ਲੌਂਗੋਵਾਲ, 6 ਦਸੰਬਰ (ਵਿਨੋਦ, ਖੰਨਾ)-ਸੰਤ ਲੌਂਗੋਵਾਲ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨੌਲੋਜੀ (ਸਲਾਇਟ) ਦੇ ਡਾਇਰੈਕਟਰ ਡਾ. ਮਨੀਕਾਂਤ ਪਾਸਵਾਨ ਨੇ 1995 ਬੈਚ ਦੇ ਸੰਸਥਾ ਦੇ ਸਾਬਕਾ ਵਿਦਿਆਰਥੀ ਸੁਖਪਾਲ ਸਿੰਘ ਬਡਬਰ ਦੇ ਮੱਛੀ ਪਾਲਣ ਫਾਰਮ ਦਾ ਦੌਰਾ ਕੀਤਾ ਹੈ | ਇਹ ਦੌਰਾ ਸਿੱਖਿਆ ਨਵ-ਪਰਿਵਰਤਨ ਅਤੇ ਸਮਾਜਸੇਵਾ ਦੇ ਮਜ਼ਬੂਤ ਨਾਤਿਆਂ ਨੂੰ ਹੋਰ ਗਹਿਰਾ ਕਰਨ ਵਾਲਾ ਇਕ ਅਹਿਮ ਕਦਮ ਸਾਬਤ ਹੋਇਆ | ਇਸ ਮੌਕੇ ਡਾ. ਪਾਸਵਾਨ ਦੇ ਨਾਲ ਪ੍ਰੋ. ਮੇਜਰ ਸਿੰਘ ਗੋਰਾਇਆ ਮੁਖੀ (ਟਰੇਨਿੰਗ ਐਂਡ ਪਲੇਸਮੈਂਟ ਡਿਪਾਰਟਮੈਂਟ) ਅਤੇ ਡਾ. ਮਨਦੀਪ ਘਈ ਐਸੋਸੀਏਟ ਡੀਨ ਪ੍ਰੀਖਿਆ ਵੀ ਹਾਜ਼ਰ ਸਨ | ਡਾਇਰੈਕਟਰ ਪਾਸਵਾਨ ਨੇ ਸੁਖਪਾਲ ਸਿੰਘ ਦੀਆਂ ਪ੍ਰਾਪਤੀਆਂ ਦੀ ਖੁੱਲ੍ਹ ਕੇ ਪ੍ਰਸ਼ੰਸਾ ਕਰਦਿਆਂ ਸੰਸਥਾ ਵੱਲੋਂ ਮੈਨਟਰਸ਼ਿਪ ਸਮਰਥਨ ਦੇਣ ਦਾ ਐਲਾਨ ਕੀਤਾ | ਇਸ ਮੌਕੇ ਸਰਪੰਚ ਜਗਜੀਤ ਸਿੰਘ ਅਤੇ ਪੰਚਾਇਤ ਮੈਂਬਰ ਮਲਕੀਤ ਸਿੰਘ ਗਿੱਲ, ਸਤਬੀਰ ਸਿੰਘ, ਦਰਸ਼ਨ ਸਿੰਘ, ਮਲਕੀਤ ਸਿੰਘ ਲੌਂਗੋਵਾਲ, ਅਜਾਇਬ ਸਿੰਘ, ਗੁਰਪ੍ਰੀਤ ਸਿੰਘ ਕਾਤਰੋਂ ਅਤੇ ਗਗਨ ਘਾਬਦਾਂ ਵੀ ਮੌਜੂਦ ਸਨ |
