ਪਟਿਆਲਾ, 4 ਸਤੰਬਰ (ਮਨਦੀਪ ਸਿੰਘ ਖਰੌੜ)-ਦਾਜ ਦੇ ਮਾਮਲੇ 'ਚ ਮਰਨ ਵਾਲੀ ਇਕ ਔਰਤ ਦੇ ਪਤੀ ਨੂੰ ਸਥਾਨਕ ਅਦਾਲਤ ਨੇ 10 ਸਾਲ ਦੀ ਸਜ਼ਾ ਸੁਣਾਈ ਹੈ | ਇਸ ਸੰਬੰਧੀ ਮਿ੍ਤਕ ਦੇ ਪਰਿਵਾਰ ਵਲੋਂ ਕੇਸ ਲੜ ਰਹੇ ਵਕੀਲ ਮਨਵੀਰ ਸਿੰਘ ਵਿਰਕ, ਗਜਿੰਦਰ ਸਿੰਘ ਬਰਾੜ ਅਤੇ ਘੁੰਮਣ ਬ੍ਰਦਰਜ਼ ਨੇ ਦਸਿਆ ਕਿ ਇਹ ਕੇਸ 2022 'ਚ ਥਾਣਾ ਕੋਤਵਾਲੀ 'ਚ ਦਰਜ ਹੋਇਆ ਸੀ | ਮਿ੍ਤਕ ਮਨਵੀਰ ਕੌਰ ਦੇ ਘਰਵਾਲਿਆਂ ਨੇ ਉਸ ਦੇ ਪਤੀ ਗੁਰਦੀਪ ਸਿੰਘ 'ਤੇ ਉਨ੍ਹਾਂ ਦੀ ਲੜਕੀ ਦਾਜ ਦਹੇਜ ਦੇ ਮਾਮਲੇ 'ਚ ਮਾਰਨ ਦੇ ਦੋਸ਼ ਲਗਾਏ ਸਨ | ਇਸ ਕੇਸ ਦੀ ਸੁਣਵਾਈ ਦੌਰਾਨ ਵੱਖ-ਵੱਖ ਗਵਾਹਾਂ ਦੇ ਬਿਆਨ ਹੋਏ ਪਰ ਮਾਨਯੋਗ ਅਦਾਲਤ ਨੇ ਉਨ੍ਹਾਂ ਦੀਆਂ ਦਲੀਲਾਂ ਦੇ ਮੱਦੇਨਜ਼ਰ ਤਿੰਨ ਸਾਲ ਬਾਅਦ ਪਰਿਵਾਰ ਨੂੰ ਇਨਸਾਫ਼ ਦਿੰਦਿਆਂ ਗੁਰਦੀਪ ਸਿੰਘ ਨੂੰ 10 ਸਾਲ ਦੀ ਸਜ਼ਾ ਸੁਣਾਈ ਹੈ |
