ਮਲੌਦ, 2 ਜੂਨ (ਸਹਾਰਨ ਮਾਜਰਾ)-ਬਾਬਾ ਖ਼ਾਨਗਾਹ ਵਾਲੇ ਸਯਦ ਪੀਰ ਮੁਹੰਮਦ ਕਲੱਬ ਬੁਰਕੜਾ, ਇਲਾਕਾ ਤੇ ਨਗਰ ਨਿਵਾਸੀਆਂ ਵਲੋਂ ਸਾਂਝੇ ਤੌਰ 'ਤੇ 11ਵੀਂ ਵਾਲੀ ਸਰਕਾਰ ਹਜ਼ਰਤ ਮੀਰਾਂ ਗੌਂਸਪੁਰ ਜੀ ਨੂੰ ਸਮਰਪਿਤ ਦਰਵੇਸ਼ ਏ ਆਲਮ ਅਸਥਾਨ ਬਾਬਾ ਖ਼ਾਨਗਾਹ ਵਾਲੇ, ਪੀਰ ਸਯਦ ਮੁਹੰਮਦ ਸ਼ਾਹ ਜੀ ਸੁਨਾਮ ਵਾਲੇ ਖਲੀਫ਼ਾ, ਹਜ਼ਰਤ ਪੀਰ ਰਾਣਾ ਗੁਲਾਮ ਅੱਬਾਸ ਬੁਰਕੜਾ ਵਾਲਿਆਂ ਦੀ ਯਾਦ ਵਿੱਚ ਦਰਗਾਹ ਸ਼ਰੀਫ਼ ਪਿੰਡ ਬੁਰਕੜਾ ਵਿਖੇ ਤੀਜਾ ਉਰਸ ਮੁਬਾਰਕ ਸਮਾਗਮ 6 ਜੂਨ ਨੂੰ ਬਹੁਤ ਹੀ ਸ਼ਰਧਾ ਭਾਵਨਾ ਨਾਲ ਕਰਵਾਇਆ ਜਾ ਰਿਹਾ ਹੈ | ਕਲੱਬ ਪ੍ਰਧਾਨ ਧਨਵੰਤ ਸਿੰਘ ਬੱਬਲੂ, ਸਾਬਕਾ ਸਰਪੰਚ ਜਸਵੀਰ ਸਿੰਘ ਆਦਿ ਮੈਂਬਰਾਂ ਵਲੋਂ ਮੁੱਖ ਸੇਵਾਦਾਰ ਖ਼ਲੀਫ਼ਾ ਚੰਨਾ ਬਾਈ ਕੈਨੇਡਾ, ਅਨਿਨ ਸੇਵਕ ਬੌਬੀ ਪੰਧੇਰ ਕੈਨੇਡਾ ਸੇਵਾਦਾਰਾਂ ਦੇ ਸਹਿਯੋਗ ਸਦਕਾ ਕਰਵਾਏ ਜਾ ਰਹੇ ਸਮਾਗਮ ਦੌਰਾਨ 6 ਜੂਨ ਸ਼ਾਮ ਨੂੰ ਉੱਘੇ ਕੱਵਾਲ ਮੁਹੰਮਦ ਨਜ਼ੀਰ ਮਲੇਰਕੋਟਲਾ ਅਤੇ ਮੁਹੰਮਦ ਸ਼ਰੀਫ਼ ਸੀਨਾ ਮਲੇਰਕੋਟਲਾ ਪ੍ਰੋਗਰਾਮ ਪੇਸ਼ ਕਰਨਗੇ |
