ਰਜਨੀ ਬਾਲਾ ਦੀ ਸੇਵਾ ਮੁਕਤੀ ’ਤੇ ਵਿਦਾਇਗੀ ਸਮਾਗਮ
ਗੜ੍ਹਦੀਵਾਲਾ, 2 ਅਕਤੂਬਰ (ਚੱਗਰ)-ਡੀ. ਏ.
ਗੜ੍ਹਦੀਵਾਲਾ, 2 ਅਕਤੂਬਰ (ਚੱਗਰ)-ਡੀ. ਏ. ਵੀ. ਸੀਨੀਅਰ ਸੈਕੰਡਰੀ ਸਕੂਲ ਗੜ੍ਹਦੀਵਾਲਾ ਵਿਖੇ ਲਗਪਗ 29 ਸਾਲ ਬਤੌਰ ਅਧਿਆਪਕਾ ਸੇਵਾਵਾਂ ਨਿਭਾਉਣ ਉਪਰੰਤ ਸੇਵਾ-ਮੁਕਤ ਹੋਏ ਮੈਡਮ ਰਜਨੀ ਬਾਲਾ ਲਈ ਸਕੂਲ ਦੇ ਪ੍ਰਿੰਸੀਪਲ ਸੁਨੀਲ ਦੱਤ ਦੀ ਅਗਵਾਈ ਹੇਠ ਸ਼ਾਨਦਾਰ ਵਿਦਾਇਗੀ ਸਮਾਗਮ ਕਰਵਾਇਆ, ਜਿਸ ’ਚ ਡੀ. ਏ. ਵੀ. ਸੰਸਥਾ ਦੇ ਮੈਂਬਰ ਤੇ ਸਮਾਜ ਸੇਵਕ ਦੀਪਕ ਜੈਨ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਹੋਏ। ਇਸ ਮੌਕੇ ਰਜਨੀ ਬਾਲਾ ਨੇ ਸਕੂਲ ਨੂੰ 21,000 ਰੁਪਏ ਦੀ ਰਾਸ਼ੀ ਭੇਟ ਕੀਤੀ ਅਤੇ ਸਕੂਲ ਦੇ ਸਹਾਇਕ ਸਟਾਫ਼ ਨੂੰ ਸਨਮਾਨ-ਰਾਸ਼ੀ ਵੀ ਦਿੱਤੀ। ਇਸ ਮੌਕੇ ਵਿਦਿਆਰਥੀਆਂ ਨੇ ਸੱਭਿਆਚਾਰ ਪ੍ਰੋਗਰਾਮ ਪੇਸ਼ ਕੀਤਾ, ਜਦਕਿ ਸਮਾਗਮ ਦੀ ਸਮਾਪਤੀ ‘ਤੇ ਰਜਨੀ ਬਾਲਾ ਨੂੰ ਯਾਦਗਾਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਰਜਨੀ ਬਾਲਾ ਦੇ ਪਤੀ ਗੋਪਾਲ ਕ੍ਰਿਸ਼ਨਾ, ਧੀ ਸਾਕਸ਼ੀ ਅਤੇ ਪੁੱਤਰ ਲਕਸ਼ਯ ਰਖਰਾ ਤੋਂ ਇਲਾਵਾ ਪਵਨ ਕੁਮਾਰ, ਅਸ਼ੋਕ ਕੁਮਾਰ, ਸੰਦੀਪ ਕੁਮਾਰ, ਗਗਨ ਫਰਵਾਹਾ, ਮਨਕਿਰਨ, ਰੀਨਾ, ਅਮੀਸ਼ਾ, ਰਜਨੀ, ਰੇਖਾ, ਸ਼ਵੇਤਾ, ਕਮਲੇਸ਼, ਸੰਤੋਸ਼, ਹਰਮਿੰਦਰ, ਸ਼ਰਨਜੀਤ, ਜੈਸਮੀਨ, ਸਿਮਰਨਜੀਤ, ਪ੍ਰਿਅੰਕਾ, ਅਮਨਦੀਪ, ਸਿਮੀ ਤੇ ਸੁਨੀਤਾ ਮੌਜੂਦ ਸਨ।
