ਭਗਤਾ ਭਾਈਕਾ, 5 ਸਤੰਬਰ (ਸੁਖਪਾਲ ਸਿੰਘ ਸੋਨੀ)-ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਪੰਜਾਬ ਦੀ ਬਠਿੰਡਾ ਜਿਲ੍ਹੇ ਦੀ ਟੀਮ ਵਲੋਂ ਹੜ੍ਹ ਪੀੜ੍ਹਤਾਂ ਦੀ ਸਹਾਇਤਾ ਲਈ ਫ਼ਾਜ਼ਿਲਕਾ ਦੇ ਕਾਵਾ ਵਾਲੀ ਪੱਤਣ ਉਪਰ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ | ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਡਾ. ਮੇਵਾ ਸਿੰਘ ਬਰਾੜ ਨੇ ਕਿਹਾ ਕੇ ਪੰਜਾਬ ਪਿਛਲੇ ਕਾਫ਼ੀ ਦਿਨਾਂ ਤੋਂ ਹੜ੍ਹਾਂ ਦੀ ਮਾਰ ਨਾਲ ਜੂਝ ਰਿਹਾ ਹੈ, ਹੜ੍ਹਾਂ ਵਾਲੇ ਖੇਤਰ ਵਿਚ ਜਿੱਥੇ ਦਾਲ ਰੋਟੀ ਪਾਣੀ ਤੇ ਹੋਰ ਆਮ ਵਰਤੋਂ ਵਾਲੀਆਂ ਵਸਤੂਆਂ ਦੀ ਲੋੜ ਹੈ | ਉਥੇ ਦਵਾਈਆਂ ਦੀ ਬਹੁਤ ਲੋੜ ਹੈ ਅਤੇ ਮੈਡੀਕਲ ਪ੍ਰੈਕਟੀਸਨਰਜ਼ ਐਸੋਸੀਏਸ਼ਨ ਇਸ ਸੰਕਟ ਵਿਚ ਹਰ ਵੇਲੇ ਦਿਨ ਰਾਤ ਲੋਕਾਂ ਦੀ ਸੇਵਾ ਵਿਚ ਹਾਜ਼ਰ ਰਹੇਗੀ | ਜ਼ਿਲ੍ਹਾ ਬਠਿੰਡੇ ਵਲੋਂ ਇਕ ਟੀਮ ਵਿਚ ਜ਼ਿਲ੍ਹਾ ਪ੍ਰਧਾਨ ਡਾ: ਮੇਵਾ ਸਿੰਘ ਬਰਾੜ, ਜ਼ਿਲ੍ਹਾ ਜਰਨਲ ਸਕੱਤਰ ਡਾ: ਮਨਪ੍ਰੀਤ ਸਿੰਘ ਬੁਰਜ ਡੱਲਾ, ਜ਼ਿਲ੍ਹਾ ਸਰਪ੍ਰਸਤ ਡਾ: ਬੂਟਾ ਸਿੰਘ ਸਿਵੀਆ, ਜ਼ਿਲ੍ਹਾ ਕੈਸ਼ੀਅਰ ਡਾ ਭੁਪਿੰਦਰ ਸਿੰਘ ਬਰਾੜ , ਬਲਾਕ ਪ੍ਰਧਾਨ ਗੋਨਿਆਣਾ ਮੰਡੀ ਡਾ ਗੁਰਜੰਟ ਸਿੰਘਸਿਵੀਆ, ਡਾ: ਮੁਕੇਸ਼ ਸ਼ਰਮਾ ਪ੍ਰੈਸ ਸਕੱਤਰ ਬਲਾਕ ਬਠਿੰਡਾ 2 ,ਜਿਲਾ ਪ੍ਰਧਾਨ ਫਾਜਿਲਕਾ ਡਾ ਰਾਜ ਕੁਮਾਰ ਜੋਸਿਨ, ਜਿਲਾ ਕੈਸ਼ੀਅਰ ਫ਼ਾਜ਼ਿਲਕਾ ਡਾ ਪਰਸੋਤਮ ਸ਼ਰਮਾ ਸ਼ਾਮਿਲ ਸਨ |