ਥੇਂਦਾ ਵਿਖੇ ਐਨ. ਆਰ. ਆਈ. ਬਲਰਾਜ ਸਿੰਘ ਕਾਲਕੱਟ ਸਨਮਾਨਿਤ

ਗੜ੍ਹਦੀਵਾਲਾ, 25 ਜੂਨ (ਚੱਗਰ)-ਪਿੰਡ ਥੇਂਦਾ ਵਿਖੇ ਗੁਰਦੁਆਰਾ ਸਿੰਘ ਸਭਾ, ਸਮੂਹ ਗ੍ਰਾਮ ਪੰਚਾਇਤ ਤੇ ਦਸਮੇਸ਼ ਸੇਵਾਵਾਂ ਕਲੱਬ ਥੇਂਦਾ ਵਲੋਂ ਅਮਰੀਕਾ ਨਿਵਾਸੀ ਬਲਰਾਜ ਸਿੰਘ ਕਾਲਕੱਟ ਦਾ ਪਿੰਡ ਦੇ ਵਿਚ ਧਾਰਮਿਕ, ਖੇਡਾਂ, ਸਕੂਲ ਤੇ ਹਰ ਖੇਤਰ ਵਿਚ ਪਾਏ ਜਾਂਦੇ ਵਡਮੁੱਲੇ ਯੋਗਦਾਨ ਕਰਕੇ ਵਿਸ਼ੇਸ਼ ਸਨਮਾਨ ਕੀਤਾ। ਇਸ ਮੌਕੇ ਅਕਾਲੀ ਆਗੂ ਹਰਵਿੰਦਰ ਸਿੰਘ ਸਮਰਾ ਤੇ ਸਰਪੰਚ ਹਰਦੀਪ ਸਿੰਘ ਸਮਰਾ ਨੇ ਕਿਹਾ ਕਿ ਪਿੰਡ ਦੀ ਤਰੱਕੀ ’ਚ ਐਨ. ਆਰ. ਆਈ. ਵੀਰਾਂ ਦਾ ਬਹੁਤ ਸਹਿਯੋਗ ਹੁੰਦਾ ਹੈ ਜਦ ਕਿ ਬਲਰਾਜ ਸਿੰਘ ਕਾਲਕੱਟ ਨੇ ਹਮੇਸ਼ਾ ਪਿੰਡ ਦੇ ਵਿਚ ਜਦ ਵੀ ਲੋੜ ਪਈ ਹੈ ਤਾਂ ਹਮੇਸ਼ਾ ਸਭ ਤੋਂ ਮੂਹਰੇ ਆ ਕੇ ਸਹਿਯੋਗ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਚਾਹੇ ਉਹ ਖੇਡਾਂ ਹੋਣ, ਧਾਰਮਿਕ ਪ੍ਰੋਗਰਾਮ ਹੋਣ ਉਨ੍ਹਾਂ ਨੇ ਹਰ ਖੇਤਰ ’ਚ ਹਰ ਸੰਭਵ ਮਦਦ ਕੀਤੀ ਹੈ। ਇਸ ਮੌਕੇ ਭਾਈ ਕਰਨੈਲ ਸਿੰਘ ਪੰਚ, ਮਨਜਿੰਦਰ ਸਿੰਘ ਬੋਦਲ, ਲਵਰਾਜ ਸਿੰਘ ਕਾਲਕੱਟ, ਮਲੂਕ ਸਿੰਘ ਕਾਲਕੱਟ, ਸਤਵਿੰਦਰ ਸਿੰਘ ਆਦਿ ਹਾਜ਼ਰ ਸਨ।