ਅੱਡਾ ਸਰਾਂ, 10 ਮਈ (ਮਸੀਤੀ)-ਸਰਕਾਰੀ ਐਲੀਮੈਂਟਰੀ ਸਕੂਲ ਪਿੰਡ ਝਾਵਾਂ ਵਿਖੇ ਇਕ ਸਮਾਗਮ ਕਰਵਾਇਆ | ਇਸ ਮੌਕੇ ਪ੍ਰਵਾਸੀ ਪੰਜਾਬੀ ਮਨਵੀਰ ਸਿੰਘ ਝਾਵਰ ਕੈਨੇਡਾ (ਖੂਹ ਵਾਲੇ) ਵਲੋਂ ਆਪਣੇ ਪਿਤਾ ਅਮਰਜੀਤ ਸਿੰਘ ਦੀ ਯਾਦ 'ਚ ਸਕੂਲ ਦੀਆਂ ਵਿਦਿਆਰਥਣਾਂ ਨੂੰ ਸਾਈਕਲ ਭੇਟ ਕੀਤੇ ਹਨ | ਇਹ ਸਾਈਕਲ ਸਕੂਲ ਸਟਾਫ਼ ਤੇ ਪੰਚਾਇਤ ਦੀ ਮੌਜੂਦਗੀ ਵਿਚ ਮਨਵੀਰ ਦੀ ਮਾਤਾ ਕੁਲਵਿੰਦਰ ਕੌਰ ਨੇ ਭੇਟ ਕੀਤੇ | ਸਕੂਲ ਸਟਾਫ਼ ਨੇ ਇਸ ਸਮਾਜ ਸੇਵੀ ਪਹਿਲਕਦਮੀ ਲਈ ਝਾਵਰ ਪਰਿਵਾਰ ਦਾ ਸਨਮਾਨ ਕਰਦੇ ਹੋਏ ਆਖਿਆ ਕਿ ਸਿੱਖਿਆ ਸਹੂਲਤਾਂ ਲਈ ਸਾਰਿਆਂ ਨੂੰ ਮਿਲ ਕੇ ਉੱਦਮ ਕਰਨੇ ਚਾਹੀਦੇ ਹਨ | ਇਸ ਮੌਕੇ ਸੰਮਤੀ ਚੇਅਰਮੈਨ ਸੁਖਵਿੰਦਰਜੀਤ ਸਿੰਘ ਝਾਵਰ, ਹਰਦੇਵ ਸਿੰਘ, ਜਸਵਿੰਦਰ ਸਿੰਘ ਫ਼ੌਜੀ, ਚੌਧਰੀ ਰਵਿੰਦਰ ਸਿੰਘ, ਸਤਵੰਤ ਕੌਰ, ਪ੍ਰਵੀਨ ਕੁਮਾਰ, ਬਲਵਿੰਦਰ ਸਿੰਘ ਬੱਬੀ, ਜਤਿੰਦਰਜੀਤ ਸਿੰਘ ਟਿੰਕੂ,, ਸੁਰਜੀਤ ਸਿੰਘ ਪੱਪੀ, ਰਾਮ ਸਿੰਘ, ਸੁਰਿੰਦਰ ਕੌਰ, ਗਿਆਨੀ ਜਤਿੰਦਰ ਸਿੰਘ, ਗੁਰਮੇਲ ਸਿੰਘ ਚੌਹਾਨ, ਅਮਰਜੀਤ ਕੌਰ, ਸੈਂਟਰ ਪ੍ਰਧਾਨ ਜਸਵਿੰਦਰ ਕੌਰ ਤੇ ਸਮੂਹ ਸਟਾਫ਼ ਮੌਜੂਦ ਸੀ |
