ਗੜ੍ਹਸ਼ੰਕਰ, 5 ਮਾਰਚ (ਧਾਲੀਵਾਲ)-ਇੱਥੇ ਬੀ. ਡੀ. ਪੀ. ਓ. ਦਫ਼ਤਰ ਵਿਖੇ ਬਲਾਕ ਸੰਮਤੀ ਗੜ੍ਹਸ਼ੰਕਰ ਦੇ ਚੇਅਰਮੈਨ ਤੇ ਉਪ ਚੇਅਰਮੈਨ ਦੇ ਅਹੁਦੇਦਾਰਾਂ ਦੀ ਚੋਣ ਸਰਬਸੰਮਤੀ ਨਾਲ ਹੋਈ | ਪਰਮਜੀਤ ਸਿੰਘ ਉਪ ਮੰਡਲ ਮੈਜਿਸਟ੍ਰੇਟ ਅਤੇ ਮਨਜਿੰਦਰ ਕੌਰ ਬੀ. ਡੀ. ਪੀ. ਓ. ਦੀ ਮੌਜੂਦਗੀ ਵਿਚ ਹੋਈ ਚੋਣ ਵਿਚ ਡਾ. ਪਰਮਜੀਤ ਪਾਲ (ਮੈਂਬਰ ਗੜ੍ਹੀ ਜੋਨ) ਨੂੰ ਚੇਅਰਮੈਨ ਅਤੇ ਜਸਪਾਲ ਕੌਰ (ਮੈਂਬਰ ਸੈਲਾ ਖ਼ੁਰਦ ਜੋਨ) ਨੂੰ ਉਪ ਚੇਅਰਪਰਸਨ ਚੁਣਿਆ ਗਿਆ | ਇਸ ਮੌਕੇ ਨਵੇਂ ਚੁਣੇ ਗਏ ਅਹੁਦੇਦਾਰਾਂ ਨੇ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਹਮੇਸ਼ਾ ਲੋਕਾਂ ਦੀਆਂ ਆਸਾਂ 'ਤੇ ਪੂਰੇ ਉੱਤਰਨ ਦਾ ਯਤਨ ਕਰਨਗੇ | ਇਸ ਮੌਕੇ ਚਰਨਜੀਤ ਸਿੰਘ ਚੰਨੀ, ਹਰਜਿੰਦਰ ਸਿੰਘ, ਗੁਰਲਾਲ ਸੈਲਾ, ਡਾ. ਹਰਭਜਨ ਮਹਿਮੀ, ਰਜੀਵ ਕੰਡਾ, ਅਮਨ ਰਾਣਾ, ਸੋਹਣ ਲਾਲ, ਗੁਲਸ਼ਨ ਦੇਵੀ, ਗੁਲਸ਼ਨ ਠਾਕੁਰ, ਰਿੰਕੂ ਟਿੱਬੀਆਂ, ਸੰਤੋਖ ਰਾਮ, ਪ੍ਰਵੀਨ ਸੇਖੋਵਾਲ, ਬੰਦਨਾ ਕੰਡਾ ਰੋੜ ਮਜਾਰਾ, ਵਿਨੋਦ ਸਰਪੰਚ ਕੁਨੈਲ, ਨਰਿੰਦਰ ਕੌਰ, ਸਤੀਸ਼ ਕੁਮਾਰ ਪੀਟਾ, ਪ੍ਰੇਮ ਕੁਮਾਰ ਬਿੰਜੋਂ, ਪਰਮਜੀਤ ਸਿੰਘ, ਜਸਪ੍ਰੀਤ ਕੌਰ ਤੇ ਹੋਰ ਹਾਜ਼ਰ ਹੋਏ |
