ਯਾਮਿਨੀ ਮੌਰੀਆ ਨੇ ਜਿੱਤਿਆ ਚਾਂਦੀ ਦਾ ਤਗਮਾ

ਭਾਰਤੀ ਜੂਡੋਕਾ ਯਾਮਿਨੀ ਮੌਰੀਆ ਨੇ ਔਰਤਾਂ ਦੇ 57 ਕਿਲੋਗ੍ਰਾਮ ਵਰਗ ’ਚ ਚਾਂਦੀ ਦਾ ਤਗਮਾ ਜਿੱਤਿਆ। ਫਾਈਨਲ ’ਚ ਯਾਮਿਨੀ ਦਾ ਸਾਹਮਣਾ ਇੰਗਲੈਂਡ ਦੀ ਏਸੇਲਿਆ ਟੋਪਰੈਕ ਨਾਲ ਹੋਇਆ। ਦੋਵਾਂ ਵਿਚਕਾਰ ਮੁਕਾਬਲਾ ਰੋਮਾਂਚਕ ਸੀ, ਨਿਯਮਤ ਸਮੇਂ ਤੋਂ ਬਾਅਦ ‘ਗੋਲਡਨ ਸਕੋਰ’ ਪੀਰੀਅਡ ਦੌਰਾਨ ਵੀ ਇਹ ਮੁਕਾਬਲਾ ਜ਼ੋਰਦਾਰ ਰਿਹਾ। ਦਿਲਚਸਪ ਗੱਲ ਇਹ ਹੈ ਕਿ ਯਾਮਿਨੀ ਤੇ ਟੋਪਰੈਕ ਦੋਵੇਂ ਇਕ ਵੀ ਅੰਕ ਹਾਸਲ ਕਰਨ ’ਚ ਕਾਮਯਾਬ ਨਹੀਂ ਹੋਏ; ਹਾਲਾਂਕਿ, ਯਾਮਿਨੀ ਬਦਕਿਸਮਤੀ ਨਾਲ ਤਿੰਨ ਸ਼ੀਡੋ (ਪੀਲੇ ਕਾਰਡ) ਮਿਲਣ ਤੋਂ ਬਾਅਦ ਸੋਨ ਤਗਮੇ ਤੋਂ ਖੁੰਝ ਗਈ। ਇਹ ਜੂਡੋ ’ਚ ਭਾਰਤ ਦਾ ਤੀਜਾ ਤਗਮਾ ਹੈ; ਯਾਮਿਨੀ ਦੇ ਚਾਂਦੀ ਤੋਂ ਪਹਿਲਾਂ, ਅਸਮਿਤਾ ਡੇ ਅਤੇ ਹਰਸ਼ ਸਿੰਘ ਨੇ ਸੋਨ ਤਗਮੇ ਜਿੱਤੇ ਸਨ।