ਪਾਇਲ, 1 ਸਤੰਬਰ (ਨਿਜ਼ਾਮਪੁਰ, ਰਜਿੰਦਰ ਸਿੰਘ)-ਨਾਹਰ ਸ਼ੂਗਰ ਮਿੱਲ਼ ਅਮਲੋਹ ਦੇ ਅਧਿਕਾਰੀਆਂ ਵੱਲੋ ਮਕਸੂਦੜਾ ਵਿਖੇ ਕੱਤਕ ਅੱਸੂ ਵਿਚ ਗੰਨੇ ਦੀ ਬਿਜਾਈ ਕਰਨ ਸੰਬੰਧੀ ਨਜ਼ਦੀਕੀ ਪਿੰਡ ਮਕਸੂਦੜਾ ਵਿਖੇ ਮੀਟਿੰਗ ਕੀਤੀ ਗਈ | ਜਿਸ ਵਿਚ ਵੀ ਪੀ ਕੇਨ ਸੁਧੀਰ ਕੁਮਾਰ,ਸੀਨੀਅਰ ਕੇਨ ਮੈਨੇਜਰ ਰਾਮਵੀਰ ਰਾਣਾ ਨੇ ਸ਼ਮੂਲੀਅਤ ਕੀਤੀ | ਮੀਟਿੰਗ ਵਿਚ ਸੁਧੀਰ ਕੁਮਾਰ ਵੱਲੋ ਮਿੱਲ ਵੱਲੋਂ ਕਿਸਾਨਾਂ ਨੂੰ ਮਿੱਲ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸਹੂਲਤਾਂ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਗੰਨੇ ਦੀ ਬਿਜਾਈ ਕਰਨ ਵਾਲੇ ਕਿਸਾਨ ਨੂੰ ਬਿਨਾ ਵਿਆਜ ਤੋ ਕਰਜ਼ਾ, ਮੂਢੇ ਗੰਨੇ ਦੀ ਸਾਂਭ ਸੰਭਾਲ ਲਈ 5000 ਪ੍ਰਤੀ ਏਕੜ ਕਰਜ਼ਾ ਅਤੇ ਕੋਰਾਜਨ ਵਰਗੀਆਂ ਦਵਾਈਆਂ ਘੱਟ ਰੇਟ ਤੇ ਉਪਲਬਧ ਕਰਾਈਆਂ ਜਾਂਦੀਆਂ ਹਨ | ਰਾਮਵੀਰ ਰਾਣਾ ਨੇ ਕਿਹਾ ਕਿ ਸਤੰਬਰ ਦੇ ਦੂਸਰੇ ਪੰਦਰਵਾੜੇ ਸੀ. ਓ. ਪੀ. ਬੀ 95, ਸੀ. ਓ. ਪੀ. ਬੀ 96, ਸੀ. ਓ 15023, ਸੀ. ਈ. ਪੀ. ਬੀ 92. ਸੀ .ਓ 118, ਸੀ. ਓ. ਜੇ 85 ਅਤੇ ਸੀ . ਓ. ਜੇ 64 ਦੀ ਬਿਜਾਈ ਸ਼ੁਰੂ ਕਰ ਦਿਓ | ਗੰਨੇ ਦੀ ਬਿਜਾਈ 2 ਕਤਾਰਾਂ ਵਿਚ 1 ਫੁੱਟ ਚੌੜੀਆਂ ਅਤੇ 20-25 ਸੈਂਟੀਮੀਟਰ ਡੂੰਘੀਆਂ ਖਾਲੀਆਂ ਵਿਚ ਕਰੋ | ਸੀ. ਡੀ. ਓ ਹਰਮਿੰਦਰ ਸਿੰਘ, ਲਖਵੀਰ ਸਿੰਘ ਟਿਵਾਣਾ, ਤੇਜਪਾਲ ਸਿੰਘ ਨੇ ਕਿਹਾ ਕਿ ਜ਼ਿਆਦਾ ਮੁਨਾਫ਼ੇ ਲਈ ਕਿਸਾਨ ਗੰਨੇ ਦੀ ਫ਼ਸਲ ਵਿਚ ਤੋਰੀਆਂ, ਆਲੂ ਅਤੇ ਲਸਣ ਦੀ ਬਿਜਾਈ ਵੀ ਕਰ ਸਕਦੇ ਹਨ | ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਹਰਮਿੰਦਰ ਸਿੰਘ, ਕਸ਼ਮੀਰਾ ਸਿੰਘ, ਮਨਦੀਪ ਸਿੰਘ, ਹਰਜੀਤ ਸਿੰਘ, ਇੰਦਰਪਾਲ ਸਿੰਘ, ਦਵਿੰਦਰ ਸਿੰਘ, ਸੁਖਦੇਵ ਸਿੰਘ ਆਦਿ ਹਾਜ਼ਰ ਸਨ |
