀ ਹੈ ਕਿ ਨਜਾਇਜ ਮਾਈਨਿੰਗ ਕਰਕੇ ਹਲਕੇ ਦੇ ਪਿੰਡ ਐਲਗਰਾਂ ਵਿਖੇ ਸਵਾਂ ਨਦੀ 'ਤੇ ਬਣਿਆ ਹਾਈ ਲੈਵਲ ਪੁਲ ਕਰੀਬ ਦੋ ਸਾਲ ਪਹਿਲਾ ਨੁਕਸਾਨਿਆ ਗਿਆ ਸੀ | ਜੋ ਹਾਲ ਤੱਕ ਵੀ ਸਰਕਾਰ ਵਲੋਂ ਠੀਕ ਕਰਵਾਉਣਾ ਆਪਣੀ ਜਿੰਮੇਵਾਰੀ ਨਹੀਂ ਸਮਝੀ ਗਈ | ਜਿਸ ਕਰਕੇ ਹਰ ਰੋਜ਼ ਹਜਾਰਾਂ ਰਾਹਗੀਰਾਂ ਲਈ ਪ੍ਰੇਸ਼ਾਨੀਆਂ ਦਾ ਸਬੱਬ ਬਣਿਆ ਹੋਇਆ ਹੈ | ਇਸ ਸਬੰਧ ਵਿਚ ਐਸ.ਡੀ.ਓ. ਡਰੇਨੇਜ ਵਿਭਾਗ ਪ੍ਰਦੀਪ ਸਿੰਘ ਨਾਲ ਗੱਲ ਕੀਤੀ ਤਦ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਕੁੱਝ ਦਿਨ ਪਹਿਲਾਂ ਹੀ ਚਾਰਜ ਲਿਆ ਹੈ ਅਤੇ ਜੋ ਕਰੇਟ ਵਾਲ ਨੁਕਸਾਨੀਆ ਗਈ ਹਨ ਦੇ ਨਾਲ ਮਿੱਟੀ ਦੀਆਂ ਬੋਰੀਆਂ ਲਗਾਈਆਂ ਜਾ ਰਹੀਆਂ ਹਨ | ਵਿਭਾਗ ਪੂਰੀ ਤਰ ਾਂ ਕੰਮ ਕਰ ਰਿਹਾ ਹੈ | ਇਸ ਤੋਂ ਇਲਾਵਾ ਸੂਬੇ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦੀ ਤਰ ਾਂ ਇਸ ਪੁਲ ਨੂੰ ਬਚਾਉਣ ਲਈ ਵੀ ਇਲਾਕੇ ਸੈਂਕੜੇ ਨੌਜਵਾਨ ਅਤੇ ਕੈਬਨਿਟ ਮੰਤਰੀ ਹਰਜੋਤ ਸਿੰਘ ਬੈਂਸ ਵਲੋਂ ਮਿੱਟੀ ਦੇ ਬੋਰੇ ਲਗਾਉਣ ਦੀ ਸੇਵਾ ਚੱਲ ਰਹੀ ਹੈ |

Ad Position 22
No active advertisement
ਪਿਛਲੀ ਖ਼ਬਰ ਬੱਸ ਅੱਡਾ ਸ੍ਰੀ ਅਨੰਦਪੁਰ ਸਾਹਿਬ ਦੇ ਸਾਹਮਣੇ ਮੁੱਖ ਮਾਰਗ 'ਤੇ ਪਏ ਟੋਏ ਹਾਦਸਿਆਂ ਦਾ ਬਣ ਰਹੇ ਨੇ ਕਾਰਨ <br/> ਅਗਲੀ ਖ਼ਬਰ ਸੰਸਦ ਮੈਂਬਰ ਕੰਗ ਵਲੋਂ ਭਾਖੜਾ ਨਹਿਰ ਡਾਢੀ ਨੇੜੇ ਨੁਕਸਾਨੀਆਂ ਸਲੈਬਾਂ ਦੀ ਮੁਰੰਮਤ ਦਾ ਜਾਇਜ਼ਾ <br/>
Ad Position 24