ਸ਼ਹਿਣਾ, 20 ਦਸੰਬਰ (ਸੁਰੇਸ਼ ਗੋਗੀ)-ੳੱੁਘੇ ਸਮਾਜ ਸੇਵੀ ਪਿੰਡ ਉਗੋਕੇ ਦੇ ਜੰਮਪਲ ਕੈਪਟਨ ਰਘੁਵੀਰ ਸਿੰਘ ਦੀ ਪੱੁਤਰੀ ਦਵਿੰਦਰ ਕੌਰ ਯੂ.ਕੇ ਵਲੋਂ ਉਗੋਕੇ ਦੇ ਤਿੰਨ ਸਕੂਲਾਂ ਅਤੇ ਵਿਸ਼ੇਸ਼ ਲੋੜਵੰਦ ਬੱਚਿਆਂ ਦੀ ਮਦਦ ਲਈ 4 -4 ਹਜ਼ਾਰ ਰੁਪਏ ਦੀ ਰਾਸ਼ੀ ਭੇਟ ਕੀਤੀ | ਇਸ ਮੌਕੇ ਹਰਿੰਦਰ ਸਿੰਘ ਬਰਾੜ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਨੇ ਕਿਹਾ ਕਿ ਪਿੰਡਾਂ ਵਿਚ ਆਮ ਲੋਕ ਧਾਰਮਿਕ ਸਥਾਨਾਂ ਲਈ ਦਾਨ ਰਾਸ਼ੀ ਦਿੰਦੇ ਹਨ, ਪਰ ਬਹੁਤ ਘੱਟ ਲੋਕ ਅਜਿਹੇ ਹੁੰਦੇ ਹਨ, ਜੋ ਵਿੱਦਿਅਕ ਅਦਾਰਿਆਂ ਲਈ ਰਾਸ਼ੀ ਦਾਨ ਕਰਨ | ਉਨ੍ਹਾਂ ਕਿਹਾ ਕਿ ਉਹ ਪਿਛਲੇ ਕਾਫ਼ੀ ਸਮੇਂ ਤੋਂ ਦੇਖਦੇ ਆ ਰਹੇ ਹਨ, ਉਗੋਕੇ ਦਾ ਕੈਪਟਨ ਰਘੁਵੀਰ ਸਿੰਘ ਪਰਿਵਾਰ ਸਕੂਲ ਦੇ ਵਿਦਿਆਰਥੀਆਂ ਦੀ ਭਲਾਈ ਲਈ ਸਮੇਂ-ਸਮੇਂ 'ਤੇ ਦਾਨ ਕਰਦਾ ਆ ਰਿਹਾ ਹੈ | ਇਸ ਮੌਕੇ ਰਾਕੇਸ਼ ਕੁਮਾਰ ਸਕੂਲ ਮੁਖੀ, ਕੈਪਟਨ ਰਘੁਵੀਰ ਸਿੰਘ, ਗੁਰਵਿੰਦਰ ਕੌਰ ਮੱੁਖ ਅਧਿਆਪਕਾ ਪ੍ਰਾਇਮਰੀ ਸਕੂਲ ਵੀ ਹਾਜ਼ਰ ਸਨ |
