ਖਨੌਰੀ ਵਿਖੇ ਘੱਗਰ ਦਰਿਆ ਵਿਚ ਪਾਣੀ ਦਾ ਪੱਧਰ ਕੇਵਲ ਪੌਣਾ ਫੁੱਟ ਰਹਿ ਗਿਆ ਹੇਠਾਂ <br/>

ਖਨੌਰੀ (ਸੰਗਰੂਰ), 1 ਸਤੰਬਰ (ਬਲਵਿੰਦਰ ਸਿੰਘ ਥਿੰਦ)-ਖਨੌਰੀ ਕੋਲੋਂ ਗੁਜਰਦੇ ਘੱਗਰ ਦਰਿਆ ਵਿਚ ਖਤਰੇ ਦੇ ਨਿਸ਼ਾਨ ਦੇ ਨੇੜੇ ਪਹੁੰਚਦੇ ਜਾ ਰਹੇ ਪਾਣੀ ਦੇ ਪੱਧਰ ਨੇ ਇਸ ਇਲਾਕੇ ਦੇ ਲੋਕਾਂ ਦੇ ਸਾਹ ਸੂਤ ਕੇ ਰੱਖ ਦਿੱਤੇ ਹਨ ਤੇ ਇਥੇ ਘੱਗਰ ਦਰਿਆ ਪਾਣੀ ਦਾ ਪੱਧਰ ਖ਼ਤਰੇ ਦੇ ਨਿਸ਼ਾਨ ਤੋਂ ਕੇਵਲ ਪÏਣਾ ਕੁ ਫੁੱਟ ਥੱਲੇ ਰਹਿ ਗਿਆ ਹੈ | ਸੋਮਵਾਰ ਰਾਤ ਦੇ 8 ਵਜੇ ਤੱਕ ਖਨੌਰੀ ਵਿਖੇ ਘੱਗਰ ਦਰਿਆ ਦੇ ਆਰ ਡੀ 460 ਪੁੱਲ 'ਤੇ ਲੱਗੇ ਮਾਪਦੰਡ ਅਨੁਸਾਰ ਪਾਣੀ ਦਾ ਪੱਧਰ 747.2 ਫੁੱਟ 'ਤੇ ਚੱਲ ਰਿਹਾ ਹੈ, ਜੋ ਕਿ ਖਤਰੇ ਦੇ ਨਿਸ਼ਾਨ 748 ਫੁੱਟ ਤੋਂ ਸਿਰਫ ਪੌਣਾ ਕੁ ਫੁੱਟ ਹੇਠਾਂ ਹੈ, ਜਿਸ ਕਰਕੇ ਖਨੌਰੀ ਨੇੜਲੇ ਸਬ ਡਵੀਜ਼ਨ ਮੂਣਕ ਦੇ ਬਨਾਰਸੀ, ਬੋਪੁਰ, ਅਨਦਾਣਾ, ਥੇੜੀ, ਚਾਂਦੂ, ਮੰਡਵੀ, ਮਕÏਰੜ ਸਮੇਤ ਹੋਰ ਕਈ ਪਿੰਡਾਂ ਦੇ ਲੋਕਾਂ ਵਲੋਂ ਤੇ ਸਬ ਡਵੀਜ਼ਨ ਪਾਤੜਾਂ ਦੇ ਗੁਲਾਹੜ, ਨਾਈਵਾਲਾ, ਸ਼ੁਤਰਾਣਾ, ਗੁਰੂ ਨਾਨਕਪੁਰਾ ਦੈੜ, ਕਾਂਗਥਲਾ, ਮਤÏਲੀ, ਤੇਈਪੁਰ, ਸਾਗਰਾ ਆਦਿ ਪਿੰਡਾਂ ਦੇ ਲੋਕਾਂ ਵਲੋਂ ਆਪਣੇ ਪੱਧਰ 'ਤੇ ਹੀ ਲਗਾਤਾਰ ਘੱਗਰ ਦਰਿਆ ਦੇ ਬੰਨ ਦੀ ਨਿਗਰਾਨੀ ਕਰਦਿਆਂ ਜਿੱਥੋਂ ਕਿਤੇ ਬੰਨ੍ਹ ਕਮਜ਼ੋਰ ਲੱਗਦਾ ਉੱਥੇ ਉਨ੍ਹਾਂ ਵਲੋਂ ਮਿੱਟੀ ਵਗੈਰਾ ਪਾਈ ਜਾ ਰਹੀ ਹੈ ¢ ਇਸ ਮੌਕੇ ਹਰਜੀਤ ਸਿੰਘ ਗਿੱਲ, ਕੁਲਵੰਤ ਸਿੰਘ ਜੰਮੂ ਦੈੜ੍ਹ, ਗੁਰਮੀਤ ਸਿੰਘ ਸਾਬਕਾ ਸਰਪੰਚ ਦੈੜ੍ਹ, ਹਰਮੀਤ ਸਿੰਘ ਚੀਮਾ ਕਾਂਗਥਲਾ, ਜਗਤਾਰ ਸਿੰਘ ਕਾਂਗਥਲਾ, ਬਾਬਾ ਸਾਹਿਬ ਸਿੰਘ ਦੈੜ੍ਹ, ਦਰਸ਼ਨ ਸਿੰਘ ਢਿੱਲੋਂ, ਕੰਵਲਜੀਤ ਸਿੰਘ ਚੰਦੀ, ਜਗਮੀਤ ਸਿੰਘ ਸਿੱਧੂ ਆਦਿ ਮੌਜੂਦ ਸਨ ¢