ਮੋਗਾ, 26 ਦਸੰਬਰ (ਗੁਰਤੇਜ ਸਿੰਘ)-ਮੋਗਾ ਦੇ ਦੁੱਨੇਕੇ ਤੋਂ ਬਾਘਾ ਪੁਰਾਣਾ ਜਾਣ ਵਾਲਾ ਹਾਈਵੇ ਜੋ ਕਿ ਘੱਲ ਕਲਾਂ ਰੋਡ ਤੋਂ ਹੋ ਕੇ ਜਾਂਦਾ ਹੈ ਤੇ ਉਸੇ ਜਗ੍ਹਾ 'ਤੇ ਹੀ ਹਾਈਵੇ ਦੇ ਨਾਲ ਇਕ ਚੌੜਾ ਖਾਲਾ ਬਣਿਆ ਹੋਇਆ ਹੈ ਜੋ ਜੋਖ਼ਮ ਭਰਿਆ ਹੈ ਤੇ ਵੱਡੇ ਹਾਦਸਿਆਂ ਨੂੰ ਸੱਦਾ ਦੇ ਰਿਹਾ ਹੈ ਤੇ ਉਹ ਲੰਘਣ ਵਾਲੇ ਰਸਤੇ ਨੂੰ ਵੀ ਨੁਕਸਾਨ ਪਹੁੰਚਾਉਂਦਾ ਹੈ | ਇਸ ਲਈ ਆਸ-ਪਾਸ ਦੇ ਲੋਕਾਂ ਨੇ ਉਸ ਖਾਲੇ ਨੂੰ ਬੰਦ ਕਰਨ ਦੀ ਮੰਗ ਰੱਖੀ ਹੈ ਤੇ ਨੈਸ਼ਨਲ ਹਾਈਵੇ ਅਥਾਰਿਟੀ ਨੂੰ ਇਹ ਵੀ ਲਿਖਿਆ ਹੈ ਕਿ ਇਹ ਖਾਲਾ ਗ਼ੈਰ-ਕਾਨੂੰਨੀ ਹੈ ਤੇ ਇਸ ਨੂੰ ਬੰਦ ਕਰਵਾਉਣਾ ਵੀ ਨੈਸ਼ਨਲ ਹਾਈਵੇ ਅਥਾਰਿਟੀ ਦਾ ਕੰਮ ਹੈ | ਸੂਤਰਾਂ ਤੋਂ ਇਹ ਵੀ ਪਤਾ ਲੱਗਾ ਹੈ ਕਿ ਜਿਸ ਕਿਸਾਨ ਨੇ ਪਾਣੀ ਲਈ ਖਾਲਾ ਬਣਾਇਆ ਹੈ, ਉਸ ਦੀ ਜ਼ਮੀਨ ਹਾਈਵੇ ਦੇ ਦੂਸਰੇ ਪਾਸੇ ਚਲੀ ਜਾਣ ਕਰ ਕੇ ਉਸ ਦੀ ਪਾਣੀ ਦੀ ਨਿਕਾਸੀ ਬੰਦ ਹੋ ਗਈ ਹੈ | ਇਸ ਲਈ ਆਪਣੀ ਫ਼ਸਲ ਪਾਲਣ ਲਈ ਕਿਸਾਨ ਵੀ ਉਕਤ ਖਾਲੇ ਨੂੰ ਮਜਬੂਰੀ ਵੱਸ ਚਲਾ ਰਿਹਾ ਹੈ ਜਦ ਕਿ ਦੂਸਰੇ ਪਾਸੇ ਪਾਈਪਲਾਈਨ ਨੈਸ਼ਨਲ ਹਾਈਵੇ ਅਥਾਰਿਟੀ ਨੇ ਦੇਣੀ ਹੁੰਦੀ ਹੈ |
