ਕੋਟਕਪੂਰਾ, 4 ਸਤੰਬਰ (ਮੇਘਰਾਜ)-ਨੇੜਲੇ ਪਿੰਡ ਬਾਹਮਣਵਾਲਾ ਵਿਖੇ ਪਿੰਡ ਦੇ ਕਾਫ਼ੀ ਉੱਦਮੀ ਨੌਜਵਾਨਾਂ ਵਲੋਂ ਪੰਚਾਇਤ ਦੇ ਸਹਿਯੋਗ ਨਾਲ ਪਿੰਡ 'ਚ ਬਣੀਆਂ ਨਾਲੀਆਂ ਅਤੇ ਪੁਲੀਆਂ ਦੀ ਸਫ਼ਾਈ ਕੀਤੀ | ਇਸ ਮੁਹਿੰਮ ਦੀ ਅਗਵਾਈ ਪੰਚ ਹਰਦੀਪ ਸਿੰਘ ਢਿੱਲੋਂ, ਅਧਿਆਪਕ ਸ਼ਵਿੰਦਰ ਕੁਮਾਰ, ਅਧਿਆਪਕ ਭੂਸ਼ਨ ਕੁਮਾਰ, ਪੁਲਿਸ ਕਰਮੀ ਨਵਦੀਪ ਸ਼ਰਮਾ ਅਤੇ ਸਮਾਜਸੇਵੀ ਬਲਦੇਵ ਸਿੰਘ ਬਰਾੜ ਨੇ ਕੀਤੀ | ਇਹ ਮੁਹਿੰਮ ਕਾਫ਼ੀ ਦਿਨਾਂ ਤੋਂ ਚਲਾਈ ਹੋਈ ਹੈ ਜਿਸ ਨਾਲ ਪਿੰਡ ਦੀਆਂ ਸਾਰੀਆਂ ਨਾਲੀਆਂ 'ਚੋਂ ਮਲਬਾ ਕੱਢਿਆ ਗਿਆ ਤਾਂ ਜੋ ਪਾਣੀ ਦੀ ਨਿਕਾਸੀ ਛੱਪੜ 'ਚ ਆਸਾਨੀ ਨਾਲ ਹੋ ਸਕੇ ਅਤੇ ਸੜਕਾਂ 'ਤੇ ਪਾਣੀ ਉੱਛਲ ਕੇ ਨਾ ਆਵੇ | ਇਸ ਮੁਹਿੰਮ ਪਿੰਡ ਦੇ ਮਹਿਲਾ ਸਰਪੰਚ ਦੇ ਪਤੀ ਗੁਰਮੇਲ ਸਿੰਘ ਸੰਧੂ ਸਮੇਤ ਸਮੂਹ ਪੰਚਾਂ ਦਾ ਵੀ ਪੂਰਨ ਸਹਿਯੋਗ ਰਿਹਾ | ਨੌਜਵਾਨਾਂ ਵਲੋਂ ਮੁਹਿੰਮ ਦੀ ਸ਼ੁਰੂਆਤ ਮੌਕੇ ਪਿੰਡ ਦੇ ਇਕ ਪਾਸੇ ਤੋਂ ਨਾਲੀਆਂ ਦੀ ਸਫ਼ਾਈ ਸ਼ੁਰੂ ਕੀਤੀ ਗਈ ਜੋ ਕਿ ਅੱਜ ਸਮਾਪਤ ਹੋਈ ਹੈ | ਇਸ ਤੋਂ ਬਾਅਦ ਨਾਲੀਆਂ 'ਚੋਂ ਕੱਢੇ ਮਲਬੇ ਨੂੰ ਬਾਹਰ ਸੁੱਟਿਆ ਜਾਵੇਗਾ ਤਾਂ ਜੋ ਸੜਕਾਂ ਦੀ ਸਫ਼ਾਈ ਹੋ ਸਕੇ | ਇਸ ਮੌਕੇ ਅਮਨਦੀਪ ਸ਼ਰਮਾ, ਗੁਰਬਿੰਦਰ ਸਿੰਘ ਟੀਟੂ ਬਰਾੜ, ਛਿੰਦਾ ਸਿੰਘ ਬਰਾੜ, ਜਗਦੀਪ ਸਿੰਘ ਢਿੱਲੋਂ, ਸਾਹਿਬ ਸਿੰਘ ਬਰਾੜ,ਰਾਜਾ ਸਿੰਘ,ਕੁਲਵਿੰਦਰ ਸ਼ਰਮਾ, ਜਗਵਿੰਦਰ ਪਾਲ ਸ਼ਰਮਾ, ਸ਼ਤੀਸ਼ ਕੁਮਾਰ, ਰਣਜੀਤ ਸਿੰਘ ਨਿੱਕਾ ਬਰਾੜ,ਦਲਜੀਤ ਸ਼ਰਮਾ, ਜਸਪਾਲ ਸ਼ਰਮਾ, ਗੁਰਦੀਪ ਸ਼ਰਮਾ, ਤੇਜਿੰਦਰ ਕੁਮਾਰ ਬਾਵਾ, ਅੰਮਿ੍ਤ ਸਿੰਘ, ਬਲਕਰਨ ਸਿੰਘ, ਅਰਸ਼ਦੀਪ ਸਿੰਘ, ਅਕਾਸ਼ਦੀਪ ਸਿੰਘ, ਤਰਸੇਮ ਸਿੰਘ, ਹਰਵਿੰਦਰ ਸਿੰਘ ਸਮੇਤ ਵੱਡੀ ਗਿਣਤੀ 'ਚ ਨੌਜਵਾਨ ਹਾਜ਼ਰ ਸਨ |
