ਨੌਸ਼ਹਿਰਾ ਪੱਤਣ, 6 ਅਪ੍ਰੈਲ (ਗੁਰਜੀਤ ਸਿੰਘ ਭੰਮਰਾ)-ਬੀਤੀ ਸ਼ਾਮ ਦਰਿਆ ਬਿਆਸ ਵਿਚ ਇਕ ਘੜਿਆਲ ਦੇ ਦਿੱਖਣ ਕਕੇ ਭਾਰੀ ਜਾਮ ਲਗਾ ਦਿੱਤਾ | ਜਾਣਕਾਰੀ ਅਨੁਸਾਰ ਬਿਆਸ ਦਰਿਆ ਦੀ ਬਰੇਤਾ 'ਤੇ ਇੱਕ ਘੜਿਆਲ ਪੁਲ ਦੇ ਨਜ਼ਦੀਕ ਜਦੋਂ ਲੋਕਾਂ ਨੂੰ ਨਜ਼ਰ ਆਇਆ ਤਾਂ ਇਸ ਨੂੰ ਦੇਖਣ ਲਈ ਲੋਕਾਂ ਦੀ ਭਾਰੀ ਭੀੜ ਜਮਾ ਹੋ ਗਈ | ਲੋਕਾਂ ਵਿਚ ਘੜਿਆਲ ਨੂੰ ਦੇਖਣ ਲਈ ਬਹੁਤ ਉਤਸ਼ਾਹ ਸੀ, ਜਿਸ ਕਾਰਨ ਨੌਸ਼ਹਿਰਾ ਪੱਤਣ ਪੁੱਲ ਤੇ ਲੰਘਣ ਵਾਲੇ ਰਾਹਗੀਰ ਆਪਣੀਆਂ ਗੱਡੀਆਂ ਰੋਕ ਰੋਕ ਕੇ ਇਸ ਘੜਿਆਲ ਨੂੰ ਦੇਖਣ ਅਤੇ ਉਸ ਦੀ ਵੀਡੀਓ ਬਣਾਉਣ ਵਿਚ ਇੰਨੇ ਮਸਰੂਫ਼ ਹੋ ਗਏ ਕੀ ਦੇਖਦੇ ਹੀ ਦੇਖਦੇ ਗੱਡੀਆਂ ਦੀ ਆਵਾਜਾਈ ਜਾਮ ਹੋ ਗਈ | ਇਹ ਨਜ਼ਾਰਾ ਕਾਫ਼ੀ ਦੇਰ ਚੱਲਿਆ ਜਿਸ ਨਾਲ ਪੁਲ ਦੇ ਦੋਨੇਂ ਪਾਸੇ ਆਵਾਜਾਈ ਕਾਫ਼ੀ ਪ੍ਰਭਾਵਿਤ ਰਹੀ | ਇੱਥੇ ਵਰਣਨ ਯੋਗ ਹੈ ਕਿ ਵਿਭਾਗ ਵਲੋਂ ਬਿਆਸ ਦਰਿਆ ਵਿਚ ਅੱਜ ਤੋਂ ਥੋੜ੍ਹਾ ਸਮਾਂ ਪਹਿਲਾਂ ਘੜਿਆਲਾਂ ਦੇ ਛੋਟੇ ਬੱਚੇ ਛੱਡੇ ਸਨ ਜੋ ਹੁਣ ਵੱਡੇ ਹੋ ਚੁੱਕੇ ਹਨ ਤੇ ਲੋਕਾਂ ਨੂੰ ਕਦੀ ਕਦੀ ਨਜ਼ਰ ਆਉਂਦੇ ਹਨ |
