ਕੋਟਫ਼ਤੂਹੀ, 27 ਅਪ੍ਰੈਲ (ਅਵਤਾਰ ਸਿੰਘ ਅਟਵਾਲ)-ਪਿਛਲੇ ਲੰਬੇ ਸਮੇਂ ਤੋਂ ਕੋਟਫ਼ਤੂਹੀ ਦੇ ਆਸ-ਪਾਸ ਇਲਾਕੇ 'ਚ ਸੜਕਾਂ ਤੇ ਹੋਰ ਥਾਵਾਂ 'ਤੇ ਗੰਦਗੀ ਦੇ ਲੱਗੇ ਹੋਏ ਢੇਰ ਬਿਮਾਰੀਆਂ ਨੂੰ ਸੱਦਾ ਦੇ ਰਹੇ ਹਨ, ਜਿਸ ਵੱਲ ਕੋਈ ਵੀ ਗ਼ੌਰ ਕਰਨ ਦੀ ਲੋੜ ਨਹੀਂ ਸਮਝਦਾ, ਬਿਸਤ ਦੁਆਬ ਨਹਿਰ ਵਾਲੀ ਗੜ੍ਹਸ਼ੰਕਰ ਨੂੰ ਜਾਣ ਵਾਲੀ ਮੁੱਖ ਸੜਕ ਉੱਪਰ, ਪੁਲਿਸ ਚੌਕੀ ਤੋਂ ਸਤਿਸੰਗ ਘਰ ਨੂੰ ਜਾਣ ਵਾਲੀ ਸੜਕ ਤੇ ਹੋਰ ਕਈ ਸਥਾਨਾਂ ਉੱਪਰ ਦੁਕਾਨਾਂ ਵਾਲਿਆਂ, ਸਬਜ਼ੀ ਮੰਡੀ ਵਾਲਿਆ ਤੇ ਘਰਾਂ ਦੇ ਕਚਰੇ ਦੀ ਰਹਿੰਦ ਖੰੂਹਦ ਸੁੱਟ ਕੇ ਲੋਕਾਂ ਨੇ ਗੰਦਗੀ ਦੇ ਢੇਰ ਲਗਾਏ ਹੋਏ ਹਨ, ਜਿਸ ਨੂੰ ਇੱਥੋਂ ਚੁਕਾਉਣ ਦਾ ਕੋਈ ਵੀ ਪ੍ਰਬੰਧ ਨਾ ਹੋਣ ਕਰ ਕੇ, ਫਿਰ ਵੀ ਸਥਾਨਕ ਲੋਕੀ ਬਿਨਾਂ ਕਿਸੇ ਝਿੱਜਕ ਦੇ ਸੜਕਾਂ ਦੇ ਕੰਢਿਆਂ ਤੇ ਹੋਰ ਥਾਵਾਂ 'ਤੇ ਸ਼ਰੇਆਮ ਕੂੜਾ ਕਰਕਟ ਸੁੱਟ ਰਹੇ ਹਨ | ਇਹ ਕੂੜੇ ਦੇ ਢੇਰ ਬਦਬੂ ਮਾਰਦੇ ਦਿਨੋ-ਦਿਨ ਵੱਡੇ ਢੇਰਾਂ ਦਾ ਰੂਪ ਧਾਰਨ ਕਰ ਰਹੇ ਹਨ, ਜਿਨ੍ਹਾਂ ਕੋਲੋਂ ਲੰਘਣਾ ਵੀ ਲੋਕਾਂ ਲਈ ਵੱਡੀ ਮੁਸੀਬਤ ਬਣੀ ਹੋਈ ਹੈ | ਪ੍ਰਸ਼ਾਸਨ ਜਾਂ ਸਰਕਾਰ ਵੀ ਲਗਦਾ ਸ਼ਾਇਦ ਕੁੰਭਕਰਨ ਨੀਂਦ ਸੁੱਤੀ ਹੋਈ ਕਿਸੇ ਵੱਡੀ ਮਹਾਂਮਾਰੀ ਫੈਲਣ ਦੀ ਉਡੀਕ 'ਚ ਹੈ | ਇਲਾਕੇ ਦੀਆ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਸਰਕਾਰ ਤੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ, ਕਿ, ਇੰਨਾ ਕੂੜੇ ਦੇ ਢੇਰਾਂ ਨੂੰ ਚੁੱਕ ਕਿ ਕਿਸੇ ਢੁਕਵੇਂ ਸਥਾਨ ਉੱਪਰ ਡੰਪ ਕੀਤਾ ਜਾਵੇ ਤੇ ਇਸ ਸੜਕ ਉੱਪਰ ਗੰਦਗੀ ਸੁੱਟਣ ਵਾਲੇ ਲੋਕਾਂ 'ਤੇ ਸਖ਼ਤੀ ਵਰਤੀ ਜਾਵੇ |
