ਮੁਕੇਰੀਆਂ, 24 ਮਈ (ਰਾਮਗੜ੍ਹੀਆ)-ਡਰਾਈ-ਡੇ-ਫਰਾਈ-ਡੇ ਦੀ ਮਹੱਤਤਾ ਨੂੰ ਮੁੱਖ ਰੱਖਦਿਆਂ ਸਰਕਾਰੀ ਅਤੇ ਪ੍ਰਾਈਵੇਟ ਅਦਾਰਿਆਂ ਵਿਚ ਡੇਂਗੂ ਸਬੰਧੀ ਅਵੇਅਰਨੈੱਸ ਗਤੀਵਿਧੀ ਕਰਵਾਈ ਗਈ | ਇਸ ਮੌਕੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਰਮਨ ਕੁਮਾਰ ਨੇ ਦੱਸਿਆ ਕਿ ਘਰਾਂ 'ਚ ਗਮਲਿਆਂ ਅਤੇ ਛੱਤ ਉੱਪਰ ਪਏ ਕਨਟੇਨਰ ਜਿਵੇਂ ਕਿ ਟਾਇਰ ਆਦਿ 'ਚ ਪਾਣੀ ਇਕੱਠਾ ਨਹੀਂ ਹੋਣ ਦੇਣਾ ਚਾਹੀਦਾ | ਹਫ਼ਤੇ 'ਚ ਇਕ ਵਾਰ ਕੂਲਰਾਂ ਦਾ ਪਾਣੀ ਬਦਲ ਕੇ ਉਸ ਨੂੰ ਚੰਗੀ ਤਰ੍ਹਾਂ ਰਗੜ ਕੇ ਕੱਪੜੇ ਨਾਲ ਸਾਫ਼ ਕਰ ਲੈਣਾ ਚਾਹੀਦਾ ਹੈ ਤਾਂ ਜੋ ਇਸ 'ਚ ਡੇਂਗੂ ਦਾ ਲਾਰਵਾ ਪੈਦਾ ਨਾ ਹੋ ਸਕੇ | ਇਸ ਤੋਂ ਇਲਾਵਾ ਜੇਕਰ ਕਿਸੇ ਨੂੰ ਤੇਜ਼ ਬੁਖ਼ਾਰ, ਸਿਰ ਦਰਦ, ਅੱਖ ਦੇ ਪਿਛਲੇ ਹਿੱਸੇ 'ਚ ਦਰਦ ਦਾ ਹੋਣਾ, ਬੁਖ਼ਾਰ ਨਾਲ ਉਲਟੀਆਂ ਆਦਿ ਵਰਗੇ ਲੱਛਣ ਹੋਣ ਤਾਂ ਉਹ ਸਿਵਲ ਹਸਪਤਾਲ ਮੁਕੇਰੀਆਂ ਪਹੁੰਚ ਕੇ ਆਪਣਾ ਡੇਂਗੂ ਦਾ ਇਲਾਜ ਕਨਫਰਮੇਟਰੀ ਟੈੱਸਟ ਕਰਵਾ ਸਕਦੇ ਹਨ | ਇਸ ਮੌਕੇ ਡਾ. ਅਜੈ ਪਾਲ ਸਿੰਘ ਕੰਵਰ, ਡਾ. ਲਖਬੀਰ ਸਿੰਘ, ਡਾ. ਅਮਨ ਮਿਨਹਾਸ, ਹੈਲਥ ਇੰਸਪੈਕਟਰ ਸੁਖਦਿਆਲ, ਡਾਕਟਰ ਅਮਨ ਮਿਨਹਾਸ, ਰੇਡੀਉਗ੍ਰਾਫਰ ਆਕਾਸ਼ਦੀਪ, ਦੁਸ਼ਾਂਤ, ਮਨੋਜ ਕੁਮਾਰ, ਗੁਰਵਿੰਦਰ ਸਿੰਘ ਤੋਂ ਇਲਾਵਾ ਨਰਸਿੰਗ ਵਿਦਿਆਰਥੀ ਹਾਜ਼ਰ ਸਨ |
