ਸੁਲਤਾਨਪੁਰ ਲੋਧੀ, 31 ਮਈ (ਨਰੇਸ਼ ਹੈਪੀ)-ਅਲਮਸਤ ਬਾਬਾ ਬਿੱਲੇ ਸ਼ਾਹ ਸਰਕਾਰ ਦੀ ਬਾਰ੍ਹਵੀਂ ਸਾਲਾਨਾ ਬਰਸੀ ਕਪੂਰਥਲਾ ਰੋਡ 'ਤੇ ਪੈਟਰੋਲ ਪੰਪ ਦੇ ਪਿਛਲੇ ਪਾਸੇ ਦਰਬਾਰ 'ਤੇ ਐਨ. ਆਰ. ਆਈ. ਵੀਰਾਂ ਤੇ ਇਲਾਕੇ ਦੀਆਂ ਸੰਗਤਾਂ ਦੇ ਸਹਿਯੋਗ ਨਾਲ ਪ੍ਰਬੰਧਕ ਕਮੇਟੀ ਵਲੋਂ ਸ਼ਰਧਾ ਤੇ ਧੂਮਧਾਮ ਨਾਲ ਮਨਾਈ ਗਈ | ਇਸ ਮੌਕੇ ਬੀਤੀ ਰਾਤ ਮਹਿੰਦੀ ਦੀ ਰਸਮ ਹੋਈ | ਦਰਬਾਰ ਨੂੰ ਰੰਗ ਬਰੰਗੀਆਂ ਰੌਸ਼ਨੀਆਂ ਨਾਲ ਸਜਾਇਆ ਗਿਆ ਸੀ | ਪ੍ਰਬੰਧਕ ਕਮੇਟੀ ਵਲੋਂ ਦਰਬਾਰ 'ਤੇ ਝੰਡਾ ਤੇ ਚਾਦਰ ਚੜ੍ਹਾਉਣ ਦੀ ਰਸਮ ਨਿਭਾਈ ਗਈ | ਉਪਰੰਤ ਅਤੁੱਟ ਭੰਡਾਰਾ ਵਰਤਾਇਆ | ਰਾਤ ਸਮੇਂ ਪ੍ਰਸਿੱਧ ਕੱਵਾਲ ਸਰਬਜੀਤ ਨੇ ਕੱਵਾਲੀਆਂ ਪੇਸ਼ ਕਰਕੇ ਦਰਬਾਰ 'ਤੇ ਹਾਜ਼ਰੀ ਲਗਵਾਈ | ਵੱਡੀ ਗਿਣਤੀ 'ਚ ਸੰਗਤਾਂ ਦੇ ਦਰਬਾਰ 'ਤੇ ਹਾਜ਼ਰੀ ਭਰੀ | ਪ੍ਰਬੰਧਕ ਕਮੇਟੀ ਵੱਲੋਂ ਪ੍ਰਵਾਸੀ ਭਾਰਤੀਆਂ ਤੋਂ ਇਲਾਵਾ ਮੇਲੇ 'ਚ ਸਹਿਯੋਗ ਕਰਨ ਵਾਲੀਆਂ ਸ਼ਖ਼ਸੀਅਤਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਐਨ. ਆਰ. ਆਈ. ਕਪਿਲ ਪੁਰੀ, ਟੁਨਿਸ ਥਿੰਦ, ਅਜੇ ਕੁਮਾਰ ਕੰਡਾ, ਦੀਪਕ ਕੁਮਾਰ, ਰਵੀ ਧੀਰ, ਸ਼ਾਮਾ, ਅਖਿਲ ਕੁਮਾਰ, ਮਿਸਟਰ ਡੋਗਰਾ, ਗੋਬਿੰਦਾ, ਹੈਪੀ, ਵਿਕੀ ਦੁਆਬੀਆ, ਵਿਪਨ ਕੁਮਾਰ, ਨਰਿੰਦਰ ਕੁਮਾਰ, ਕਾਕਾ ਠੁਕਰਾਲ, ਪਵਨ ਕੁਮਾਰ, ਹਰੀ ਰਾਮ, ਸ਼ਾਮ ਪਸ਼ੋਰੀ ਆਦਿ ਵੀ ਹਾਜ਼ਰ ਸਨ |
