ਬਠਿੰਡਾ

ਸ਼ਹਿਰ ਦੇ 8 ਸਰਕਾਰੀ ਅਦਾਰਿਆਂ ਵਿਚੋਂ ਵੀ ਮਿਲਿਆ ਡੇਂਗੂ ਦਾ ਲਾਰਵਾ

ਡੇਂਗੂ ਤੋਂ ਬਚਾਓ ਲਈ ਫੋਗਿੰਗ ਕਰਦੇ ਹੋਏ ਨਿਗਮ ਕਰਮਚਾਰੀ | ਅਜੀਤ ਤਸਵੀਰ <br/> 27-09-2025

ਬਠਿੰਡਾ, 26 ਸਤੰਬਰ (ਪ੍ਰੀਤਪਾਲ ਸਿੰਘ ਰੋਮਾਣਾ)- ਬਠਿੰਡਾ ਜ਼ਿਲੇ੍ਹ 'ਚ ਡੇਂਗੂ ਦਾ ਡੰਗ ਲਗਾਤਾਰ ਤੇਜ ਹੁੰਦਾ ਦਿਖਾਈ ਦੇ ਰਿਹਾ ਹੈ, ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਅਨੁਸਾਰ ਡੇਂਗੂ ਦੇ ਮਰੀਜ਼ਾਂ ਦੀ ਗਿਣਤੀ ਇਸ ਸਾਲ 30 ਦੇ ਕਰੀਬ ਪਹੁੰਚ ਗਈ ਹੈ | ਭਾਵੇਂ ਕਿ ਸਿਹਤ ਵਿਭਾਗ ਤੇ ਨਗਰ ਨਿਗਮ ਅਧਿਕਾਰੀਆਂ ਦੁਆਰਾ ਟੀਮਾਂ ਬਣਾ ਕੇ ਡੇਂਗੂ ਫੈਲਣ ਦੇ ਬਚਾਅ ਪ੍ਰਤੀ ਜ਼ੋਰਾਂ-ਸ਼ੋਰਾਂ ਨਾਲ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਪਰ ਜ਼ਮੀਨੀ ਹਕੀਕਤ 'ਚ ਸਰਕਾਰੀ ਅਦਾਰਿਆਂ ਦੇ ਅਧਿਕਾਰੀ ਵੀ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੇ, ਜਿਸ ਕਾਰਨ ਸ਼ਹਿਰ ਦੇ 8 ਸਰਕਾਰੀ ਅਦਾਰਿਆਂ 'ਚ ਡੇਂਗੂ ਦਾ ਲਾਰਵਾ ਮਿਲਿਆ ਹੈ | ਨਿਗਮ ਅਧਿਕਾਰੀਆਂ ਅਨੁਸਾਰ ਉਨ੍ਹਾਂ ਕੋਲ ਸਿਹਤ ਵਿਭਾਗ ਦੁਆਰਾ 305 ਥਾਵਾਂ ਵਿਚੋਂ ਲਾਰਵਾ ਮਿਲਣ ਦੀ ਰਿਪੋਰਟ ਭੇਜੀ ਗਈ ਹੈ ਪਰ ਉਨ੍ਹਾਂ ਵਿਚੋਂ 256 ਲੋਕਾਂ ਦੇ ਚਲਾਨ ਕੀਤੇ ਗਏ ਹਨ | ਇਸ ਮਹੀਨੇ ਸ਼ਹਿਰ ਵਿਚ ਵਧ ਰਹੇ ਡੇਂਗੂ ਦੇ ਕੇਸਾਂ ਨੂੰ ਦੇਖਦੇ ਹੋਏ ਸਿਹਤ ਵਿਭਾਗ ਦੇ ਅਧਿਕਾਰੀ ਹੁਣ ਡੇਂਗੂ ਮਰੀਜ਼ਾਂ ਦੇ ਅੰਕੜੇ ਅਤੇ ਲਾਰਵਾ ਮਿਲਣ ਦੇ ਅੰਕੜੇ ਛੁਪਾਉਣ ਲੱਗੇ ਹਨ | ਨਿਗਮ ਅਧਿਕਾਰੀਆਂ ਅਨੁਸਾਰ ਜਿਨ੍ਹਾਂ ਘਰਾਂ ਵਿਚ ਡੇਂਗੂ ਦੇ ਕੇਸ ਆਉਂਦੇ ਹਨ, ਉਨ੍ਹਾਂ ਘਰਾਂ ਵਿਚ ਫੋਗਿੰਗ ਕੀਤੀ ਜਾ ਰਹੀ ਹੈ ਅਤੇ ਜੇਕਰ ਘਰਾਂ ਅਤੇ ਦੁਕਾਨਾਂ ਵਿਚੋਂ ਡੇਂਗੂ ਦਾ ਲਾਰਵਾ ਮਿਲਦਾ ਹੈ, ਤਾਂ ਉਨ੍ਹਾਂ ਦਾ 500 ਰੁਪਏ ਚਲਾਨ ਕੀਤਾ ਜਾਂਦਾ ਹੈ, ਜਦਕਿ ਸਰਕਾਰੀ ਅਦਾਰੇ 'ਚ ਡੇਂਗੂ ਦਾ ਲਾਰਵਾ ਮਿਲਣ ਤੇ 11 ਹਜਾਰ ਰੁਪਏ ਚਲਾਨ ਕੀਤਾ ਜਾਂਦਾ ਹੈ |
ਸ਼ਹਿਰ ਦੇ ਇਨ੍ਹਾਂ ਸਰਕਾਰੀ ਅਦਾਰਿਆਂ 'ਚ ਮਿਲਿਆ ਡੇਂਗੂ ਦਾ ਲਾਰਵਾ
ਐਲ.ਪੀ.ਜੀ. ਇਡੇਂਨ ਗਡਾਉਨ ਨੇੜੇ ਪੁਲਿਸ ਲਾਇਨ ਸਿਵਲ ਹਸਪਤਾਲ, ਸੀ.ਡੀ.ਆਈ. ਦਫ਼ਤਰ ਪੁਲਿਸ ਲਾਇਨ, 5ਵੀਂ ਕਮਾਂਡੋ ਬਟਾਲੀਅਨ ਪੁਲਿਸ ਲਾਇਨ, ਐਲ.ਪੀ.ਜੀ. ਗਡਾਉਨ ਪੁਲਿਸ ਲਾਇਨ, ਰੋਜ ਗਾਰਡਨ ਗੋਨਿਆਣਾ ਰੋਡ ਬਠਿੰਡਾ, ਪੀ.ਆਰ.ਟੀ.ਸੀ. ਵਰਕਸ਼ਾਪ ਬੱਸ ਸਟੈਂਡ, ਐਸ.ਐਸ.ਪੀ. ਦਫ਼ਤਰ, ਖੇਤੀਬਾੜੀ ਖੋਜ ਕੇਂਦਰ ਇਕ ਕੁਆਰਟਰ |

ਪਿਛਲੀ ਖ਼ਬਰ ਸ਼ਹਿਰ ਦੇ 8 ਸਰਕਾਰੀ ਅਦਾਰਿਆਂ ਵਿਚੋਂ ਵੀ ਮਿਲਿਆ ਡੇਂਗੂ ਦਾ ਲਾਰਵਾ ਅਗਲੀ ਖ਼ਬਰ ਬਾਬਾ ਮੋਨੀ ਜੀ ਮਹਾਰਾਜ ਡਿਗਰੀ ਕਾਲਜ ਦਾ ਨਤੀਜਾ ਸ਼ਾਨਦਾਰ

ਸ਼ਹਿਰ ਦੇ 8 ਸਰਕਾਰੀ ਅਦਾਰਿਆਂ ਵਿਚੋਂ ਵੀ ਮਿਲਿਆ ਡੇਂਗੂ ਦਾ ਲਾਰਵਾ

ਸੰਬੰਧਿਤ ਖ਼ਬਰਾਂ