ਮੁੱਖ ਮੰਤਰੀ ਭਗਵੰਤ ਮਾਨ ਵਲੋਂ ਚੌਕੀ ਗੁਲਾਬਗੜ੍ਹ ਦੇ ਸਾਰੇ ਮੁਲਾਜ਼ਮਾਂ ਦੀਆਂ ਕੀਤੀਆਂ ਬਦਲੀਆਂ ਤੋਂ ਸਬਕ ਲੈਣ ਦੀ ਲੋੜ
ਅਜੀਤ ਡੈਸਕ
08-04-2026
ਅਜਿਹੀ ਕਹਾਣੀ ਕਈ ਥਾਣਿਆਂ ਵਿਚ ਲੱਗਣ ਵਾਲੇ ਮੁਨਸ਼ੀਆਂ ਬਾਰੇ ਵੀ ਅਕਸਰ ਸੁਨਣ ਨੂੰ ਮਿਲਦੀ ਹੈ | ਇਹ ਵੀ ਸੱਚ ਹੈ ਕਿ ਸੀਨੀਅਰ ਅਧਿਕਾਰੀਆਂ ਨੇ ਕਈ ਇਮਾਨਦਾਰ ਅਫ਼ਸਰ ਇਕ ਤਰ੍ਹਾਂ ਨਾਲ ਗੁੱਠੇ ਲਗਾਏ ਹੋਏ ਹਨ ਅਤੇ ਸਿਰਫ਼ ਉਹ ਹੀ ਅਫ਼ਸਰ ਵਾਰ-ਵਾਰ ਥਾਣਿਆਂ ਅਤੇ ਚੌਂਕੀਆਂ ਦੇ ਇੰਚਾਰਜ ਜਾਂ ਫਿਰ ਥਾਣਿਆਂ ਦੇ ਮੁੱਖ ਮੁਨਸ਼ੀ ਲੱਗਦੇ ਵਿਖਾਈ ਦਿੰਦੇ ਹਨ ਜਿਨ੍ਹਾਂ ਕੋਲ ਆਪਣੇ ਸੀਨੀਅਰਾਂ ਦੀ ਜੇਬ੍ਹ ਹਰੀ ਕਰਨ ਵਿੱਚ ਦਮ ਹੈ | ਫਿਰ ਉਹ ਜੋ ਮਰਜ਼ੀ ਕਰਨ | ਜਿੱਥੋਂ ਮਰਜ਼ੀ ਪੈਸਾ ਇਕੱਠਾ ਕਰਨ, ਪਰ ਹੁਣ ਜਿਸ ਤਰ੍ਹਾਂ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਇਕ ਵੱਡਾ ਕਦਮ ਚੁੱਕਦਿਆਂ ਨਸ਼ਾ ਤਸਕਰਾਂ ਨਾਲ ਸਾਂਝ ਰੱਖਣ ਵਾਲੇ ਪੁਲਿਸ ਮੁਲਾਜ਼ਮਾਂ ਦੀਆਂ ਦੂਰ-ਦੁਰਾਡੇ ਬਦਲੀਆਂ ਕਰਨ ਦੇ ਤੁਰੰਤ ਹੁਕਮ ਜਾਰੀ ਕੀਤੇ ਇਸ ਤੋਂ ਹੁਣ ਉਨ੍ਹਾਂ ਪੁਲਿਸ ਕਰਮੀਆਂ ਨੂੰ ਚਾਹੀਦਾ ਹੈ ਕਿ ਉਹ ਮੁੱਖ ਮੰਤਰੀ ਦੀ ਪਹਿਲ ਕਦਮੀ ਦਾ ਸਾਥ ਦੇ ਕੇ ਉਨਾਂ ਨਸ਼ਾ ਤਸਕਰਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਨ ਜਿਨ੍ਹਾਂ ਖ਼ਿਲਾਫ਼ ਕਈ ਪਿੰਡਾਂ ਦੇ ਸਰਪੰਚ ਜਾਂ ਫਿਰ ਹੋਰ ਸਮਾਜਸੇਵੀ ਲੋਕ ਜੋ ਲੰਬੇ ਸਮੇਂ ਤੋਂ ਨਸ਼ਾ ਤਸਕਰਾਂ ਖ਼ਿਲਾਫ਼ ਕਾਰਵਾਈ ਲਈ ਤਰਲੋਮੱਛੀ ਹੁੰਦੇ ਵਿਖਾਈ ਦੇ ਰਹੇ ਹਨ |
