ਜਲੰਧਰ

ਪੂਰਨ ਸ਼ਾਹਕੋਟੀ ਨੇ ਸ਼ਾਹੋਕਟ ਨੂੰ ਦਿੱਤੀ ਵਿਲੱਖਣ ਪਹਿਚਾਣ-ਪ੍ਰੋ. ਸਚਦੇਵਾ

ਅ

ਅਜੀਤ ਡੈਸਕ 23-12-2025

ਸ਼ਾਹਕੋਟ, 22 ਦਸੰਬਰ (ਸੁਖਦੀਪ ਸਿੰਘ)-ਸੰਗੀਤ ਦੇ ਖੇਤਰ 'ਚ ਉਸਤਾਦ ਵਜੋਂ ਜਾਣੇ ਜਾਂਦੇ ਪੂਰਨ ਸ਼ਾਹਕੋਟੀ ਦੇ ਦਿਹਾਂਤ 'ਤੇ ਦੁੱਖ ਪ੍ਰਗਟ ਕਰਦਿਆਂ ਪ੍ਰੋ. ਕਰਤਾਰ ਸਿੰਘ ਸਚਦੇਵਾ (ਨੈਸ਼ਨਲ ਐਵਾਰਡੀ) ਸਾਬਕਾ ਮੈਂਬਰ ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਕਿਹਾ ਕਿ ਪੂਰਨ ਸ਼ਾਹਕੋਟੀ ਨੇ ਸੰਗੀਤ ਦੇ ਖੇਤਰ 'ਚ ਵਿਲੱਖਣ ਪਹਿਚਾਣ ਬਣਾ ਕੇ ਸ਼ਾਹਕੋਟ ਦਾ ਨਾਂਅ ਚਮਕਾ ਦਿੱਤਾ | ਉਨ੍ਹਾਂ ਦੀ ਪ੍ਰਭਾਵਸ਼ਾਲੀ ਗਾਇਕੀ ਕਰਕੇ ਵੱਡੇ-ਵੱਡੇ ਗਾਇਕ, ਗੀਤਕਾਰ ਤੇ ਸੰਗੀਤਕਾਰ ਉਨ੍ਹਾਂ ਦਾ ਪੂਰਾ ਆਦਰ-ਸਤਿਕਾਰ ਕਰਦੇ ਸਨ | ਉਨ੍ਹਾਂ ਦਾ ਪਿਛੋਕੜ ਸ਼ਾਹਕੋਟ ਦਾ ਹੋਣ ਕਾਰਨ ਸ਼ਾਹਕੋਟ ਵਾਸੀਆਂ ਨੂੰ ਉਨ੍ਹਾਂ 'ਤੇ ਵੱਡਾ ਮਾਣ ਹੈ | ਉਨ੍ਹਾਂ ਦੇ ਦਿਹਾਂਤ ਨਾਲ ਪੰਜਾਬੀ ਸੰਗੀਤ ਜਗਤ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ | ਵਾਹਿਗੁਰੂ ਪੂਰਨ ਸ਼ਾਹਕੋਟੀ ਨੂੰ ਆਪਣੇ ਚਰਨਾਂ 'ਚ ਨਿਵਾਸ ਬਖਸ਼ਣ |