ਬਰਨਾਲਾ, 26 ਸਤੰਬਰ (ਨਰਿੰਦਰ ਅਰੋੜਾ)-ਸਥਾਨਕ ਸੇਖਾ ਰੋਡ ਗਲੀ ਨੰ: 4 ਵਿਖੇ ਬਰਨਾਲਾ ਏਡ ਕਮੇਟੀ ਵਲੋਂ ਰੋਜ਼ਾਨਾ ਵੱਡੇ ਪਰਦੇ 'ਤੇ ਸ੍ਰੀ ਰਮਾਇਣ ਦਾ ਮੰਚਨ ਐਡਵੋਕੇਟ ਦੀਪਕ ਜਿੰਦਲ ਦੀ ਅਗਵਾਈ ਹੇਠ ਕਰਵਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦਿਆਂ ਐਡਵੋਕੇਟ ਦੀਪਕ ਜਿੰਦਲ ਨੇ ਦੱਸਿਆ ਕਿ ਰੋਜ਼ਾਨਾ ਵੱਖ-ਵੱਖ ਨਾਟਕਾਂ ਦਾ ਮੰਚਨ ਵੱਡੇ ਪਰਦੇ 'ਤੇ ਦਿਖਾਇਆ ਜਾਂਦਾ ਹੈ | ਹਰ ਰੋਜ਼ ਵੱਡੀ ਗਿਣਤੀ ਵਿਚ ਲੋਕ ਇਸ ਦਾ ਅਨੰਦ ਮਾਣ ਰਹੇ ਹਨ | ਅੱਜ ਮਹਾਰਾਜ ਦਸ਼ਰਥ ਸੰਸਕਾਰ ਅਤੇ ਭਾਰਤ ਮਿਲਾਪ ਦਾ ਮੰਚਨ ਦਿਖਾਇਆ ਗਿਆ | ਜਿਸ ਦਾ ਉਦਘਾਟਨ ਸਮਾਜ ਸੇਵੀ ਦੀਪਕ ਬਾਂਸਲ ਸੋਨੀ ਵਲੋਂ ਕੀਤਾ ਗਿਆ ਅਤੇ ਇਸ ਮੌਕੇ ਹਾਜ਼ਰ ਲੋਕਾਂ ਤੋਂ ਸ੍ਰੀ ਰਾਮਾਇਣ ਸਬੰਧੀ ਸਵਾਲ ਵੀ ਪੱੁਛੇ ਗਏ ਅਤੇ ਸਹੀ ਜਵਾਬ ਦੇਣ ਵਾਲੇ ਨੂੰ ਇਨਾਮ ਵੀ ਦਿੱਤਾ ਗਿਆ | ਉਨ੍ਹਾਂ ਕਿਹਾ ਕਿ ਅੱਜ ਸਾਨੂੰ ਸਭ ਨੂੰ ਸ੍ਰੀ ਰਮਾਇਣ ਤੋਂ ਸੇਧ ਲੈਣੀ ਚਾਹੀਦੀ ਹੈ | ਇਸ ਮੌਕੇ ਰਾਜਿੰਦਰ ਗਾਰਗੀ, ਨਰਿੰਦਰ ਚੋਪੜਾ, ਜੀ.ਸੀ. ਗੋਇਲ ਆਦਿ ਹਾਜ਼ਰ ਸਨ |
