ਬੀਜਾ, 3 ਨਵੰਬਰ (ਅਵਤਾਰ ਸਿੰਘ ਜੰਟੀ ਮਾਨ)-ਫੋਕਲ ਪੁਆਇੰਟ ਮਹਿਦੂਦਾਂ ਦੀ ਅਨਾਜ ਮੰਡੀ ਵਿੱਚ ਪਿਛਲੇ ਸਾਲ ਦੇ ਝੋਨੇ ਦੇ ਸੀਜ਼ਨ ਨਾਲੋਂ ਇਸ ਵਾਰ ਡੇਢ ਲੱਖ ਦੇ ਕਰੀਬ ਝੋਨੇ ਦੀ ਬੋਰੀ ਘੱਟ ਆਉਣ ਦਾ ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ | ਫੋਕਲ ਪੁਆਇੰਟ ਮਹਿਦੂਦਾਂ ਦੀ ਅਨਾਜ ਮੰਡੀ ਦੇ ਪ੍ਰਧਾਨ ਬਲਦੇਵ ਸਿੰਘ ਗਿੱਲ ਤੇ ਦਿਲਬਾਗ ਸਿੰਘ ਕੁੱਬੇ ਨੇ ਦੱਸਿਆ ਕਿ ਇਸ ਵਾਰ ਝੋਨੇ ਦੀ ਫ਼ਸਲ ਮੰਡੀਆਂ ਵਿੱਚ ਘੱਟ ਆਉਣ ਦਾ ਕਾਰਨ ਰਿਹਾ ਕਿ ਜਦੋਂ ਕਿ ਬਰਸਾਤ ਨੇ ਝੋਨੇ ਦਾ ਝਾੜ ਘਟਾ ਦਿੱਤਾ ਗਿਆ | ਜਿਸ ਕਾਰਨ ਇਸ ਵਾਰ ਮੰਡੀਆਂ ਵਿੱਚ ਝੋਨਾ ਬਹੁਤ ਜ਼ਿਆਦਾ ਘੱਟ ਆ ਰਿਹਾ ਸੀ ਜਿਸ ਕਾਰਨ ਡੇਢ ਲੱਖ ਬੋਰੀ ਫੋਕਲ ਮਹਿਦੂਦਾਂ ਦੀ ਅਨਾਜ ਮੰਡੀ ਵਿਖੇ ਝੋਨੇ ਦੀ ਘੱਟ ਆਈ ਆਉਣ ਦਾ ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ | ਇਸ ਕਾਰਨ ਆੜ੍ਹਤੀਆਂ, ਕਿਸਾਨ ਅਤੇ ਮਜ਼ਦੂਰੀ 'ਤੇ ਸਿੱਧਾ ਅਸਰ ਪਿਆ ਹੈ | ਫੋਕਲ ਪੁਆਇੰਟ ਮਹਿਦੂਦਾਂ ਦੀ ਅਨਾਜ ਮੰਡੀ ਵਿੱਚ ਪਿਛਲੇ ਸਾਲ 1 ਲੱਖ 93 ਹਜ਼ਾਰ 8 ਸੌਂ 75 ਬੋਰੀਆਂ ਆਈਆਂ ਸਨ | ਇਸ ਵਾਰ 2 ਨਵੰਬਰ 2025 ਵਿੱਚ 1 ਲੱਖ 34 ਹਜ਼ਾਰ, ਤਿੰਨ ਸੌ 10 ਬੋਰੀਆਂ ਆਈਆਂ ਹਨ | ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਕਿਸਾਨ ਦਾ ਝੋਨੇ ਦੀ ਫ਼ਸਲ ਦਾ ਝਾੜ ਘੱਟ ਹੋਣ ਕਰਕੇ ਨੁਕਸਾਨ ਹੋਇਆ ਹੈ ਉਸ ਦੀ ਭਰਪਾਈ ਕੇਂਦਰ ਸਰਕਾਰ ਤੇ ਪੰਜਾਬ ਸਰਕਾਰ ਰਲ ਕੇ ਭਰੇ |
