ਸਾਦਿਕ, 4 ਸਤੰਬਰ (ਆਰ.ਐਸ.ਧੁੰਨਾ)-ਹੜ੍ਹ ਪੀੜ੍ਹਤ ਲੋਕਾਂ ਦੀ ਮਦਦ ਲਈ ਸਾਦਿਕ ਦੇ ਦੁਕਾਨਦਾਰਾਂ ਅਤੇ ਸਹਿਯੋਗੀ ਸੱਜਣਾਂ ਦੇ ਸਹਿਯੋਗ ਨਾਲ ਰਾਸ਼ਨ, ਬੱਚਿਆਂ ਦੇ ਸੂਟ, ਬੂਟ, ਚੱਪਲਾਂ, ਖਾਲੀ ਗੱਟੇ ਅਤੇ ਹੋਰ ਲੋਂੜੀਦੇ ਸਮਾਨ ਦੀਆਂ ਦੋ ਟਰਾਲੀਆਂ ਭਰ ਕੇ ਪਿੰਡ ਦੇ ਨੌਜਵਾਨ ਫ਼ਾਜ਼ਿਲਕਾ ਅਤੇ ਫ਼ਿਰੋਜ਼ਪੁਰ ਦੇ ਹੜ੍ਹ ਪੀੜ੍ਹਤ ਲੋਕਾਂ ਦੀ ਮੱਦਦ ਕਰਨ ਲਈ ਰਵਾਨਾ ਹੋਏ | ਇਸ ਮੌਕੇ ਸਮਾਜ ਸੇਵੀਆਂ ਨੇ ਕਿਹਾ ਕਿ ਕਰੀਬ ਅੱਧਾ ਪੰਜਾਬ ਇਸ ਮੌਕੇ ਹੜ੍ਹਾਂ ਦੀ ਤਬਾਹੀ ਦਾ ਸੰਤਾਪ ਹੰਢਾ ਰਿਹਾ ਹੈ ਅਤੇ ਹੜ੍ਹ ਪੀੜ੍ਹਤ ਲੋਕਾਂ ਤੱਕ ਮੱਦਦ ਪਹੁੰਚਾਉਣ ਦੀ ਸੇਵਾ ਲੰਮੀ ਚੱਲ ਸਕਦੀ ਹੈ, ਇਸ ਲਈ ਸਾਨੂੰ ਹੋਰ ਸਮਾਨ ਇਕੱਠਾ ਕਰਨ ਦੀ ਲੋੜ ਹੈ ਤਾਂ ਜੋ ਹੜ੍ਹ ਪੀੜ੍ਹਤ ਲੋਕਾਂ ਦੀ ਹਰ ਸੰਭਵ ਮੱਦਦ ਕੀਤੀ ਜਾ ਸਕੇ | ਇਸ ਮੌਕੇ ਓਮ ਪ੍ਰਕਾਸ਼ ਗੋਰਾ ਪੰਚ, ਅਪਾਰ ਸਿੰਘ ਸੰਧੂ, ਓਮ ਪ੍ਰਕਾਸ਼ ਕਟਾਰੀਆ, ਗੁਰਚਰਨ ਸਿੰਘ ਸਾਦਿਕ, ਬਾਬਾ ਜਸਵਿੰਦਰ ਸਿੰਘ ਸੋਨੂੰ, ਸੰਜੀਵ ਕੁਮਾਰ, ਸੁਖਰਾਮ ਕਟਾਰੀਆ, ਰਕੇਸ਼ ਧਵਨ, ਗੁਰਚਰਨ ਸਿੰਘ, ਲਵ ਸਲੂਨ, ਮਨੀ ਮਹਿਰਮ, ਅਰਸ਼, ਲਖਵਿੰਦਰ ਸਿੰਘ ਮਾਹਣਾ, ਜੱਗੂ, ਸੁਖਦੇਵ ਸਿੰਘ ਮਠਾੜੂ, ਕੁਲਦੀਪ ਸਿੰਘ, ਗੋਰਾ ਧਵਨ, ਗੋਰਾ ਕੰਡੇ ਵਾਲਾ, ਹਨੀ, ਕਸ਼ਮੀਰ ਸਿੰਘ, ਸੁਖਵੰਤ ਸਿੰਘ, ਸੁਖਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ |
