18-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 05-02-2026

ਪੰਜਾਬ ਹੁਨਰ ਵਿਕਾਸ ਯੋਜਨਾ ਅਧੀਨ ਸਕੂਲ 'ਚ ਬਣੀ ਇਮਾਰਤ ਖੰਡਰ ਬਣਨ ਦੀ ਕਗਾਰ 'ਤੇ

Ad Position 21
No active advertisement
ਅਜੀਤ ਡੈਸਕ 05-02-2026
ਚੱਬੇਵਾਲ, 4 ਫ਼ਰਵਰੀ (ਰਾਜੀਵ ਭਾਰਦਵਾਜ)-ਸਮੇਂ ਸਮੇਂ 'ਤੇ ਸਰਕਾਰਾਂ ਵਲੋਂ ਬੇਰੁਜ਼ਗਾਰ ਨੌਜਵਾਨ ਲੜਕੀਆਂ ਅਤੇ ਲੜਕਿਆਂ ਲਈ ਰੁਜ਼ਗਾਰ ਪੈਦਾ ਕਰਨ ਜਾਂ ਸਵੈ ਰੁਜ਼ਗਾਰ ਬਣਾਉਣ ਲਈ ਵੱਖ-ਵੱਖ ਤਰ੍ਹਾਂ ਦੇ ਪ੍ਰੋਗਰਾਮ ਉਲੀਕੇ ਜਾਂਦੇ ਹਨ | ਉਨ੍ਹਾਂ 'ਚੋਂ ਇੱਕ ਪੰਜਾਬ ਸਕਿੱਲ ਡਿਵੈਲਪਮੈਂਟ ਅਧੀਨ , ਪੰਜਾਬ ਹੁਨਰ ਵਿਕਾਸ ਯੋਜਨਾ ਜੋ ਕਿ ਚੱਬੇਵਾਲ 'ਚ ਲਗਪਗ ਫ਼ੇਲ੍ਹ ਰਿਹਾ | ਲੋਕਾਂ ਨੇ ਕਿਹਾ ਕਿ ਪੰਜਾਬ ਸਕਿੱਲ ਡਿਵੈਲਪਮੈਂਟ ਅਧੀਨ ਬਣਾਈ ਗਈ ਇਸ ਇਮਾਰਤ ਤੇ ਲੱਖਾਂ ਰੁਪਏ ਖ਼ਰਚ ਕੀਤੇ ਗਏ ਕੇ ਜੋ ਕਿ ਹੁਣ ਚਿੱਟਾ ਹਾਥੀ ਸਾਬਿਤ ਹੋ ਰਹੀ ਹੈ | ਲਗਪਗ ਦੋ ਕੁ ਸਾਲ ਪਹਿਲਾਂ ਹੀ ਬਣੀ ਇਸ ਬਿਲਡਿੰਗ ਦੀ ਖਸਤਾ ਹਾਲਤ ਹੋ ਚੁੱਕੀ ਹੈ | ਇਸ ਇਮਾਰਤ ਨੂੰ ਲੱਗੇ ਜਿੰਦਰੇ ਹੀ ਬਿਆਨ ਕਰ ਰਹੇ ਹਨ ਕਿ ਇਸ ਅੰਦਰ ਨਾ ਕੋਈ ਸਿੱਖਣ ਵਾਲਾ ਅਤੇ ਨਾ ਕੋਈ ਸਿਖਾਉਣ ਵਾਲਾ ਜਾਂਦਾ ਹੈ | ਚੱਬੇਵਾਲ ਨਿਵਾਸੀ ਹਰਜਿੰਦਰ ਸਿੰਘ, ਸਰਬਜੀਤ ਸਿੰਘ ਆਦਿ ਨੇ ਕਿਹਾ ਕਿ ਬਿਲਡਿੰਗ ਦੀ ਛੱਤ ਤੇ ਜੰਮੀਆਂ ਝਾੜੀਆਂ ਜੰਗਲ ਦਾ ਰੂਪ ਧਾਰਨ ਕਰ ਚੁੱਕੀਆਂ ਹਨ, ਛੱਤ ਨੂੰ ਦੇਖ ਕੇ ਇੰਝ ਜਾਪਦਾ ਹੈ ਕਿ ਕਈ ਮਹੀਨਿਆਂ ਤੋਂ ਜਿਵੇਂ ਇਸ ਦੀ ਸਫ਼ਾਈ ਹੀ ਨਾ ਹੋਈ ਹੋਵੇ | ਛੱਤ 'ਤੇ ਪਈ ਪਾਣੀ ਦੀ ਟੈਂਕੀ ਦੁਆਲੇ ਗੰਦਗੀ ਅਤੇ ਛੱਤ ਤੇ ਹੀ ਲੱਗੇ ਸੋਲਰ ਪੈਨਲ ਦੱਸਦੇ ਹਨ ਕਿ ਸਰਕਾਰ ਵੱਲੋਂ ਕੀਤਾ ਗਿਆ ਖ਼ਰਚਾ ਬਿਲਕੁਲ ਬੇਕਾਰ ਹੋ ਗਿਆ ਹੈ | ਇਸ ਸੰਬੰਧੀ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ ਗੁਰਿੰਦਰਜੀਤ ਕੌਰ ਨੇ ਕਿਹਾ ਕਿ ਮੇਰੇ ਕੋਲ ਜ਼ਿਲ੍ਹਾ ਹੁਸ਼ਿਆਰਪੁਰ ਦਾ ਵਾਧੂ ਚਾਰਜ ਹੈ ਮੈਨੂੰ ਇਹ ਜਾਣਕਾਰੀ ਨਹੀਂ ਕਿ ਚੱਬੇਵਾਲ ਦਾ ਇਹ ਸੈਂਟਰ ਬੰਦ ਹੈ ਜਾਂ ਕਿਉਂ ਬੰਦ ਹੈ ਮੈਂ ਇਸ ਸੰਬੰਧੀ ਕੱਲ੍ਹ ਨੂੰ ਹੀ ਦੱਸ ਸਕਦੀ ਹਾਂ |
Ad Position 22
No active advertisement
ਪਿਛਲੀ ਖ਼ਬਰ ਖ਼ਾਲਸਾ ਕਾਲਜ ਵਿਖੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਧਾਰਮਿਕ ਸਮਾਗਮ ਕਰਵਾਇਆ ਅਗਲੀ ਖ਼ਬਰ ਨਡਾਲਾ 'ਚ ਚੋਰਾਂ ਨੇ ਦੋ ਦੁਕਾਨਾਂ ਤੋਂ ਏ. ਸੀ. ਕੰਪਰੈਸ਼ਰ ਕੀਤੇ ਚੋਰੀ <br/>
Ad Position 24