ਅੰਮ੍ਰਿਤਸਰ / ਦਿਹਾਤੀ

ਬੀ.ਐੱਸ.ਐੱਫ. ਵਲੋਂ 'ਇਕ ਭਾਰਤ ਸ੍ਰੇਸ਼ਠ ਭਾਰਤ' ਪ੍ਰੋਗਰਾਮ ਤਹਿਤ ਅਟਾਰੀ ਸਰਹੱਦ ਤੋਂ ਸਾਈਕਲ ਰੈਲੀ ਕੱਢੀ <br/>

ਡੀ.ਆਈ.ਜੀ. ਬੀ.ਐਸ.ਐਫ.ਐਸ.ਐਸ. ਚੰਦੇਲ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਅਤੇ ਸਾਈਕਲ ਰੈਲੀ ਵਿੱਚ ਹਿੱਸਾ ਲੈਂਦੇ ਬੀ.ਐਸ.ਐਫ. ਜਵਾਨ ਅਤੇ 75 ਸਾਲ ਦੇ ਬਜ਼ੁਰਗ ਜਵਾਨ ਦੀ ਤਸਵੀਰ | ਤਸਵੀਰਾਂ: ਗੁਰਦੀਪ ਸਿੰਘ ਅਟਾਰੀ <br/> 01-06-2025

ਅਟਾਰੀ, (ਅੰਮਿ੍ਤਸਰ) 31 ਮਈ (ਗੁਰਦੀਪ ਸਿੰਘ ਅਟਾਰੀ/ਰਾਜਿੰਦਰ ਸਿੰਘ ਰੂਬੀ)-ਕੌਮਾਂਤਰੀ ਅਟਾਰੀ ਸਰਹੱਦ 'ਤੇ ਤਾਇਨਾਤ ਬੀਐੱਸਐੱਫ ਦੀ 181 ਬਟਾਲੀਅਨ ਵਲੋਂ 'ਇੱਕ ਭਾਰਤ ਸ੍ਰੇਸ਼ਠ ਭਾਰਤ' ਪ੍ਰੋਗਰਾਮ ਤਹਿਤ ਅਟਾਰੀ ਬਾਰਡਰ ਤੋਂ ਸਾਈਕਲ ਰੈਲੀ ਕੱਢੀ ਗਈ | ਸਾਈਕਲ ਰੈਲੀ ਵਿਚ ਸਕੂਲਾਂ ਦੇ ਵਿਦਿਆਰਥੀ, ਵਿਦਿਆਰਥਨਾਂ, ਬੀਐੱਸਐੱਫ ਦੇ ਜਵਾਨ ਅਤੇ ਸਰਹੱਦੀ ਪਿੰਡਾਂ ਦੇ ਨੌਜਵਾਨਾਂ ਵਲੋਂ ਵੱਧ ਚੜ ਕੇ ਹਿੱਸਾ ਲਿਆ ਗਿਆ | ਬੀ.ਐੱਸ.ਐੱਫ. ਖਾਸਾ ਸੈਕਟਰ ਹੈੱਡ ਕੁਆਰਟਰ ਅੰਮਿ੍ਤਸਰ ਦੇ ਡੀਆਈਜੀ ਐੱਸਐੱਸ ਚੰਦੇਲ ਅਤੇ ਕਮਾਂਡੈਂਟ 181 ਬਟਾਲੀਅਨ ਪਰਮਿੰਦਰ ਸਿੰਘ ਵਲੋਂ ਅਟਾਰੀ ਸਰਹੱਦ ਉੱਤੇ ਵਿਸ਼ੇਸ਼ ਤੌਰ 'ਤੇ ਪਹੁੰਚ ਕੇ ਜਵਾਨਾਂ ਨੂੰ ਇੱਕ ਭਾਰਤ ਸ੍ਰੇਸ਼ਠ ਭਾਰਤ ਸੰਬੰਧੀ ਵਿਸਥਾਰ ਨਾਲ ਜਾਣਕਾਰੀ ਦਿੰਦੇ ਹੋਏ ਸਾਈਕਲ ਰੈਲੀ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ | ਅਟਾਰੀ ਬਾਰਡਰ ਤੋਂ ਪਿੰਡ ਰਾਜਾਤਾਲ ਨੂੰ ਜਾਂਦੀ ਸੜਕ ਤੇ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਸਨ ਤਾਂ ਕਿ ਸਾਈਕਲ ਰੈਲੀ ਵਿਚ ਹਿੱਸਾ ਲੈਣ ਵਾਲੇ ਜਵਾਨਾਂ ਨੂੰ ਕਿਸੇ ਤਰ੍ਹਾਂ ਦੀ ਮੁਸ਼ਕਿਲ ਦਾ ਸਾਹਮਣਾ ਨਾ ਕਰਨਾ ਪਵੇ | ਰਿਫਰੈਸ਼ਮੈਂਟ ਦਾ ਖਾਸ ਪ੍ਰਬੰਧ ਕੀਤਾ ਗਿਆ ਅਤੇ ਐਂਬੂਲੈਂਸ ਗੱਡੀਆਂ ਵੀ ਸਾਈਕਲ ਰੈਲੀ ਦੇ ਨਾਲ ਚੱਲ ਰਹੀਆਂ ਸਨ ਤਾਂ ਕਿ ਲੋੜ ਪੈਣ ਤੇ ਸਹੂਲਤ ਦਿੱਤੀ ਜਾਵੇ | ਭਾਰਤ-ਪਾਕਿਸਤਾਨ ਸਰਹੱਦ 'ਤੇ ਸਥਿਤ ਅਟਾਰੀ ਤੋਂ 12 ਕਿਲੋਮੀਟਰ ਦਾ ਸਫਰ ਤੈਅ ਕਰਕੇ ਸਰਹੱਦੀ ਪਿੰਡ ਰਾਜਾਤਾਲ ਨੂੰ ਜਾ ਰਹੀ ਸਾਈਕਲ ਰੈਲੀ ਉੱਪਰ ਡਰੋਨਾਂ ਨਾਲ ਨਜ਼ਰ ਰੱਖੀ ਜਾ ਰਹੀ ਸੀ | ਸਾਈਕਲ ਰੈਲੀ ਵਿਚ ਸੈਂਕੜੇ ਜਵਾਨਾਂ ਦੇ ਨਾਲ ਇੱਕ 75 ਸਾਲ ਦੇ ਬਜ਼ੁਰਗ ਬਿਕਰਮਜੀਤ ਸਿੰਘ ਮਹਾਵਾ ਨੇ ਵੀ ਭਾਗ ਲਿਆ ਜੋ ਕਈ ਨੌਜਵਾਨਾਂ ਤੋਂ ਪਹਿਲੋਂ ਮੰਜ਼ਿਲ 'ਤੇ ਪਹੁੰਚ ਗਿਆ | ਡੀਆਈਜੀ ਬੀਐਸਐਫ ਐਸਐਸ ਚੰਦੇਲ, ਕਮਾਂਡੈਂਟ ਪਰਮਿੰਦਰ ਸਿੰਘ, ਸਹਾਇਕ ਕਮਾਂਡੈਂਟ ਅਮਰਦੀਪ ਸਿੰਘ, ਕਮਾਂਡੈਂਟ ਹਰਸ਼ ਜੋਸ਼ੀ, ਕਮਾਂਡੈਂਟ ਅਜੇ ਕੁਮਾਰ ਤਿਵਾੜੀ, ਸਹਾਇਕ ਕਮਾਂਡੈਂਟ ਸਾਜਿੰਦਰ ਸਿੰਘ ਜਾਖੜ ਅਤੇ ਸਹਾਇਕ ਕਮਾਂਡੈਂਟ ਕੁਲਵੰਤ ਸਿੰਘ ਸੰਗਰਾ ਵੱਲੋਂ ਵੀ ਸਾਈਕਲ ਰੈਲੀ ਵਿੱਚ ਹਿੱਸਾ ਲਿਆ ਗਿਆ | ਡੀਆਈਜੀ ਬੀਐਸਐਫ ਐਸਐਸ ਚੰਦੇਲ ਨੇ ਬੀਓਪੀ ਰਾਜਾਤਾਲ ਵਿਖੇ ਨੌਜਵਾਨਾਂ ਨੂੰ ਨਸ਼ੇ ਵਿਰੁੱਧ ਜਾਗਰੂਕ ਕਰਦੇ ਹੋਏ ਇੱਕ ਭਾਰਤ ਸ੍ਰੇਸ਼ਠ ਭਾਰਤ ਸਬੰਧੀ ਜਾਣੂ ਕਰਵਾਇਆ ਅਤੇ ਸਾਈਕਲ ਰੈਲੀ ਵਿੱਚ ਹਿੱਸਾ ਲੈਣ ਵਾਲੇ ਨੌਜਵਾਨਾਂ ਨੂੰ ਸਰਟੀਫਿਕੇਟ ਦਿੱਤੇ |

ਪਿਛਲੀ ਖ਼ਬਰ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਅਗਲੀ ਖ਼ਬਰ ਝੋਨੇ ਦੇ ਸੀਜ਼ਨ ਨੂੰ ਲੈ ਕੇ ਨਹਿਰੀ ਪਾਣੀ ਤੇ ਬਿਜਲੀ ਸਪਲਾਈ ਨਿਰਵਿਘਨ ਯਕੀਨੀ ਬਣਾਈ ਜਾਵੇ- ਮਜੀਠੀਆ

ਬੀ.ਐੱਸ.ਐੱਫ. ਵਲੋਂ 'ਇਕ ਭਾਰਤ ਸ੍ਰੇਸ਼ਠ ਭਾਰਤ' ਪ੍ਰੋਗਰਾਮ ਤਹਿਤ ਅਟਾਰੀ ਸਰਹੱਦ ਤੋਂ ਸਾਈਕਲ ਰੈਲੀ ਕੱਢੀ <br/>

ਸੰਬੰਧਿਤ ਖ਼ਬਰਾਂ