ਕਾਹਿਰਾ, 18 ਅਕਤੂਬਰ (ਏਜੰਸੀ)- ਮਿਸਰ ਸਥਿਤ ਫ਼ਲਸਤੀਨੀ ਦੂਤਘਰ ਨੇ ਕਿਹਾ ਕਿ ਗਾਜ਼ਾ ਤੇ ਮਿਸਰ ਵਿਚਾਲੇ ਰਾਫ਼ਾ ਸਰਹੱਦੀ ਲਾਂਘਾ ਸੋਮਵਾਰ ਨੂੰ ਗਾਜ਼ਾ ਪਰਤਣ ਵਾਲੇ ਲੋਕਾਂ ਲਈ ਫਿਰ ਤੋਂ ਖੁੱਲ ਜਾਏਗਾ | ਦੂਤਘਰ ਦੇ ਸੱਭਿਆਚਾਰਕ ਸਲਾਹਕਾਰ ਨਾਜੀ ਅਲ-ਨਾਜੀ ਨੇ ਦੱਸਿਆ ਕਿ ਗਾਜ਼ਾ ਪਰਤਣ ਲਈ ਰਜਿਸਟ੍ਰੇਸ਼ਨ ਕਰਵਾਉਣ ਵਾਲੇ ਲੋਕਾਂ ਦੀ ਗਿਣਤੀ ਬਹੁਤ ਜ਼ਿਆਦਾ ਹੈ, ਹਾਲਾਂਕਿ ਉਨ੍ਹਾਂ ਇਹ ਨਹੀਂ ਦੱਸਿਆ ਕਿ ਕਿੰਨੇ ਲੋਕ ਹਨ | ਇਜ਼ਰਾਈਲ ਵਲੋਂ ਤੁਰੰਤ ਕੋਈ ਪ੍ਰਤੀਕਿਰਿਆ ਸਾਹਮਣੇ ਨਹੀਂ ਆਈ | ਇਹ ਲਾਂਘਾ ਗਾਜ਼ਾ ਦਾ ਬਾਹਰੀ ਦੁਨੀਆ ਨਾਲ ਜੁੜਨ ਦਾ ਕੇਵਲ ਇਕੋ ਹੀ ਰਸਤਾ ਹੈ, ਜਿਸ 'ਤੇ ਜੰਗ ਤੋਂ ਪਹਿਲਾਂ ਇਜ਼ਰਾਈਲ ਦਾ ਕੰਟਰੋਲ ਨਹੀਂ ਸੀ | ਇਹ ਮਈ 2024 ਤੋਂ ਬੰਦ ਹੈ, ਜਦੋਂ ਇਜ਼ਰਾਈਲ ਨੇ ਗਾਜ਼ਾ ਵਾਲੇ ਪਾਸੇ ਦਾ ਕੰਟਰੋਲ ਸੰਭਾਲਿਆ ਸੀ |
