ਫ਼ੈਕਟਰੀਆਂ ਤੇ ਆਰੇ ਵਾਲਿਆਂ ਦੀ ਮਨਮਾਨੀ: ਨਵੀਂ ਬਣੀ ਸੜਕ ਤੋਂ ਧੱਕੇ ਨਾਲ ਓਵਰਲੋਡ ਵਾਹਨ ਲੰਘਾਏ

ਪ

ਪਿੰਡ ਖਾਖਲੀ ਤੋਂ ਬੂਆ ਬਾਈ ਰੋਡ ’ਤੇ ਬਣਾਈ ਗਈ ਕੰਕਰੀਟ ਦੀ ਨਵੀਂ ਸੜਕ ਤੋਂ ਲੰਘਦੀ ਹੋਈ ਓਵਰਲੋਡ ਟਰਾਲੀ। (ਨਾਲ) ਟੁੱਟੀ ਸੜਕ ਦਾ ਦ੍ਰਿਸ਼। ਤਸਵੀਰਾਂ: ਹਮਸ਼ਾਇਨ ਸਟੂਡੀਓ 20-08-2026

ਹੁਸ਼ਿਆਰਪੁਰ, 19 ਅਗਸਤ (ਬਲਜਿੰਦਰਪਾਲ ਸਿੰਘ)-ਪਿੰਡ ਖਾਖਲੀ ਤੋਂ ਬੂਆ ਬਾਈ ਰੋਡ ’ਤੇ ਬਣਾਈ ਗਈ ਕੰਕਰੀਟ ਦੀ ਨਵੀਂ ਸੜਕ ਸਥਾਨਕ ਫ਼ੈਕਟਰੀਆਂ ਵਾਲਿਆਂ ਅਤੇ ਆਰੇ ਵਾਲਿਆਂ ਦੀਆਂ ਆਪ ਹੁਦਰੀਆਂ ਦੇ ਚੱਲਦਿਆਂ ਟੁੱਟਣੀ ਸ਼ੁਰੂ ਹੋ ਗਈ ਹੈ ਕਿਉਂਕਿ ਮਨਮਰਜ਼ੀ ਨਾਲ ਨਵੀਂ ਬਣੀ ਸੜਕ ਨੂੰ ਪੱਕਿਆ ਹੋਣ ਤੋਂ ਪਹਿਲਾਂ ਹੀ ਚਾਲੂ ਕਰ ਦਿੱਤਾ ਅਤੇ ਓਵਰਲੋਡ ਟਰਾਲੀਆਂ ਲੰਘੋਣੀਆਂ ਸ਼ੁਰੂ ਕਰ ਦਿੱਤੀਆਂ। ਇਸ ਟੁੱਟ ਰਹੀ ਸੜਕ ਦਾ ਵਿਰੋਧ ਕਰਦਿਆਂ ਸਥਾਨਕ ਵਾਸੀਆਂ ਪਿੰਡ ਬਾਗਪੁਰ ਦੀ ਸਰਪੰਚ ਗੁਰਪ੍ਰੀਤ ਕੌਰ, ਪੰਚ ਮਨੀਸ਼ ਸੈਣੀ, ਸਾਬਕਾ ਸਰਪੰਚ ਗੁਰਮੀਤ ਸਿੰਘ, ਰਮਨਦੀਪ ਸਿੰਘ, ਭੁਪਿੰਦਰ ਸਿੰਘ, ਦਵਿੰਦਰ ਸਿੰਘ, ਸਰੂਪ ਸਿੰਘ, ਗੁਰਵਿੰਦਰ ਸਿੰਘ ਆਦਿ ਨੇ ਤੁਰੰਤ ਇਸਦੀ ਸ਼ਿਕਾਇਤ ਸੰਬੰਧਿਤ ਵਿਭਾਗ ਨੂੰ ਕੀਤੀ। ਉਨ੍ਹਾਂ ਕਿਹਾ ਕਿ ਸਰਕਾਰ ਇਕ ਪਾਸੇ ਲੋਕਾਂ ਦੀ ਸਹੂਲਤ ਲਈ ਸੜਕਾਂ ਦਾ ਨਿਰਮਾਣ ਕਰਵਾ ਰਹੀ ਹੈ ਪਰ ਦੂਸਰੇ ਪਾਸੇ ਕੁੱਝ ਲੋਕਾਂ ਦੀਆਂ ਮਨਮਾਨੀਆਂ ਤੇ ਸੜਕ ਤੋਂ ਲੰਘਾਏ ਜਾ ਰਹੇ ਭਾਰੀ ਵਾਹਨਾਂ ਕਾਰਨ ਸੜਕ ਟੁੱਟਣੀ ਸ਼ੁਰੂ ਹੋ ਗਈ ਹੈ ਤੇ ਕੰਕਰੀਟ ਦੀ ਸੜਕ ਹੋਣ ਕਾਰਨ ਜਗ੍ਹਾ-ਜਗ੍ਹਾ ’ਤੇ ਤਰੇੜਾਂ ਆ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਵੀ ਲੱਕੜ ਦੀਆਂ ਓਵਰਲੋਡ ਟਰਾਲੀਆਂ ਨਾਲ ਅਨੇਕਾਂ ਹਾਦਸੇ ਵਾਪਰ ਚੁੱਕੇ ਹਨ ਪਰ ਇਸਦੇ ਬਾਵਜੂਦ ਪ੍ਰਸ਼ਾਸਨ ਵਲੋਂ ਇਨ੍ਹਾਂ ’ਤੇ ਕੋਈ ਰੋਕ ਨਹੀਂ ਲਗਾਈ ਗਈ। ਸ਼ਿਕਾਇਤ ਮਿਲਣ ਤੋਂ ਬਾਅਦ ਪੀ.ਡੀ.ਡਬਲਯੂ. ਦੇ ਜੇ.ਈ. ਅਨਿਲ ਕੁਮਾਰ ਮੌਕੇ ’ਤੇ ਪਹੁੰਚੇ ਤੇ ਉਨ੍ਹਾਂ ਤੁਰੰਤ ਭਾਰੀ ਵਾਹਨਾਂ ਨੂੰ ਲੰਘਣਾ ਬੰਦ ਕਰਵਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਅਜੇ ਕੁੱਝ ਦਿਨ ਪਹਿਲਾਂ ਹੀ ਇਹ ਸੜਕ ਬਣਾਈ ਗਈ ਹੈ ਤੇ ਇਸਦਾ ਨਿਰਮਾਣ ਵੀ ਅਜੇ ਤੱਕ ਮੁਕੰਮਲ ਨਹੀਂ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਸੜਕ ਦੀਆਂ ਬਰਮਾਂ ਨਾ ਹੋਣ ਕਾਰਨ ਭਾਰੀ ਵਾਹਨਾਂ ਦੇ ਲੰਘਣ ਕਾਰਨ ਸੜਕ ਟੁੱਟਣੀ ਸ਼ੁਰੂ ਹੋ ਗਈ ਹੈ ਜਿਸਦੇ ਚੱਲਦਿਆਂ ਭਾਰੀ ਵਾਹਨਾਂ ਨੂੰ ਲੰਘਣਾ ਬੰਦ ਕਰ ਦਿੱਤਾ ਗਿਆ ਹੈ ਤੇ ਜਦੋਂ ਤੱਕ ਸੜਕ ਪੂਰੀ ਤਰ੍ਹਾਂ ਮੁਕੰਮਲ ਨਹੀਂ ਹੋ ਜਾਂਦੀ ਉਦੋਂ ਤੱਕ ਭਾਰੀ ਵਾਹਨਾਂ ਦੇ ਲੰਘਣ ’ਤੇ ਰੋਕ ਲੱਗੀ ਰਹੇਗੀ।

ਪਿਛਲੀ ਖ਼ਬਰ ਪੰਜਾਬ ਦੇ ਖ਼ੁਰਾਕ ਤੇ ਸਿਵਲ ਸਪਲਾਈ ਵਿਭਾਗ ਦੇ ਇੰਸਪੈਕਟਰਾਂ ਵਲੋਂ ਅਣਮਿੱਥੇ ਸਮੇਂ ਲਈ ਹੜਤਾਲ ਸ਼ੁਰੂ ਅਗਲੀ ਖ਼ਬਰ ਹੁਸ਼ਿਆਰਪੁਰ ਕੈਂਪਸ ’ਚ ਓਰੀਐਨਟੇਸ਼ਨ ਪ੍ਰੋਗਰਾਮ ਕਰਵਾਇਆ

ਫ਼ੈਕਟਰੀਆਂ ਤੇ ਆਰੇ ਵਾਲਿਆਂ ਦੀ ਮਨਮਾਨੀ: ਨਵੀਂ ਬਣੀ ਸੜਕ ਤੋਂ ਧੱਕੇ ਨਾਲ ਓਵਰਲੋਡ ਵਾਹਨ ਲੰਘਾਏ

ਸੰਬੰਧਿਤ ਖ਼ਬਰਾਂ