ਲਹਿਰਾ ਮੁਹੱਬਤ, 19 ਅਕਤੂਬਰ (ਸੁੱਖੀ)-ਸਰਾਫ ਐਜੂਬੀਕਨਜ ਗਲੋਬਲ ਡਿਸਕਵਰੀ ਸਕੂਲ ਲਹਿਰਾ ਧੂਰਕੋਟ ਦੇ ਵਿਦਿਆਰਥੀਆਂ ਨੇ ਕੇਂਦਰੀ ਵਿਦਿਆਲਿਆ ਖੇਡ ਮੁਕਾਬਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 27 ਸੋਨੇ, 76 ਚਾਂਦੀ ਅਤੇ 12 ਕਾਂਸੀ ਦੇ 115 ਤਗਮੇ ਜਿੱਤੇ | ਮੁਕਾਬਲੇ ਦੌਰਾਨ ਗੁਰਸਾਨ ਕੌਰ ਸ਼ਾਟ ਪੁੱਟ ਸੋਨਾ), ਜਪਜੀਤ ਕੌਰ ਲੰਬੀ ਛਾਲ- ਸੋਨਾ ਅਤੇ ਚਾਂਦੀ, ਕਬੱਡੀ ਲੜਕੇ ਸੋਨਾ, ਹੈਂਡਬਾਲ ਕੁੜੀਆਂ ਸੋਨਾ, ਕਬੱਡੀ ਸਰਕਲ ਕਾਂਸੀ ਤੋਂ ਇਲਾਵਾ ਇਨ੍ਹਾਂ ਵਿੱਚ ਹੈਂਡਬਾਲ ਲੜਕੇ ਚਾਂਦੀ, ਫੁੱਟਬਾਲ ਲੜਕੀਆਂ ਚਾਂਦੀ, ਟਗ ਆਫ਼ ਵਾਰ ਚਾਂਦੀ, ਖੋ-ਖੋ ਲੜਕੇ ਚਾਂਦੀ, ਖੋ-ਖੋ ਲੜਕੀਆਂ ਚਾਂਦੀ, ਕਰਾਟੇ ਲੜਕੇ ਸੋਨਾ, ਚਾਂਦੀ, ਕਰਾਟੇ ਲੜਕੀਆਂ ਚਾਂਦੀ ਅਤੇ ਬੈਡਮਿੰਟਨ ਲੜਕੀਆਂ ਚਾਂਦੀ ਤਗਮੇ ਸ਼ਾਮਲ ਹਨ | ਵਿਦਿਆਰਥੀਆਂ, ਟ੍ਰੇਨਰਾਂ ਅਤੇ ਮਾਪਿਆਂ ਨੂੰ ਵਧਾਈ ਦਿੰਦੇ ਹੋਏ, ਸਕੂਲ ਦੇ ਉਪ ਪ੍ਰਧਾਨ ਅਮਿਤ ਸਰਾਫ ਨੇ ਕਿਹਾ ਸਾਡਾ ਸਕੂਲ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਸਮਰਪਿਤ ਹੈ | ਇਹ ਸਫਲਤਾ ਸਖ਼ਤ ਮਿਹਨਤ, ਲਗਨ ਅਤੇ ਸਹੀ ਮਾਰਗਦਰਸ਼ਨ ਦਾ ਨਤੀਜਾ ਹੈ | ਸਾਡੇ ਵਿਦਿਆਰਥੀ ਨਾ ਸਿਰਫ਼ ਅਕਾਦਮਿਕ ਖੇਤਰ ਵਿਚ ਸਗੋਂ ਖੇਡਾਂ ਅਤੇ ਹੋਰ ਪਾਠਕ੍ਰਮ ਤੋਂ ਬਾਹਰਲੀਆਂ ਗਤੀਵਿਧੀਆਂ ਵਿਚ ਵੀ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕਰ ਰਹੇ ਹਨ | ਇਹ ਪ੍ਰਾਪਤੀਆਂ ਸਾਬਤ ਕਰਦੀਆਂ ਹਨ | ਕਿਸ ਚੰਗੇ ਮਾਰਗ ਦਰਸ਼ਨ ਅਤੇ ਸਮਰਪਣ ਨਾਲ ਹਰ ਟੀਚਾ ਪ੍ਰਾਪਤ ਕੀਤਾ ਜਾ ਸਕਦਾ ਹੈ |
