ਰਾਮਗੜ੍ਹ ਸੀਕਰੀ, 3 ਮਈ (ਕਟੋਚ)-ਸਿਵਲ ਸਰਜਨ ਹੁਸ਼ਿਆਰਪੁਰ ਡਾ. ਮਨਦੀਪ ਕਮਲ ਦੇ ਹੁਕਮਾਂ ਡੀ. ਆਈ. ਓ. ਡਾ. ਸੀਮਾ ਗਰਗ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਐਸ. ਐਮ. ਓ. ਡਾ. ਲਸ਼ਕਰ ਸਿੰਘ ਦੀ ਦੇਖ-ਰੇਖ 'ਚ ਭੋਲ ਕਲੋਤਾ ਹਸਪਤਾਲ ਵਿਖੇ ਐਚ. ਪੀ. ਵੀ ਟੀਕਾਕਰਨ ਕੀਤਾ, ਜਿਸ ਦੌਰਾਨ 14 ਪਲੱਸ ਉਮਰ ਦੀ ਲੜਕੀਆਂ ਦਾ ਟੀਕਾਕਰਨ ਕੀਤਾ | ਟੀਕਾਕਰਨ ਦੀ ਸਮੁੱਚੀ ਕਾਰਵਾਈ ਸਿਹਤ ਕਰਮਚਾਰੀ ਮੈਡਮ ਅਰਾਧਨਾ ਵਲੋਂ ਕੀਤੀ ਗਈ | ਇਸ ਸੰਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਦਿੰਦਿਆਂ ਐਸ. ਐਮ. ਓ. ਡਾ. ਲਸ਼ਕਰ ਸਿੰਘ ਨੇ ਦੱਸਿਆ ਕਿ ਉਕਤ ਵੈਕਸੀਨ ਲੜਕੀਆਂ ਨੂੰ ਜਾਨਲੇਵਾ ਬੀਮਾਰੀ ਸਰਵੀਕਲ ਕੈਂਸਰ ਤੋਂ ਬਚਾਉਣ ਲਈ ਸਰਕਾਰ ਦਾ ਇਕ ਵੱਡਾ ਉਪਰਾਲਾ ਹੈ | ਉਕਤ ਵੈਕਸੀਨ 13 ਤੋਂ 15 ਦੇ ਵਿਚਕਾਰ ਲੜਕੀਆਂ ਲਈ ਲਗਵਾਉਣੀ ਜ਼ਰੂਰੀ ਹੈ | ਉਕਤ ਵੈਕਸੀਨ ਸਰਕਾਰੀ ਹਸਪਤਾਲਾਂ 'ਚ ਮੁਫ਼ਤ ਲਗਾਈ ਜਾਂਦੀ ਹੈ | ਇਸ ਮੌਕੇ ਹਸਪਤਾਲ ਦਾ ਸਟਾਫ਼ ਵੀ ਹਾਜ਼ਰ ਸੀ |
