ਜਖੇਪਲ, 4 ਨਵੰਬਰ (ਮੇਜਰ ਸਿੰਘ ਸਿੱਧੂ)-ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਵੱਲ ਪੂਰਾ ਧਿਆਨ ਦੇ ਰਹੀ ਹੈ, ਇਸੇ ਤਹਿਤ ਪਿੰਡ ਮੋਜੋਵਾਲ ਵਿਖੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾਂ ਨੇ ਦਿੜ੍ਹਬੇ ਹਲਕੇ ਅੰਦਰ ਆਉਂਦੇ ਵੱਖ-ਵੱਖ ਪਿੰਡਾਂ ਦੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਉਗਰਾਹਾਂ, ਨੀਲੋਵਾਲ, ਹੰਬਲਬਾਸ, ਰਤਨਗੜ੍ਹਪਾਟਿਆਂਵਾਲੀ, ਕਣਕਵਾਲ ਭੰਗੂਆਂ, ਭੈਣੀ ਗੰਢੂਆਂ, ਗੰਢੂਆਂ, ਗੋਬਿੰਦਗੜ੍ਹ ਜੇਜੀਆਂ, ਸਤੌਜ ਤੇ ਧਰਮਗੜ੍ਹ ਆਦਿ ਪਿੰਡਾਂ ਦੇ ਕਿਸਾਨਾਂ ਨੂੰ ਲਗਭਗ 22 ਲੱਖ 71 ਹਜਾਰ ਰੂਪੈ ਦੇ ਚੈੱਕ ਵੰਡੇ | ਸਰਪੰਚ ਸਤਨਾਮ ਸਿੰਘ ਅਤੇ ਪਿੰਡਾਂ ਦੇ ਪਤਵੰਤਿਆਂ ਨੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾਂ ਦਾ ਧੰਨਵਾਦ ਕੀਤਾ | ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾਂ ਨੇ ਕਿਹਾ ਕਿ ਜਦੋਂ ਅਗਲੇ ਚੈੱਕ ਬਣ ਗਏ ਤਾਂ ਉਹ ਦੁਬਾਰਾ ਫਿਰ ਤਕਸੀਮ ਕਰਾਂਗੇ, ਜਿਸ ਦਾ ਵੀ ਨੁਕਸਾਨ ਹੋਇਆ ਹੈ ਉਸ ਨੂੰ ਸ. ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਆਉਣ ਵਾਲੇ ਸਮੇਂ ਵਿਚ ਮੁਆਵਜ਼ਾ ਦਿੱਤਾ ਜਾਵੇਗਾ | ਇਸ ਮੌਕੇ ਸ. ਤਪਿੰਦਰ ਸਿੰਘ ਸੋਹੀ, ਸਰਪੰਚ ਸਤਨਾਮ ਸਿੰਘ ਮੈਦੇਵਾਸ, ਕੁਲਦੀਪ ਕੌਰ ਮੈਂਬਰ ਬਲਾਕ ਸੰਮਤੀ, ਸਤਗੁਰ ਸਿੰਘ, ਸਤੌਜ ਤੋਂ ਮਾ. ਸੁਖਦਰਸ਼ਨ ਸਿੰਘ ਤੇ ਕੁਲਵਿੰਦਰ ਸਿੰਘ, ਸੀਨੀਅਰ ਆਗੂ ਰਣਜੀਤ ਸਿੰਘ ਜੌਹਨਡੀਅਰ, ਗੁਰਵਿੰਦਰ ਸਿੰਘ, ਮਿਸਤਰੀ ਹਰਪਾਲ ਸਿੰਘ, ਚੇਅਰਮੈਨ ਹਰਵਿੰਦਰ ਸਿੰਘ ਮਾਰਕੀਟ ਕਮੇਟੀ ਸੁਲਰਘਰਾਟ, ਪੰਚ ਗੁਰਬਚਨ ਸਿੰਘ, ਯਾਦਵਿੰਦਰ ਸਿੰਘ, ਜਗਦੀਪ ਸਿੰਘ, ਸੋਨੀ ਸਿੰਘ, ਪੰਚ ਹਰੀਪਾਲ ਸਿੰਘ, ਜੱਗੀ ਸਿੰਘ, ਸਤਗੁਰ ਸਿੰਘ ਤੇ ਬਲਕਾਰ ਸਿੰਘ ਗੰਢੂਆਂ, ਭਗਵੰਤ ਸਿੰਘ ਕਾਲਾ, ਨਿਰਮਲ ਗਿੱਲ, ਗੁਰਵਿੰਦਰ ਸਿੰਘ, ਜੇ.ਈ. ਹਰਬੰਸ ਸਿੰਘ, ਹਰਮੇਲ ਸਿੰਘ ਖ਼ਾਲਸਾ, ਨੰਬਰਦਾਰ ਕਮਲ ਸਿੰਘ, ਸਤਨਾਮ ਸਿੱਧੂ, ਜਗਦੇਵ ਸਿੱਧੂ, ਸੁਖਪਾਲ ਪਾਲਾ ਤੇ ਹਰਬੰਸ ਬਹਿਣੀਵਾਲ, ਕਲੱਬ ਪ੍ਰਧਾਨ ਗੁਰਮੁਖ ਸਿੰਘ, ਹਰਮੇਲ ਸਿੰਘ, ਗੁਰਪਿਆਰ ਸਿੰਘ, ਗੁਲਾਬ ਸਿੰਘ, ਧੰਨਾ ਸਿੰਘ, ਗੁਰਦਿਆਲ ਸਿੰਘ, ਜਗਰਾਜ ਸਿੰਘ, ਸਿੱਧੂ ਸਟੂਡੀਓ ਫਤਿਹਗੜ੍ਹ, ਪਰਮਜੀਤ ਸਿੰਘ, ਪੁਸ਼ਵਿੰਦਰ ਸਿੰਘ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਪਿੰਡਾਂ ਦੇ ਮੋਹਤਵਰ ਹਾਜ਼ਰ ਸਨ |
