ਚੌਕ ਮਹਿਤਾ, 5 ਸਤੰਬਰ (ਜਗਦੀਸ਼ ਸਿੰਘ ਬਮਰਾਹ)-ਮਹਿਤਾ ਚੌਂਕ ਦੇ ਜਲੰਧਰ ਰੋਡ ਨੂੰ ਕਰਾਸ ਕਰਦਿਆਂ ਆਬਾਦੀ ਵਾਲੇ ਖੇਤਰ ਵਿਚੋਂ ਲੰਘਦੀ ਡਰੇਨ ਜਿਸਦੀ ਪਿਛਲੇ ਬਹੁਤ ਸਾਲਾਂ ਤੋਂ ਕਦੇ ਸਫਾਈ ਨਹੀਂ ਕੀਤੀ ਗਈ, ਇਸ ਵੇਲੇ ਉਹ ਬੁਰੀ ਤਰ੍ਹਾਂ ਨਾਗ ਬੂਟੀ ਤੇ ਹੋਰ ਝਾੜੀਆਂ ਨਾਲ ਬਿਲਕੁਲ ਅੱਟੀ ਪਈ ਹੈ | ਰੱਬ ਨਾ ਕਰੇ ਜੇ ਕਿਧਰੇ ਥੋੜ੍ਹਾ ਹੋਰ ਵਧੇਰੇ ਪਾਣੀ ਪਿੱਛੋਂ ਆ ਕੇ ਇਸ ਡਰੇਨ ਵਿਚ ਡਿੱਗਣਾ ਸ਼ੁਰੂ ਹੋ ਗਿਆ ਤਾਂ ਸ਼ਾਇਦ ਸਾਰਾ ਮਹਿਤਾ ਚੌਂਕ ਹੀ ਉਸ ਪਾਣੀ ਦੀ ਲਪੇਟ ਵਿਚ ਆ ਜਾਵੇਗਾ | ਕੀ ਡ੍ਰੇਨੇਜ ਵਿਭਾਗ ਲੋਕਾਂ ਦੀ ਇਸ ਸਮੱਸਿਆ ਵੱਲ ਧਿਆਨ ਦੇਵੇਗਾ ਜਾਂ ਜਨਤਾ ਨੂੰ ਰੱਬ ਆਸਰੇ ਹੀ ਛੱਡ ਦਿੱਤਾ ਜਾਵੇਗਾ | ਇਹ ਸਵਾਲ ਹਮੇਸ਼ਾ ਹੀ ਮਹਿਤਾ ਚੌਂਕ ਅਤੇ ਇਲਾਕਾ ਨਿਵਾਸੀਆਂ ਦੇ ਮਨਾਂ ਵਿਚ ਘੁੰਮਦਾ ਰਹਿੰਦਾ ਹੈ |