ਮੂਰਤੀਆਂ ਦੀ ਭੰਨਤੋੜ ਕਰਨ ਅਤੇ ਪੈਸੇ ਚੋਰੀ ਕਰਨ ਦੇ ਦੋਸ਼ ’ਚ ਨਾਮਜ਼ਦ
ਗੜ੍ਹਸ਼ੰਕਰ, 27 ਅਕਤੂਬਰ (ਧਾਲੀਵਾਲ)- ਪਿੰਡ ਬਡੇਸਰੋਂ ਵਿਖੇ ਮੂਰਤੀਆਂ ਦੀ ਭੰਨ-ਤੋੜ ਕਰਨ, ਗੱਲੇ ਚੋਂ ਪੈਸੇ ਚੋਰੀ ਕਰਨ ਦੇ ਦੋਸ਼ ’ਚ ਗੜ੍ਹਸ਼ੰਕਰ ਪੁਲਿਸ ਨੇ ਇਕ ਵਿਅਕਤੀ ਨੂੰ ਨਾਮਜ਼ਦ ਕੀਤਾ ਹੈ। ਮੁਕੇਸ਼ ਕੁਮਾਰ ਪੁੱਤਰ ਮਹਾਦੇਵ ਵਾਸੀ ਬਡੇਸਰੋਂ ਨੇ ਪੁਲਿਸ ਨੂੰ ਦੱਸਿਆ ਕਿ ਪਿੰਡ ਦੇ ਚੜ੍ਹਦੇ ਪਾਸੇ ਮੇਰੇ ਤਾਏ ਦੇ ਲੜਕੇ ਅਰੁਣ ਕੁਮਾਰ ਪੁੱਤਰ ਕਿਸ਼ਨ ਦੇਵ ਦੀ ਜ਼ਮੀਨ ਪੈਂਦੀ ਹੈ ਜਿਸ ਵਿਚ ਧਾਰਮਿਕ ਜਗਾ ਬਣੀ ਹੋਈ ਹੈ ਜਿਸ ਵਿਚ ਸ਼ਿਵ ਪਰਿਵਾਰ ਦੀਆਂ ਮੂਰਤੀਆਂ ਸਥਾਪਿਤ ਹਨ।
ਗੜ੍ਹਸ਼ੰਕਰ, 27 ਅਕਤੂਬਰ (ਧਾਲੀਵਾਲ)- ਪਿੰਡ ਬਡੇਸਰੋਂ ਵਿਖੇ ਮੂਰਤੀਆਂ ਦੀ ਭੰਨ-ਤੋੜ ਕਰਨ, ਗੱਲੇ ਚੋਂ ਪੈਸੇ ਚੋਰੀ ਕਰਨ ਦੇ ਦੋਸ਼ ’ਚ ਗੜ੍ਹਸ਼ੰਕਰ ਪੁਲਿਸ ਨੇ ਇਕ ਵਿਅਕਤੀ ਨੂੰ ਨਾਮਜ਼ਦ ਕੀਤਾ ਹੈ। ਮੁਕੇਸ਼ ਕੁਮਾਰ ਪੁੱਤਰ ਮਹਾਦੇਵ ਵਾਸੀ ਬਡੇਸਰੋਂ ਨੇ ਪੁਲਿਸ ਨੂੰ ਦੱਸਿਆ ਕਿ ਪਿੰਡ ਦੇ ਚੜ੍ਹਦੇ ਪਾਸੇ ਮੇਰੇ ਤਾਏ ਦੇ ਲੜਕੇ ਅਰੁਣ ਕੁਮਾਰ ਪੁੱਤਰ ਕਿਸ਼ਨ ਦੇਵ ਦੀ ਜ਼ਮੀਨ ਪੈਂਦੀ ਹੈ ਜਿਸ ਵਿਚ ਧਾਰਮਿਕ ਜਗਾ ਬਣੀ ਹੋਈ ਹੈ ਜਿਸ ਵਿਚ ਸ਼ਿਵ ਪਰਿਵਾਰ ਦੀਆਂ ਮੂਰਤੀਆਂ ਸਥਾਪਿਤ ਹਨ। ਉਨ੍ਹਾਂ ਦੱਸਿਆ ਕਿ ਜਦੋਂ ਸਵੇਰ ਸਮੇਂ ਜਾ ਕੇ ਦੇਖਿਆ ਤਾਂ ਸ਼ਿਵ ਭਗਵਾਨ ਦੀ ਮੂਰਤੀ ਖੰਡਿਤ ਪਈ ਸੀ ਤੇ ਮੂਰਤੀਆਂ ਸਾਹਮਣੇ ਲੱਗਿਆ ਸ਼ੀਸ਼ਾ ਵੀ ਤੋੜਿਆ ਹੋਇਆ ਸੀ ਅਤੇ ਪੈਸਿਆਂ ਵਾਲਾ ਗੱਲਾ ਵੀ ਟੁੱਟਿਆ ਪਿਆ ਸੀ। ਸ਼ਿਵ ਭਗਵਾਨ ਦੇ ਤ੍ਰਿਸ਼ੂਲ ਅਤੇ ਇਕ ਮੂਰਤੀ ਵੀ ਗ਼ਾਇਬ ਸੀ। ਨੇੜਲੇ ਵਿਜੇ ਕੁਮਾਰ ਦੇ ਖੇਤ ਵਿਚ ਤੂੜੀ ਦਾ ਕੁੱਪ ਅਤੇ ਮੱਕੀ ਦੇ ਬੰਦ ਵੀ ਸੜ ਕੇ ਸੁਆਹ ਹੋਏ ਪਏ ਸਨ। ਉਨ੍ਹਾਂ ਇਹ ਸਭ ਕੁੱਝ ਬਲਵੀਰ ਕੁਮਾਰ ਪੁੱਤਰ ਹਰਭਜਨ ਰਾਮ ਵਾਸੀ ਬਡੇਸਰੋਂ ’ਤੇ ਕਰਨ ਦਾ ਦੋਸ਼ ਲਗਾਇਆ। ਪੁਲਿਸ ਨੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਸਮੇਤ ਵੱਖ-ਵੱਖ ਧਰਾਵਾਂ ਤਹਿਤ ਬਲਵੀਰ ਕੁਮਾਰ ਖ਼ਿਲਾਫ਼ ਮਾਮਲਾ ਦਰਜ਼ ਕਰਕੇ ਉਸ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
