ਬਰਨਾਲਾ

ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਪਿੰਡ ਭਗਤਪੁਰਾ ਦੇ ਪੰਚ ਸਮੇਤ ਕਈ ਆਗੂ ਮਿਲੇ

ਅ

ਅਜੀਤ ਡੈਸਕ 03-09-2025

ਸ਼ਹਿਣਾ, 2 ਸਤੰਬਰ (ਸੁਰੇਸ਼ ਗੋਗੀ)-ਪਿੰਡ ਭਗਤਪੁਰਾ ਨਾਲ ਸਬੰਧਿਤ ਮੌਜੂਦਾ ਪੰਚ ਮੱਖਣ ਰਾਮ ਦੀ ਅਗਵਾਈ ਵਿਚ ਬਾਜ਼ੀਗਰ ਬਿਰਾਦਰੀ ਦੇ ਕਈ ਆਗੂ ਖਰੜ ਵਿਖੇ ਉਨ੍ਹਾਂ ਦੀ ਰਿਹਾਇਸ਼ 'ਤੇ ਮਿਲੇ | ਬਾਜ਼ੀਗਰ ਬਿਰਾਦਰੀ ਦੇ ਆਗੂ ਪੰਚ ਮੱਖਣ ਰਾਮ, ਸੁਰਜੀਤ ਰਾਮ ਕੀਤਾ ਟਕਸਾਲੀ ਕਾਂਗਰਸੀ, ਅਜੇ ਕੁਮਾਰ, ਕਾਕਾ ਰਾਮ, ਸੁਖਦੇਵ ਰਾਮ ਸੁਤਰਾਣਾ ਨੇ ਦੱਸਿਆ ਕਿ ਪਿੰਡ ਭਗਤਪੁਰਾ ਵਿਖੇ ਬਾਜ਼ੀਗਰ ਬਿਰਾਦਰੀ ਦੇ ਬਹੁਗਿਣਤੀ ਘਰ ਵੱਸਦੇ ਹਨ ਪਰ ਬਿਰਾਦਰੀ ਦੀਆਂ ਕਈ ਸਮੱਸਿਆਵਾਂ ਹੁਣ ਤੱਕ ਵੀ ਹੱਲ ਨਹੀਂ ਹੋਈਆਂ | ਗਲੀਆਂ-ਨਾਲੀਆਂ ਦਾ ਬੁਰਾ ਹਾਲ ਹੈ ਅਤੇ ਗੰਦੇ ਪਾਣੀ ਦਾ ਨਿਕਾਸ ਨਾ ਹੋਣ ਕਾਰਨ ਲੋਕਾਂ ਨੂੰ ਲੰਘਣਾ ਔਖਾ ਹੈ | ਉਨ੍ਹਾਂ ਦੱਸਿਆ ਕਿ ਸਾਬਕਾ ਮੱੁਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਨੂੰ ਧਿਆਨ ਨਾਲ ਸੁਣਿਆ ਅਤੇ ਉਨ੍ਹਾਂ ਕਿਹਾ ਕਿ ਉਹ ਖ਼ੁਦ ਭਗਤਪੁਰਾ ਵਿਖੇ ਆਉਣਗੇ ਅਤੇ ਸਰਕਾਰ ਦੀਆਂ ਨਾਲਾਇਕੀਆਂ ਦਾ ਪਰਦਾਫਾਸ਼ ਕਰਨਗੇ | ਬਾਜ਼ੀਗਰ ਆਗੂਆਂ ਨੇ ਕਿਹਾ ਕਿ ਸਾਬਕਾ ਮੁੱਖ ਮੰਤਰੀ ਨੇ ਇਹ ਵੀ ਕਿਹਾ ਕਿ ਪਿੰਡਾਂ ਵਿਚ ਘੱਟ ਗਿਣਤੀ ਲੋਕਾਂ ਨੂੰ ਹਮੇਸ਼ਾ ਦਬਾਅ ਕੇ ਰੱਖਿਆ ਜਾਂਦਾ ਹੈ ਅਤੇ ਦੱਬੇ ਕੁਚਲੇ ਲੋਕਾਂ ਦੀ ਆਵਾਜ਼ ਕਾਂਗਰਸ ਪਾਰਟੀ ਨੇ ਹਮੇਸ਼ਾ ਬੁਲੰਦ ਕੀਤੀ ਹੈ | ਉਨ੍ਹਾਂ ਨੇ ਪਾਰਟੀ ਲਈ ਡਟ ਕੇ ਕੰਮ ਕਰਨ ਦਾ ਸੱਦਾ ਵੀ ਦਿੱਤਾ |

ਪਿਛਲੀ ਖ਼ਬਰ ਸ਼ਹਿਣਾ ਵਿਖੇ ਪਾਵਰਕਾਮ ਦੇ ਦਫ਼ਤਰ ਵਿਚ ਪਾਣੀ ਵੜਿਆ-ਛੱਤਾਂ ਚੋਣ ਨਾਲ ਰਿਕਾਰਡ ਹੋ ਰਿਹੈ ਖ਼ਰਾਬ ਅਗਲੀ ਖ਼ਬਰ ਬਾਰਿਸ਼ ਬਣੀ ਕਹਿਰ, ਗ਼ਰੀਬ ਪਰਿਵਾਰਾਂ ਦੇ ਮਕਾਨਾਂ ਦੀਆਂ ਛੱਤਾਂ ਡਿਗੀਆਂ

ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਪਿੰਡ ਭਗਤਪੁਰਾ ਦੇ ਪੰਚ ਸਮੇਤ ਕਈ ਆਗੂ ਮਿਲੇ

ਸੰਬੰਧਿਤ ਖ਼ਬਰਾਂ