ਘੋਗਰਾ, 3 ਮਈ (ਆਰ. ਐੱਸ. ਸਲਾਰੀਆ)-ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਲੋਕ ਮਿਲਣੀ ਦੌਰਾਨ ਲੋਕਾਂ ਦੇ ਮੋਬਾਈਲ ਚੋਰੀ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਜਾਣਕਾਰੀ ਅਨੁਸਾਰ ਸ਼ਾਮ ਲਾਲ ਪਿੰਡ ਬਲਹਾਡਾ ਨੇ ਦੱਸਿਆ ਕਿ ਉਸ ਦੀ ਜੇਬ 'ਚੋਂ ਪੈਸਿਆਂ ਵਾਲਾ ਪਰਸ ਜ਼ਰੂਰੀ ਕਾਗਜ਼ਾਤ, ਆਧਾਰ ਕਾਰਡ, ਪੈਨ ਕਾਰਡ, ਏ. ਟੀ. ਐਮ. ਕਾਰਡ ਲਾਈਸੰਸ ਆਦਿ ਚੋਰੀ ਕਰ ਲਏ | ਇਸੇ ਤਰ੍ਹਾਂ ਹੀ ਪਿੰਡ ਘੋਗਰਾ ਦੇ ਮਾਸਟਰ ਬਲਜੀਤ ਸਿੰਘ ਹੋਣਾਂ ਦਾ ਅਣਪਛਾਤੇ ਵਿਅਕਤੀਆਂ ਵਲੋਂ ਮੋਬਾਇਲ ਫੋਨ ਚੋਰੀ ਕਰ ਲਿਆ | ਇੰਨੀ ਫੋਰਸ ਹੋਣ ਦੇ ਬਾਵਜੂਦ ਵੀ ਚੋਰਾਂ ਦੇ ਹੌਸਲੇ ਬੁਲੰਦ ਰਹੇ |
