ਸੰਗਰੂਰ

ਲੇਖਕ ਇਕਬਾਲ ਫ਼ਲੌਂਡ ਦੀਆਂ ਪੰਜ ਕਿਤਾਬਾਂ ਸਰਕਾਰੀ ਸਕੂਲ ਲਾਇਬ੍ਰੇਰੀਆਂ ਲਈ ਮਨਜ਼ੂਰ <br/>

ਲੇਖਕ ਇਕਬਾਲ ਫ਼ਲੌਂਡ ਦੀਆਂ ਪੰਜ ਕਿਤਾਬਾਂ ਜੋ ਸਰਕਾਰੀ ਸਕੂਲ ਲਾਇਬ੍ਰੇਰੀਆਂ ਲਈ ਮਨਜ਼ੂਰ ਹੋਈਆਂ ਹਨ (ਸੱਜੇ) ਲੇਖਕ ਇਕਬਾਲ ਫ਼ਲੌਂਡ (ਮਲੇਰਕੋਟਲਾ) | ਤਸਵੀਰ: ਸੁਖਜੀਤ ਸਿੰਘ ਖੇੜਾ <br/> 21-12-2025

ਅਹਿਮਦਗੜ੍ਹ, ਕੁੱਪ ਕਲਾਂ, 20 ਦਸੰਬਰ (ਸੁਖਜੀਤ ਸਿੰਘ ਖੇੜਾ, ਸੁਖਜਿੰਦਰ ਸਿੰਘ ਝੱਲ) - ਪਿਛਲੇ ਦਿਨੀਂ ਪੰਜਾਬ ਸਕੂਲ ਸਿੱਖਿਆ ਵਿਭਾਗ ਵਲੋਂ ਸਕੂਲਾਂ ਦੀਆਂ ਲਾਇਬੇ੍ਰਰੀਆਂ ਲਈ ਪੁਸਤਕਾਂ ਦੀ ਸੂਚੀ ਤਿਆਰ ਕੀਤੀ ਗਈ ਹੈ | ਜਿਸ ਵਿਚ ਜ਼ਿਲ੍ਹਾ ਮਲੇਰਕੋਟਲਾ ਅਤੇ ਇਲਾਕੇ ਦੇ ਨਾਮਵਰ ਨੌਜਵਾਨ ਪੰਜਾਬੀ ਲੇਖਕ ਇਕਬਾਲ ਮੁਹੰਮਦ (ਪਾਲੀ ਫਲੌਡ ਕਲਾਂ) ਦੀਆਂ ਪੰਜ ਕਿਤਾਬਾਂ ਸ਼ਾਮਲ ਹੋਈਆਂ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਜਨਾਬ ਇਕਬਾਲ ਫਲੌਂਡ ਨੇ ਦੱਸਿਆ ਕਿ ਉਨ੍ਹਾਂ ਦੁਆਰਾ ਮਾਂ ਬੋਲੀ ਪੰਜਾਬੀ ਵਿਚ ਲਿਖੀਆਂ ਪੰਜ ਬਾਲ ਪੁਸਤਕਾਂ 'ਹੈਰਾਨੀਜਨਕ ਤੱਥ ਤੇ ਖੋਜਾਂ', 'ਜਾਨਵਰਾਂ ਦੀ ਅਜੀਬੋ ਗਰੀਬ ਦੁਨੀਆ', 'ਵਿੱਚਿਤਰ ਜੀਵ ਜਗਤ', 'ਮਹਾਨ ਵਿਗਿਆਨੀ', 'ਦੁਨੀਆਂ ਪਰ੍ਹੇ ਤੋਂ ਪਰ੍ਹੇ' ਆਦਿ ਜਿਨ੍ਹਾਂ ਨੂੰ ਪੰਜਾਬ ਦੀ ਪ੍ਰਸਿੱਧ ਪ੍ਰਕਾਸ਼ਨ ਸੰਗਮ ਪਬਲੀਕੇਸ਼ਨ ਸਮਾਣਾ, ਪਟਿਆਲਾ ਦੁਆਰਾ ਪ੍ਰਕਾਸ਼ਿਤ ਕੀਤਾ ਗਿਆ ਨੂੰ ਪ੍ਰਾਇਮਰੀ, ਮਿਡਲ ਤੇ ਸੈਕੰਡਰੀ ਵਰਗ ਪੰਜਾਬ ਸਕੂਲ ਸਿੱਖਿਆ ਵਿਭਾਗ ਦੀਆਂ ਲਾਇਬ੍ਰੇਰੀਆਂ ਲਈ ਕਿਤਾਬਾਂ ਦੀ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਹੈ | ਇਸ ਲਈ ਉਨ੍ਹਾਂ ਨੇ ਪੰਜਾਬ ਸਕੂਲ ਸਿੱਖਿਆ ਵਿਭਾਗ ਦਾ ਬਹੁਤ ਧੰਨਵਾਦ ਕੀਤਾ | ਇਸ ਮੌਕੇ ਪ੍ਰੋਫੈਸਰ ਜਸਪ੍ਰੀਤ ਸਿੰਘ ਜਗਰਾਉਂ, ਡਾਕਟਰ ਹਰਨੇਕ ਸਿੰਘ ਕਲੇਰ, ਲੇਖਕ ਮਨਜਿੰਦਰ ਸਿੰਘ ਸਰੌਦ, ਲੇਖਕ ਕੰਵਰ ਗੁਰਵਿੰਦਰ ਸਿੰਘ, ਮਾ ਅਵਤਾਰ ਸਿੰਘ ਚੋਟੀਆਂ, ਮਾ ਮੱਖਣ ਸਿੰਘ ਕੁੱਪ ਕਲਾਂ ਆਦਿ ਨੇ ਜਨਾਬ ਇਕਬਾਲ ਫਲੌਂਡ ਨੂੰ ਮੁਬਾਰਕਬਾਦ ਦਿੱਤੀ |