ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਹੇਠ ਹੋਈ ਨੀਟ-ਯੂ.ਜੀ. ਦੀ ਮੁੜ ਪ੍ਰੀਖਿਆ

ਨਵੀਂ ਦਿੱਲੀ, 21 ਜੂਨ (ਪੀ. ਟੀ. ਆਈ.)- ਭਾਰਤ ਤੇ ਵਿਦੇਸ਼ਾਂ ਵਿਚ ਐਤਵਾਰ ਦੁਪਹਿਰ 2 ਵਜੇ ਨੀਟ-ਯੂ.ਜੀ. ਮੁੜ ਪ੍ਰੀਖਿਆ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਹੇਠ ਸ਼ੁਰੂ ਹੋਈ। ਇਹ ਪ੍ਰੀਖਿਆ 22 ਲੱਖ ਤੋਂ ਵੱਧ ਮੈਡੀਕਲ ਉਮੀਦਵਾਰਾਂ ਲਈ ਕਰਵਾਈ ਗਈ, ਜੋ 3 ਮਈ ਨੂੰ ਪਿਛਲੀ ਪ੍ਰੀਖਿਆ ਰੱਦ ਹੋਣ ਤੋਂ ਪ੍ਰਭਾਵਿਤ ਹੋਏ ਸਨ।ਨੈਸ਼ਨਲ ਟੈਸਟਿੰਗ ਏਜੰਸੀ (ਐੱਨ.ਟੀ.ਏ.) ਦੁਬਾਰਾ ਇਹ ਪ੍ਰੀਖਿਆ ਕਰਵਾ ਰਹੀ ਹੈ, ਜੋ ਸ਼ਾਮ 5:15 ਵਜੇ ਖਤਮ ਹੋਈ, ਇਸ ਵਾਰ ਵਾਧੂ 15 ਮਿੰਟ ਦਿੱਤੇ ਗਏ ਸਨ।ਕਥਿਤ ਪ੍ਰਸ਼ਨ ਪੱਤਰ ਲੀਕ ਹੋਣ ਕਾਰਨ ਪਿਛਲੀ ਪ੍ਰੀਖਿਆ ਰੱਦ ਕਰਨੀ ਪਈ ਸੀ, ਜਿਸਦੀ ਜਾਂਚ ਚੱਲ ਰਹੀ ਹੈ। ਇਹ ਪ੍ਰੀਖਿਆ ਭਾਰਤ ਦੇ 551 ਸ਼ਹਿਰਾਂ ਵਿੱਚ 5,440 ਕੇਂਦਰਾਂ ਅਤੇ ਵਿਦੇਸ਼ਾਂ ਵਿੱਚ 14 ਕੇਂਦਰਾਂ ’ਤੇ ਕਰਵਾਈ ਗਈ। ਇਹ ਪ੍ਰੀਖਿਆ ਅੰਗਰੇਜ਼ੀ ਅਤੇ 12 ਭਾਰਤੀ ਭਾਸ਼ਾਵਾਂ ਵਿੱਚ ਕਰਵਾਈ ਗਈ। ਐੱਨ.ਟੀ.ਏ. ਦੇ ਅਨੁਸਾਰ, 95,000 ਤੋਂ ਵੱਧ ਪ੍ਰੀਖਿਆ ਹਾਲਾਂ ਵਿੱਚ ਸੀਸੀਟੀਵੀ ਨਿਗਰਾਨੀ ਦਾ ਪ੍ਰਬੰਧ ਕੀਤਾ ਗਿਆ । ਅਧਿਕਾਰੀਆਂ ਨੇ ਕਿਹਾ ਕਿ ਕੁੱਲ 138,560 ਸੀਸੀਟੀਵੀ ਕੈਮਰੇ ਲਗਾਏ ਗਏ, ਜਿਨ੍ਹਾਂ ਦੀ ਫੀਡ ਦੀ ਰਾਸ਼ਟਰੀ, ਰਾਜ ਅਤੇ ਮੰਤਰਾਲੇ ਪੱਧਰ ’ਤੇ ਵਰਚੁਅਲ ਤੌਰ ’ਤੇ ਨਿਗਰਾਨੀ ਕੀਤੀ ਗਈ। ਇਲੈਕਟ੍ਰਾਨਿਕ ਦਖਲਅੰਦਾਜ਼ੀ ਤੋਂ ਪ੍ਰੀਖਿਆ ਨੂੰ ਬਚਾਉਣ ਲਈ 51,311 ਜੈਮਰ ਲਗਾਏ ਗਏ ਸਨ।