ਬਠਿੰਡਾ, 23 ਦਸੰਬਰ (ਅੰਮਿ੍ਤਪਾਲ ਸਿੰਘ ਵਲ੍ਹਾਣ)-ਅੱਜ ਜ਼ਿਲ੍ਹਾ ਕਚਹਿਰੀ ਬਠਿੰਡਾ ਵਿਖੇ ਡਿਪਟੀ ਕਮਿਸ਼ਨਰ ਬਠਿੰਡਾ ਦੇ ਸਹਿਯੋਗ ਨਾਲ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਦੇ ਮੈਂਬਰਾਂ ਅਤੇ ਸਟਾਫ ਲਈ ਰੈਵੇਨਿਊ ਕੋਰਟ ਮੈਨੇਜਮੈਂਟ ਸਿਸਟਮ-2.0 ਬਾਰੇ ਜਾਣਕਾਰੀ ਦੇਣ ਲਈ ਆਨਲਾਈਨ ਟਰੇਨਿੰਗ ਦਿੱਤੀ ਗਈ | ਪੰਜਾਬ ਸਰਕਾਰ ਨੇ ਮੌਜੂਦਾ ਰੈਵੇਨਿਊ ਕੋਰਟ ਮੈਨੇਜਮੈਂਟ ਸਿਸਟਮ (ਆਰ.ਸੀ.ਐਮ.ਐਸ.) ਐਪਲੀਕੇਸ਼ਨ ਦੇ ਵਿਚ ਬਹੁਤ ਸਾਰੇ ਸੁਧਾਰ ਕੀਤੇ ਹਨ, ਜਿੰਨ੍ਹਾਂ ਵਿਚ ਨਾਗਰਿਕਾਂ/ਵਕੀਲਾਂ ਵਲੋਂ ਅਦਾਲਤੀ ਮਾਮਲਿਆਂ ਦੀ ਈ-ਫ਼ਾਇਲਿੰਗ, ਲੋੜੀਂਦੇ ਦਸਤਾਵੇਜ਼ਾਂ ਦੀ ਅਪਲੋਡਿੰਗ, ਅਦਾਲਤੀ ਫੀਸ ਦੀ ਆਨਲਾਈਨ ਅਦਾਇਗੀ ਲਈ ਆਈ.ਐਫ.ਐਮ.ਐਸ ਪੰਜਾਬ ਨਾਲ ਏਕੀਕਰਨ, ਸੰਚਾਰ ਅਤੇ ਅੱਪਡੇਟਾਂ ਲਈ ਵਟਸਐਪ ਨਾਲ ਏਕੀਕਰਨ ਅਤੇ ਰੋਜ਼ਾਨਾ ਅਦਾਲਤੀ ਕਾਰਵਾਈ ਦੀ ਐਂਟਰੀ ਅਤੇ ਸੰਬੰਧਿਤ ਅਧਿਕਾਰੀ ਵਲੋਂ ਡਿਜੀਟਲ ਦਸਤਖ਼ਤ ਸੰਬੰਧੀ ਦੱਸਿਆ ਗਿਆ |
