ਲੇਖਿਕਾ ਡਾ. ਸਵੀਨ ਸੈਣੀ ਦੀ ਪੁਸਤਕ ‘ਏਕ ਯੁੱਧ ਅਪਨੇ ਵਿਰੁੱਧ’ ਐਮਾਜ਼ਾਨ ’ਤੇ ਬਣੀ ਨੰਬਰ 1 ਬੈੱਸਟ ਸੇਲਰ
ਹੁਸ਼ਿਆਰਪੁਰ, 18 ਨਵੰਬਰ (ਬਲਜਿੰਦਰਪਾਲ ਸਿੰਘ)-ਮਨੋਚਿਕਿਤਸਕ, ਸਿੱਖਿਆ ਸ਼ਾਸਤਰੀ, ਪੇਰੈਂਟਿੰਗ ਕੋਚ, ਕਰੀਅਰ ਸਟਰੈਟਜਿਸਟ ਅਤੇ ਲਾਈਫ਼ ਸਕਿੱਲਜ਼ ਟਰੇਨਰ ਡਾ. ਸਵੀਨ ਸੈਣੀ ਦੀ ਪੁਸਤਕ ‘ਏਕ ਯੁੱਧ ਅਪਨੇ ਵਿਰੁੱਧ’ ਦਾ ਪ੍ਰਕਾਸ਼ਨ ਗੁਰੂਕੁਲ ਪਬਲਿਸ਼ਿੰਗ ਵਲੋਂ ਕੀਤਾ ਗਿਆ ਹੈ।
ਹੁਸ਼ਿਆਰਪੁਰ, 18 ਨਵੰਬਰ (ਬਲਜਿੰਦਰਪਾਲ ਸਿੰਘ)-ਮਨੋਚਿਕਿਤਸਕ, ਸਿੱਖਿਆ ਸ਼ਾਸਤਰੀ, ਪੇਰੈਂਟਿੰਗ ਕੋਚ, ਕਰੀਅਰ ਸਟਰੈਟਜਿਸਟ ਅਤੇ ਲਾਈਫ਼ ਸਕਿੱਲਜ਼ ਟਰੇਨਰ ਡਾ. ਸਵੀਨ ਸੈਣੀ ਦੀ ਪੁਸਤਕ ‘ਏਕ ਯੁੱਧ ਅਪਨੇ ਵਿਰੁੱਧ’ ਦਾ ਪ੍ਰਕਾਸ਼ਨ ਗੁਰੂਕੁਲ ਪਬਲਿਸ਼ਿੰਗ ਵਲੋਂ ਕੀਤਾ ਗਿਆ ਹੈ। ਸਾਲ 2026 ਵਿਚ ਪ੍ਰਕਾਸ਼ਿਤ ਹੋਈ ਇਹ ਪੁਸਤਕ ਆਪਣੇ ਪ੍ਰਕਾਸ਼ਨ ਦੇ ਪਹਿਲੇ ਹੀ ਦਿਨ ਪਾਠਕਾਂ ਵਿਚ ਕਾਫ਼ੀ ਮਕਬੂਲ ਹੋ ਗਈ। ਵੱਡੀ ਗਿਣਤੀ ’ਚ ਪਾਠਕਾਂ ਵਲੋਂ ਇਸ ਪੁਸਤਕ ਨੂੰ ਆਰਡਰ ਕੀਤੇ ਜਾਣ ਕਾਰਨ ਇਸ ਨੇ ਐਮਾਜ਼ਾਨ ’ਤੇ ਆਪਣੀ ਸ਼੍ਰੇਣੀ ’ਚ ਨੰਬਰ 1 ਬੈੱਸਟ ਸੇਲਰ ਦਾ ਸਥਾਨ ਹਾਸਿਲ ਕੀਤਾ ਅਤੇ ਸਭ ਤੋਂ ਵੱਧ ਵਿਕਣ ਵਾਲੀਆਂ ਪੁਸਤਕਾਂ ਵਿਚ ਆਪਣੀ ਖ਼ਾਸ ਪਛਾਣ ਬਣਾਈ। ਇਸ ਪੁਸਤਕ ਦਾ ਮੁੱਖ ਸੰਦੇਸ਼ ਪਾਠਕਾਂ ਨੂੰ ਦੁਨੀਆ ਨੂੰ ਜਿੱਤਣ ਤੋਂ ਪਹਿਲਾਂ ਆਪਣੇ ਅੰਦਰ ਚੱਲ ਰਹੇ ਸੰਘਰਸ਼ਾਂ ਨੂੰ ਸਮਝਣ ਅਤੇ ਆਪਣੇ ਆਪ ਨਾਲ ਦੋਸਤੀ ਕਰਨ ਲਈ ਪ੍ਰੇਰਿਤ ਕਰਨਾ ਹੈ। ਡਾ. ਸਵੀਨ ਸੈਣੀ ਪਿਛਲੇ ਤਿੰਨ ਦਹਾਕਿਆਂ ਤੋਂ ਮਨੁੱਖੀ ਮਨ, ਵਿਵਹਾਰ, ਰਿਸ਼ਤਿਆਂ ਅਤੇ ਜੀਵਨ ਦੀਆਂ ਉਲਝਣਾਂ ਨੂੰ ਸਮਝਣ ਅਤੇ ਸੁਲਝਾਉਣ ਦੇ ਖੇਤਰ ਵਿਚ ਸਰਗਰਮ ਹਨ। ਉਹ ‘ਦ ਮਾਈਂਡ ਮੈਂਟੋਰਜ਼’ ਦੀ ਸੰਸਥਾਪਕ ਵੀ ਹਨ। ਇਸ ਪੁਸਤਕ ਰਾਹੀਂ ਉਨ੍ਹਾਂ ਨੇ ਆਪਣੇ ਲੰਬੇ ਤਜਰਬਿਆਂ ਅਤੇ ਸੰਵੇਦਨਸ਼ੀਲ ਵਿਚਾਰਾਂ ਨੂੰ ਸਾਹਿਤਕ ਰੂਪ ਦੇ ਕੇ ਪਾਠਕਾਂ ਤੱਕ ਪਹੁੰਚਾਉਣ ਦਾ ਉਪਰਾਲਾ ਕੀਤਾ ਹੈ।