ਬੱਸ ਸਟੈਂਡ 'ਤੇ ਪਖਾਨਿਆਂ ਦੀ ਅਣਹੋਂਦ ਕਾਰਨ ਮੁਸਾਫ਼ਰ ਪ੍ਰੇਸ਼ਾਨ <br/>
ਬੱਸ ਸਟੈਂਡ ਛਾਜਲੀ ਦਾ ਦਿ੍ਸ਼ ਜਿੱਥੇ ਮੁਸਾਫ਼ਰ ਬੱਸ ਦਾ ਇੰਤਜ਼ਾਰ ਕਰਦੇ ਹੋਏ | ਤਸਵੀਰ: ਅਜਾਇਬ ਸਿੰਘ ਨੀਲੋਵਾਲ
<br/>
28-12-2025
ਪੰਚਾਇਤ ਵਲੋਂ ਵਿੱਤ ਮੰਤਰੀ ਤੋਂ ਗਰਾਂਟ ਜਾਰੀ ਕਰਨ ਦੀ ਮੰਗ
ਇਸ ਸਬੰਧੀ ਸਰਪੰਚ ਗੁਰਬਿਆਸ ਸਿੰਘ ਛਾਜਲੀ ਨੇ ਕਿਹਾ ਕਿ ਪਿੰਡ ਵਿਚ ਪਖਾਨਿਆਂ ਦੇ ਨਿਰਮਾਣ ਲਈ ਮਿਲੀ ਇੱਕ ਲੱਖ ਰੁਪਏ ਦੀ ਗਰਾਂਟ ਤਹਿਤ ਵਾਟਰ ਵਰਕਸ ਵਾਲੇ ਅੱਡੇ ਅਤੇ ਊਧਮ ਸਿੰਘ ਧਰਮਸ਼ਾਲਾ ਨੇੜੇ ਚੱਠਾ ਸੇਖਵਾਂ ਵਾਲੀ ਸੜਕ 'ਤੇ ਪਖਾਨੇ ਬਣਾਏ ਗਏ ਹਨ | ਉਨ੍ਹਾਂ ਦੱਸਿਆ ਕਿ ਬੱਸ ਸਟੈਂਡ ਖੇਤਰ ਵਿਚ ਮਾਰਕੀਟ, ਬੈਂਕ, ਥਾਣਾ, ਹਸਪਤਾਲ ਅਤੇ ਵੱਡੀ ਆਵਾਜਾਈ ਹੋਣ ਕਰਕੇ ਇੱਥੇ ਵੀ ਪਖਾਨਿਆਂ ਦੀ ਸਖ਼ਤ ਲੋੜ ਹੈ, ਪਰ ਇਸ ਲਈ ਵੱਖਰੀ ਗਰਾਂਟ ਲਾਜ਼ਮੀ ਹੁੰਦੀ ਹੈ | ਸਰਪੰਚ ਨੇ ਦੱਸਿਆ ਕਿ ਇਸ ਮਸਲੇ ਸਬੰਧੀ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਤੋਂ ਕੋਲੋਂ ਡੇਢ ਲੱਖ ਰੁਪਏ ਦੀ ਵਾਧੂ ਗਰਾਂਟ ਦੀ ਮੰਗ ਕੀਤੀ ਗਈ ਹੈ | ਉਨ੍ਹਾਂ ਇਹ ਵੀ ਕਿਹਾ ਕਿ ਛਾਜਲੀ ਦੀ ਧਰਤੀ ਨੂੰ ਗੁਰੂ ਤੇਗ਼ ਬਹਾਦਰ ਜੀ ਦੀ ਚਰਨਛੋਹ ਪ੍ਰਾਪਤ ਹੋਣ ਕਰਕੇ ਪੰਜਾਬ ਸਰਕਾਰ ਵਲੋਂ ਨਗਰ ਦੇ ਵਿਕਾਸ ਲਈ ਮਿਲੀ 50 ਲੱਖ ਰੁਪਏ ਦੀ ਗਰਾਂਟ ਵਿਚੋਂ ਜੇਕਰ ਸੰਭਵ ਹੋਇਆ ਤਾਂ ਪਖਾਨੇ ਬਣਾਉਣ ਦੀ ਸੰਭਾਵਨਾ 'ਤੇ ਵਿਚਾਰ ਕੀਤਾ ਜਾਵੇਗਾ ਪਰ ਸੈਕਸ਼ਨ ਲੈਟਰ ਅਤੇ ਹੋਰ ਲਾਜ਼ਮੀ ਸ਼ਰਤਾਂ ਕਾਰਨ ਪ੍ਰਕਿਰਿਆ ਚ ਕੋਈ ਰੁਕਾਵਟ ਨਾ ਆਈ ਤਾਂ ਉਸ ਗਰਾਂਟ 'ਚੋ ਹੀ ਬਣਾਇਆ ਜਾਵੇਗਾ | ਉਨ੍ਹਾਂ ਭਰੋਸਾ ਦਿੱਤਾ ਕਿ ਨਹੀਂ ਤਾਂ ਗਰਾਂਟ ਮਿਲਦੇ ਹੀ ਬੱਸ ਸਟੈਂਡ 'ਤੇ ਪਖਾਨਿਆਂ ਦੀ ਵਿਵਸਥਾ ਕਰ ਦਿੱਤੀ ਜਾਵੇਗੀ |
