ਬੇਅੰਤ ਸਿੰਘ ਰੰਧਾਵਾ ਚੇਅਰਮੈਨ ਮਾਰਕੀਟ ਕਮੇਟੀ ਵਲੋਂ 10 ਲੱਖ ਦੀ ਕੈਸ਼ ਲੈੱਸ ਕਾਰਡ ਵੰਡ ਮੁਹਿੰਮ ਦਾ ਆਗਾਜ਼
ਭੰਗਾਲਾ, 21 ਸਤੰਬਰ (ਬਲਵਿੰਦਰਜੀਤ ਸਿੰਘ ਸੈਣੀ)-ਸੂਬਾ ਸਰਕਾਰ ਵਲੋਂ ਸਿਹਤ ਸਹੂਲਤਾਂ ਲਈ 10 ਲੱਖ ਦੀ ਕੈਸਲੈਸ ਸਕੀਮ ਚਲਾਈ ਹੈ, ਇਸ ਕਾਰਡ ਵੰਡ ਸਕੀਮ ਦਾ ਅਗਾਜ਼ ਹਲਕਾ ਇੰਚਾਰਜ ਸਰਬਜੋਤ ਸਿੰਘ ਸਾਬੀ ਦੀ ਅਗਵਾਈ ਹੇਠਾਂ ਮਾਰਕਿਟ ਕਮੇਟੀ ਮੁਕੇਰੀਆਂ ਦੇ ਚੇਅਰਮੈਨ ਬੇਅੰਤ ਸਿੰਘ ਰੰਧਾਵਾ ਦੀ ਦੇਖ-ਰੇਖ ਹੇਠ ਸੀ. ਐਚ.
ਬ
ਬੇਅੰਤ ਸਿੰਘ ਰੰਧਾਵਾ 10 ਲੱਖ ਬੀਮਾ ਕਾਰਡ ਲੋਕਾਂ ਨੂੰ ਸੌਂਪਦੇ ਹੋਏ ਨਾਲ ਡਾਕਟਰ ਨੀਲਮ ਐਸ. ਐਮ. ਓ. ਬੁੱਢਾਵੜ। ਤਸਵੀਰ : ਬਲਵਿੰਦਰ ਸਿੰਘ ਸੈਣੀ
22-09-2026
ਭੰਗਾਲਾ, 21 ਸਤੰਬਰ (ਬਲਵਿੰਦਰਜੀਤ ਸਿੰਘ ਸੈਣੀ)-ਸੂਬਾ ਸਰਕਾਰ ਵਲੋਂ ਸਿਹਤ ਸਹੂਲਤਾਂ ਲਈ 10 ਲੱਖ ਦੀ ਕੈਸਲੈਸ ਸਕੀਮ ਚਲਾਈ ਹੈ, ਇਸ ਕਾਰਡ ਵੰਡ ਸਕੀਮ ਦਾ ਅਗਾਜ਼ ਹਲਕਾ ਇੰਚਾਰਜ ਸਰਬਜੋਤ ਸਿੰਘ ਸਾਬੀ ਦੀ ਅਗਵਾਈ ਹੇਠਾਂ ਮਾਰਕਿਟ ਕਮੇਟੀ ਮੁਕੇਰੀਆਂ ਦੇ ਚੇਅਰਮੈਨ ਬੇਅੰਤ ਸਿੰਘ ਰੰਧਾਵਾ ਦੀ ਦੇਖ-ਰੇਖ ਹੇਠ ਸੀ. ਐਚ. ਸੀ. ਬੁੱਢਾਬੜ ਵਿਖੇ ਲੋਕਾਂ ਨੂੰ ਕਾਰਡ ਵੰਡ ਕੇ ਕੀਤਾ। ਇਸ ਮੌਕੇ ਗੱਲਬਾਤ ਕਰਦਿਆਂ ਬੇਅੰਤ ਰੰਧਾਵਾ ਨੇ ਦੱਸਿਆ ਕਿ ਇਹ ਜੋ ਸਕੀਮ ਪੰਜਾਬ ਸਰਕਾਰ ਵਲੋਂ ਚਲਾਈ ਗਈ ਸੀ, ਉਸ ਦੇ ਕਾਰਡ ਬਣ ਕੇ ਪਹੁੰਚ ਚੁੱਕੇ ਹਨ ਅਤੇ ਅੱਜ ਮੁੱਖ ਮੰਤਰੀ ਸਰਦਾਰ ਭਗਵੰਤ ਮਾਨ ਦੇ ਦਿਸ਼ਾ ਹੁਕਮਾਂ ’ਤੇ ਹਲਕਾ ਇੰਚਾਰਜ ਸਰਬਜੋਤ ਸਿੰਘ ਸਾਬੀ ਦੀ ਅਗਵਾਈ ਹੇਠ ਇਹ ਕਾਰਡ ਵੰਡਣ ਦਾ ਆਗਾਜ਼ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ ਨੇ ਲੋਕਾਂ ਨਾਲ ਕੀਤੇ ਹਰ ਵਾਅਦੇ ਇਕ-ਇਕ ਕਰਕੇ ਪੂਰੇ ਕਰ ਦਿੱਤੇ ਹਨ, ਉਨ੍ਹਾਂ ’ਚੋਂ 10 ਲੱਖ ਸਿਹਤ ਸਹੂਲਤ ਵਾਲੇ ਬੀਮੇ ਦੇ ਕਾਰਡ ਵੀ ਲੋਕਾਂ ਦੇ ਘਰ-ਘਰ ਹੱਥਾਂ ਵਿਚ ਦੇ ਦਿੱਤੇ ਹਨ ਤਾਂ ਜੋ ਲੋਕ ਆਪਣਾ ਇਲਾਜ ਬਿਲਕੁਲ ਮੁਫ਼ਤ ਕਰਵਾ ਸਕਣ। ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ ਲੋਕਾਂ ਪ੍ਰਤੀ ਪੂਰੀ ਫਿਕਰਮੰਦ ਹੈ। ਇਸ ਮੌਕੇ ਡਾ. ਨੀਲਮ ਕੁਮਾਰੀ ਐਸ. ਐਮ. ਓ. ਬੁੱਢਾਵੜ ਬੇਅੰਤ ਸਿੰਘ ਰੰਧਾਵਾ ਚੇਅਰਮੈਨ ਮਾਰਕੀਟ ਕਮੇਟੀ ਤੇ ਪੂਰੀ ਆਮ ਆਦਮੀ ਪਾਰਟੀ ਮੁਕੇਰੀਆਂ ਦੀ ਟੀਮ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਡਾ. ਦਵਿੰਦਰ ਸਿੰਘ, ਸਰਪੰਚ ਦਿਲਬਾਗ ਸਿੰਘ ਮਹਿਮੂਦਪੁਰ ਬਟਾਲਾ, ਗੁਰਜੀਵਨ ਸਿੰਘ, ਰਾਜਦੀਪ ਸਿੰਘ ਨੋਸਹਿਰਾ, ਰਿੰਪੀ ਬੀ. ਈ. ਈ., ਠਾਕੁਰ ਸੰਗਰਾਮ, ਗੁਰਪ੍ਰੀਤ ਸਿੰਘ ਕੋਲਪੁਰ, ਪੰਕਜ, ਸੋਨੂ ਮਹੰਤ, ਪੰਕੂ, ਸੁਖਵਿੰਦਰ ਸਿੰਘ ਢਿੱਲੋਂ, ਜਸਵੀਰ ਕੁਮਾਰ, ਬਲਜਿੰਦਰ ਸਿੰਘ, ਅਮਰਜੀਤ ਸਿੰਘ, ਸਿਵਤੰਤਰ, ਪ੍ਰਿੰਸ ਕੁਮਾਰ, ਰਜਨੀ ਏ. ਐਨ. ਐਮ. ਆਦਿ ਹਾਜ਼ਰ ਸਨ।
